மாயவரம் ஸ்பெஷல் அரிசி உப்புமா

சௌமியா சுப்ரமணியன், பல்லாவரம்.

தேவை:
பச்சரிசி – 2 கப்
துவரம் பருப்பு – 1 கப்
எண்ணெய் – 3 கரண்டி
கடுகு -1 ஸ்பூன்
சிவப்பு மிளகாய் – 8
மிளகு சீரகம் – சிறிதளவு
பெருங்காயம் – ஒரு சிட்டிகை
தண்ணீர் – 6 டம்ளர்
துருவிய தேங்காய் – 1/2 மூடி
உப்பு – தேவையான அளவு
நெய் – 2 ஸ்பூன்
கருவேப்பிலை – சிறிதளவு

செய்முறை :
பச்சரிசி, துவரம் பருப்பு , சிவப்பு மிளகாய், மிளகு, சீரகம், பெருங்காயம் எல்லாவற்றையும் மிக்ஸியில் போட்டு பெரிய அளவு ரவையாக உடைத்துக்கொள்ளவும். குக்கரில் எண்ணெய் ஊற்றி காய்ந்ததும் கடுகு ,பெருங்காயம் தாளித்து , கருவேப்பிலை போட்டு , தண்ணீர் ஊற்றி கொதி வந்ததும், அதில் தேங்காயை போட்டு , அரைத்து வைத்திருக்கும் ரவையை சேர்க்கவும். அத்துடன் நெய்யை விட்டு நன்றாக கட்டி தட்டாமல் கிளறி குக்கரை மூடி 3 விசில் வந்ததும் இறக்கவும்.