0,00 INR

No products in the cart.

கல்லாதது கடலளவு!

 தொடர் – 10 
-நாராயணி சுப்ரமணியன் 

சுறா மீன்களுக்குக் குருத்தெலும்புதான் இருக்கிறது என்கிறார்களே, அதனால் என்ன பயன்? 

சுறாமீன்களுக்கு எலும்புகளே கிடையாது, அவற்றின் உடலுக்குள் குருத்தெலும்புகள் (Cartilage) மட்டுமே உண்டு. நமது மூக்கு, காது மடல் ஆகியவற்றில் காணப்படும் வளையக்கூடிய தன்மை கொண்டவை இந்த குருத்தெலும்புகள். இவற்றுக்கு வலு உண்டு என்றாலும் எலும்புகளைப் போல அடர்த்தி கிடையாது 

உடலில் குருத்தெலும்புகள் மட்டுமே இருப்பதால் சுறாக்களின் உடல் எடை குறைவாக இருக்கும். உடலை எளிதில் வளைந்து நெளிக்ககூடிய தன்மையும் கிடைக்கும். ஆற்றலை அதிகமாக விரயமாக்காமல் சுறாமீன்கள் நீந்துவதற்கும், கடல்நீரில் மிதப்பதற்கும், சிறு மீன்களை விரட்டி துரத்தி வேட்டையாடவும் இந்த குருத்தெலும்புகள் உதவுகின்றன. 

மீன்களின் வயதை எப்படி கண்டுபிடிப்பார்கள்? 

மீன்களின் செதில்கள் மூலம் சிலநேரம் வயது கண்டுபிடிக்கப்படுகிறது. மரங்களின் வளையங்களை வைத்து வயதைக் கணிப்பதுபோல, செதில்களில் உள்ள வளையங்களை வைத்து கணக்குகள் போட்டு விஞ்ஞானிகள் வயதைக் கண்டுபிடிக்கிறார்கள். 

நம்முடைய காதுக்குள்ளே குட்டியூண்டு எலும்புகள் இருப்பதை நீங்கள் கேள்விப்பட்டிருப்பீர்கள். மீன்களின் காதுக்குள்ளும் Otolith என்ற எலும்புகள் உண்டு. இவற்றை எடுத்து தீவிரமாக ஆராய்வதன்மூலம் மீன்களின் வயதைக் கண்டுபிடிக்கலாம். சில நேரங்களில் முதுகெலும்புகள், துடுப்புகளில் உள்ள முட்கள் போன்ற உறுப்புகளை ஆராய்வதன்மூலமும் வயது கணிக்கப்படுகிறது. 

இப்போதைக்கு கடலுக்கு இருக்கும் பெரிய அச்சுறுத்தல்கள் என்ன? 

காலநிலை மாற்றம், சுற்றுச்சூழல் மாசுபாடு, பெரிய கப்பல்களின் போக்குவரத்தால் ஏற்படும் பாதிப்புகள், ப்ளாஸ்டிக்/நெகிழி குப்பைகள், நிலத்திலிருந்து வரும் கழிவுநீர் மற்றும் உரம்/பூச்சிக்கொல்லிகள் கலந்த நீர் ஆகியவை கடல் சூழலுக்குப் பெரிய அச்சுறுத்தல்களாக இருக்கின்றன 

மீன்களைப் பொறுத்தவரை தேவைக்கதிகமாக மீன்பிடிக்கும் ராட்சத வலைகள், தேவையற்ற மீன்களைப் பிடித்துவிட்டு கடலிலேயே கொட்டுவது ஆகியவை பெரிய அச்சுறுத்தல்களாக இருக்கின்றன. கப்பல்களின் இரைச்சல் திமிங்கிலங்களை பாதிக்கிறது. பெரிய வலைகளில் மாட்டி சுறாக்கள் மற்றும் கடலாமைகள் இறக்கின்றன. 

சமீபத்தில் உலகமெங்கும் பரவிவரும் ஆழ்கடல் கனிம சுரங்கங்கள் புதிய அச்சுறுத்தலாக மாறியிருக்கின்றன
(நிறைந்தது) 

Related Articles

பாட்டொன்று கேட்டேன்!

இது மங்கையர்மலரின் விவிதபாரதி...  பகுதி - 5  -ஆதிரை வேணுகோபால் மங்கையர்மலர் விவிதபாரதியில் நாம் இன்று கேட்க விரும்பும் பாடல்... 80's காதலர்கள் கொண்டாடிய பாடல்! காதல் சோகப்பாடல்! அனுபவம் மிக்க வார்த்தைகள்,  தாள வாத்தியம் இசை, டி.எம்.எஸ்...

பறக்கும்  பாவைகள் – 2

எங்களாலும் பறக்க முடியும்... -ஜி.எஸ்.எஸ். பயணிகள் அடங்கிய ஒரு விமானத்தை முதலில் ஓட்டிய பெண்மணி ஹெலன் ரிச்சி. அமெரிக்காவிலுள்ள பென்சில்வேனியா மாநிலத்தில் பிறந்தவர் இவர். அவர் தந்தை ஜோசப் ரிச்சி பள்ளிகளில் மேற்பார்வையாளர். பள்ளியில் படிக்கும்போதே தன்னை...

பறக்கும்  பாவைகள்!

 பகுதி -1 எங்களாலும் பறக்க முடியும்!  -ஜி.எஸ்.எஸ் அமெரிக்காவில் உள்ள சான் பிரான்ஸிஸ்கோ மாநிலத்தில் உள்ளது சிலிக்கான் பள்ளத்தாக்கு.  இங்கு மிக அதிக எண்ணிக்கையில் பிரபல மென்பொருள் நிறுவனங்கள் இயங்குகின்றன. அதேபோல் இந்தியாவில் கர்நாடகத் தலைநகரில் அதிக...

பாட்டொன்று கேட்டேன்!

இது மங்கையர்மலரின் விவிதபாரதி...  பகுதி - 4 இந்தப் பாடலைக் கேட்கும்போது அன்றைய சென்னையின் பஸ் பயணம் நம் கண்முன்னே அழகாய் நிழலாடும். இந்தப் பாடலில் ஒரு புதுமையை புகுத்தி இருப்பார். இரண்டு குரல்கள் ஒரே...

முத்துக்கள் மூன்று!

தொகுப்பு: பத்மினி பட்டாபிராமன்   ஆஸ்கார் விருது பெண் திரைப்பட இயக்குனர்கள்! சிறந்த இயக்குனருக்கான ஆஸ்கார் விருதை வென்ற முதல் பெண் இயக்குனர் யார் தெரியுமா? அமெரிக்காவைச் சேர்ந்த கேத்ரின் பிகிலோ. (Kathryn Bigelow) என்பவர். உலகம் முழுவதும்...