0,00 INR

No products in the cart.

கார்த்திகை பொரி உருண்டைகள்!

வாசகர் ஜமாய்க்கிறாங்க!

– எம்.வசந்தா மாரிமுத்து, சென்னை

எள்ளுருண்டை:

தேவையானவை : நாட்டு எள் (வெள்ளை) – 1 கப், வெல்லம் – 1 கப், பச்சரிசி – 1 கைப்பிடி, ஏலத்தூள் – சிட்டிகை

செய்முறை : எள்ளைக் கரைத்து காயவைத்து, வாணலியில் சிறிது சிறிதாகப் போட்டுப் பொரிக்கவும். அரிசியை ஊறவைத்து வடிகட்டி, மிக்ஸியில் ரவையாக அரைத்து, இத்துடன் தூள் செய்த வெல்லம், எள்ளு, பொரி, ஏலம் சேர்த்து நன்கு சுற்றி எடுத்து உருண்டை செய்து நிவேதனம் செய்யலாம்.

கம்பு பொரி உருண்டை:

தேவையானவை : கம்பு – 1 கப், வெல்லம் – 1 கப், வேர்க்கடலை – 1 டேபிள் ஸ்பூன், ஏலத்தூள் – சிட்டிகை, நெய் – 1 ஸ்பூன்.

செய்முறை : கம்பை சுத்தம் செய்து வெறும் வாணலியில் சிறிது சிறிதாகப் போட்டு பூப்போல பொரிக்கவும். வேர்க்கடலையை வறுத்து கரகரப்பாகப் பொடிக்கவும். வெல்லத்தை தட்டிப்போட்டு தண்ணீர் சேர்த்து கம்பிப்பாகு வைத்து, இதில் பொரித்த கம்பு, வேர்க்கடலை, ஏலம் போட்டுக் கிளறி நெய் சேர்த்து உருண்டைகள் பிடித்து நிவேதனம் செய்யலாம். கலவையாகப் போட்டுக் கிளறி உடனடியாக கையில் சிறிது அரிசி மாவு அல்லது நெய் தொட்டு உருண்டைகள் பிடிக்கவும்.

அரிசி பொரி உருண்டை:

தேவையானவை : பச்சரிசி – 1 கப், வெல்லம் – 1 கப், ஏலத்தூள் – 1 சிட்டிகை, முந்திரி – 1 ஸ்பூன், தேங்காய் துருவல் – 1 கப், நெய் – 1 டீஸ்பூன்.

செய்முறை : ஒரு வாணலியில் வெறும் பச்சரிசியை பொன்னிறமாக வறுக்கவும். அது ஆறியதும் மிக்ஸியில் ரவை போல பொடிக்கவும். அடி கனமான பாத்திரத்தில் வெல்லத்தைப் போட்டு சிறிதாக தண்ணீர் சேர்த்து கம்பிப்பாகு இல்லாமல் கொதித்தவுடன் இறக்கவும். ஒரு வாணலியில் நெய் ஊற்றி, முந்திரி வறுத்து, அதில் பொடித்த அரிசி மாவை கட்டியில்லாமல் வறுத்து, அதில் வெல்லத் தண்ணீரை கொஞ்சம் கொஞ்சமாக ஊற்றி கலக்கவும். பிறகு தேங்காய்த் துருவல் சேர்த்து குறைந்த தணலில் கிளறி சுருண்டு வரும்போது இறக்கவும். பின் உருண்டைகளாகப் பிடித்து வைக்கவும். இது பாரம்பரியமான அரிசி பொறி உருண்டை.

அவல் பொரி உருண்டை:

தேவையானவை : அவல் பொரி அல்லது அரிசிப் பொரி அல்லது நெல் பொரி (ஏதாவது) – 2 கப், வெல்லத் தூள் – 1 கப், சுக்குப் பொடி – கால் டீஸ்பூன், ஏலப்பொடி – கால் டீஸ்பூன், தேங்காய்த் துருவல் – அரை கப், முந்திரி – 10, நெய் – தேவைக்கு.

செய்முறை : வாணலியில் சிறிது நெய் விட்டு தேங்காயை லேசாக வறுக்கவும். வெல்லத்தை நீரில் கரைத்து மண் போக வடிகட்டி கம்பி பதத்துக்கு பாகு காய்ச்சவும். அதில் சுக்குப் பொடி, ஏலப்பொடி, வறுத்த முந்திரி, வறுத்த தேங்காய் பொரி போட்டு நன்கு கலந்து, சிறிது நெய் அல்லது அரிசி மாவு தொட்டு பொறுக்கும் சூட்டில் உருண்டைகளாகப் பிடிக்கவும். ஆறியதும் இறுகிவிடும். இதை காற்றுப் புகாத டப்பாவில் போட்டு வைத்து சுவாமிக்கு நிவேதனம் செய்யவும்.

Stay Connected

261,335FansLike
1,909FollowersFollow
8,130SubscribersSubscribe

Other Articles

கவிதைத் தூறல்!

0
-பி.சி. ரகு, விழுப்புரம்   விலைவாசி! எவரெஸ்ட் சிகரத்தை விட எல்.ஐ.சி., பில்டிங்கை விட அரசியல்வாதிகளின் கட்-அவுட்களை விட உயர்ந்து நிற்கிறது விலைவாசி! **************************************** முதிர்கன்னியின் வேண்டுகோள்! தென்றலே என் மீது வீசாதே! தேதிகளே என் வயதை நினைவுபடுத்தாதே! பூக்களே எனக்கு மட்டும் வாசம் தராதீர்கள் புதுமணத் தம்பதிகளே என் கண்ணுக்குள் சிக்காதீர்கள்... குறைந்த விலையில் எனக்கொரு மாப்பிள்ளை கிடைக்கும் வரை. **************************************** பாவம்! வீடு கட்ட மரம்...

பலவித பச்சடி ; பலரகப் பொடி!

0
வாசகர்கள் ஜமாய்க்கிறாங்க! ரெசிபிஸ்!   முருங்கைப் பூ பச்சடி தேவை: முருங்கைப் பூ – 2 கப், துவரம் பருப்பு – 100 கிராம், தேங்காய் – 1, காய்ந்த மிளகாய் – 4, உளுந்தம் பருப்பு –...

ஐகோர்ட்டில் முதல் முறையாக பெண் தபேதார் நியமனம்!

0
வாசகர்கள் ஜமாய்க்கிறாங்க! சென்னை ஐகோர்ட் வரலாற்றில் முதல்முறையாக பெண் தபேதார் நியமிக்கப்பட்டுள்ளார். நீதிபதிகள் தங்கள் அறையில் இருந்து கோர்ட் அறைக்கு வரும்போது அவர்களுக்கு முன் தபேதார் என்பவர் கையில் செங்கோலுடன் வருவது காலம் காலமாக...

மலர் மருத்துவம்!

0
வாசகர்கள் ஜமாய்க்கிறாங்க! மங்கையர் மலர்  வாசகீஸ் FB பகிர்வு!  மல்லிகைப் பூக்களை இரவில் தண்ணீர் ஊற்றி ஊறவைத்து காலையில் அந்த நீரால் முகம் கழுவினால் முகம் எந்த மாசும் இ‌ல்லாம‌ல் முகம் பொலிவு பெறும். எருக்கன்...

ஜோக்ஸ்!

0
 -வி. ரேவதி, தஞ்சை படங்கள்; பிள்ளை   "மொய் வசூல் முடிந்த கையோடு தலைவரை பேசச் சொல்லிட்டாங்க...! "    " கூட்டத்தை விரட்டி அடிக்க அருமையான ஏற்பாடா இருக்கே!   *******************************           ...