புடலங்காயில் பொதிந்திருக்கும் ஏராளமான மருத்துவ குணங்கள்!

புடலங்காயை ஒரு காயாய் மட்டும் கருதி பொரியல் கூட்டு என செய்து சாப்பிட்டுக் கொண்டிருக்கும் நம்மில் பலருக்கு அதில்  அடங்கியிருக்கும் ஏராளமான  மருத்துவ குணங்கள் பற்றி அறிந்திருக்க வாய்ப்பில்லை. அவை என்னென்னவென்று இங்கே பார்ப்போம்.

* புடலங்காயில் நார்ச்சத்தும், நீர்ச்சத்தும் நிறைந்திருப்பதால் மலச்சிக்கல் நோய் தடுக்கப்படுகிறது.

* உடலில் சேரும் அதிகப்படியான கொழுப்பைக் கரைக்கும் செயலை சிறப்பாகச் செய்து உடல் எடை அதிகரிக்காமல் பாதுகாக்கிறது.

* இதிலிருக்கும் வைட்டமின்-சி, ஃப்ளேவனாய்டுகள் மற்றும் கரோட்டிகள் நோய் எதிர்ப்பு மண்டலத்தை  வலுப்படுத்துகிறது. கால்சியம் எலும்புகளையும் பற்களையும் பலப்படுத்துகிறது.

* சர்க்கரை நோயாளிக்கு ரத்த சக்கரையின் அளவை சீராக்கி உடம்புக்கு தேவையான மற்ற அனைத்து ஊட்டச்சத்துக்களையும் அளிப்பதால் சர்க்கரை நோய்க்கு ஏற்ற காயாகிறது இது.

* இக்காயில் உள்ள நீர்ச்சத்து ரத்தத்திலுள்ள நச்சுக்கள், அதிகளவிலான உப்பு மற்றும் சிறுநீரகத்திலுள்ள நச்சுக்களையும் வெளியேற்ற உதவுகிறது. இதனால் சிறுநீரகத்தில் கற்கள் உற்பத்தியாவது தடுக்கப்படுகிறது, ரத்தம் சுத்திகரிக்கப்படுகிறது.

* புடலங்காய் குளிர்ச்சியான காய் வகையை சார்ந்ததால் ஆண்கள் இதைத் தொடர்ந்து சாப்பிட்டு வர, விந்துக்களின் உற்பத்தி அதிகரிக்கிறது.

* புடலை இலையின் சாற்றை இரண்டு டீஸ்பூன், தொடர்ந்து வெறும் வயிற்றில் ஒரு மண்டலம் சாப்பிட்டு வர இதயநோய் அனைத்தும் குணமாகும். மேலும் மன அழுத்தம் காரணமாக ஏற்படும் தூக்கமின்மை நோயும் குணமாகும்.

* புடலையின் வேரை மசிய அரைத்து அதில் துளி எடுத்து வெந்நீரில் கலந்து குடிக்க வயிற்றில் உள்ள பூச்சிகள் வெளியேறும்.

* மூல நோய்க்கு புடலங்காய் சிறந்த மருந்தாகிறது.

* மஞ்சள் காமாலை நோய்க்கு மருந்தாகிறது. கல்லீரலை பாதுகாக்கிறது.

இக்காயில் வைட்டமின் A, B, C மற்றும் கார்போஹைட்ரேட், இரும்புச் சத்து, கால்சியம், மக்னீசியம், அயோடின், பொட்டாசியம், பாஸ்பரஸ், மாங்கனீசு, மினரல்கள் போன்ற, உடல் ஆரோக்கியத்துக்கு தேவையான அனைத்து சத்துக்களும் அடங்கியுள்ளதால், வாரத்தில் இருமுறையாவது இதை உணவில் சேர்த்துக்கொள்வது நன்மை பயக்கும்.