0,00 INR

No products in the cart.

கவிதைத் தூறல்!

– எஸ்.பவானி, திருச்சி.
ஓவியம்: சுதர்ஸன்

எச்சரிக்கை!
பூவுடன் சேர்ந்த
நாருக்கும் விலை…
அதுவும் மணக்கும்
என்கிறாள் பூக்காரி!
……………………….

புலம்பல்!

பளிச்சென்று
ஜொலிக்கும் நான்
இருட்டறையில் இருக்கிறேன்…
புலம்புகிறது
பல மாதங்களாய்
பீரோவில்
முடங்கிக் கிடக்கும்
பட்டுப் புடைவை!
……………………….

கவிதை

கண்களில்
விரிந்த காட்சிகளுக்கு
தையல் போட்டேன்…
கவிதை வந்தது!
……………………….

கோழி கூவுது!

கூவுவது நான்
பெயர் வாங்குவது
நீயா?
கோழியை
கோபமாய் பார்க்கிறது
சேவல்!
……………………….

ஆஸ்தி

அப்பாவின் அஸ்தி
ஆற்றில் கரைக்கப்பட்டதும்
ஆஸ்திக்காக
ஆரம்பமாகிறது
அண்ணன், தம்பி
குஸ்தி!
……………………….

நேர்மை

பணிபுரியும் அலுவலகத்தில்
கையூட்டு விரும்பாத
நேர்மையான அதிகாரி,
கோயிலில்
சிறப்பு தரிசனத்திற்காக
காவலாளிக்குப் பணம் கொடுத்துவிட்டு
முன் வரிசையில் நிற்கிறார்!

Stay Connected

261,056FansLike
1,932FollowersFollow
11,700SubscribersSubscribe

Other Articles

தாயே அனுமதி கொடு!

1
கவிதை! -ஜி.அர்ஜுனன், செங்கல்பட்டு இதுவரை உன்னை முந்திப்போக நினைத்ததில்லை! இப்போதெல்லாம் மூன்றுகால் போட்டியிலும் நீயேதான் முதலிடம் பிடிக்கிறாய்! எண்பது வயதிலும் எனக்கு எதுவும் தெரியாதென்றே நம்புகிறாய் நீ இல்லா விட்டால் எனக்கு வாழத் தெரியாது என்றும் புலம்புகிறாய். உண்மைதான்... நான் கட்டியிருக்கும் கந்தல் வேட்டியைக் கூட நீதான் கசக்கி பிழிகிறாய் நான் குடிக்கும் கஞ்சிக்கு கூட உப்பு போதுமா போதாதா என்று...

கவிதை!

0
-ச்ஜேஸூ, ஜெர்மனி செயற்கை உரம்! முடிச்சுக் கயிற்றின் முத்த உறவு விடுபட உற்சாகத் துள்ளலுடன் தாய்மடி மோதி பாலுண்ணுகிறது கன்றுக்குட்டி! இடையிடையே தாயின் நாவருடல் இதமான சுகம் தர மீண்டும் மடி கிறக்கம் தேடியோடுகிறது கன்று! சற்று நேரத்தில்- இளைத்த வயிறு ஊதிய பலூனாய் பெருக்கிறது யூரியா தின்று கொழுத்த பாலக்கீரை போலவே!

கர்ம வீரர் காமராஜர் பிறந்த தினம் – ஜூலை 15

0
கவிதை! (கறுப்பு காந்தி) - ஆர். மீனலதா, மும்பை படித்தவரில்லையெனினும் பண்பிலே உயர்ந்து நின்று பாமரர்களின் கல்விப் பசி, வயிற்றுப் பசியாற்றி பனைமரமென உயர்ந்த பச்சைத் தமிழர்! சிறைச்சாலையின் தீவிர சித்ர வதையிலும் சிரித்த முகத்துடன் சிந்தித்து தன் அறிவினை வளர்த்த சிந்தனைச் சிற்பி! அரசியல் எதிரிகளை அன்புடன் நடத்தி அனைத்து மக்களும் நலன்பெற அரசின்...

புகைப்படக் கவிதை!

- மங்கையர் மலர் வாசகீஸ் FB  பகிர்வு! பாடம் ..!  பயமறியா  பருவத்திலேயே பாசம், நேசமென போதித்தது இயற்கையா? இறைவனாயென இன்றளவும் யோசிக்கிறேன்...!! -பானு பெரியதம்பி, சேலம் பழைய தத்துவம் புதிய படத்திற்கு... நால்வரோடு சேர்ந்து ஐவரான உண்மை நண்பர்கள் ரசிக்கும் இயற்கை காட்சி -உஷாமுத்துராமன், திருநகர்   என்னப்பா  பார்க்கறீங்க நல்லா...

கவிதைத் தூறல்!

- பி.சி.ரகு, விழுப்புரம்   லஞ்சம் பல கோடி கொள்ளையடித்த அரசியல்வாதி கோயில் உண்டியலில் காணிக்கையாய் போட்டான் ஆயிரம் ரூபாய்! --------------------------------------------------- மன்னிப்பு மன்னிப்பது கடவுள் செயல் மன்னிப்பு கேட்பது மனித செயல் மனிதனாய் இருந்து கடவுளாய் வாழுங்கள்... ஒவ்வொருவருக்குள்ளும் ஒளிந்திருக்கிறார் கடவுள்! -------------------------------------------- மவுனம் அவளது கொலுசு கூட ஏதோ ஒன்று பேசிவிட்டுத்தான் போகிறது... அவள் மட்டும்தான் இன்னும் மவுனமாகவே இருக்கிறாள்! -------------------------------------------- ரகசியம் காற்று அப்படி என்னதான் சொல்லியது? தலையாட்டி சம்மதம் தெரிவிக்கிறதே மரம்! -------------------------------------------- வரதட்சனண ஆசையாய் கேட்ட பொம்மையை ஆசையாய் கேட்ட...