இந்தியத் திரைப்படத் துறையில் புகழ்பெற்ற ஒரு நடிகையாக வலம் வந்தவர் நடிகை ஸ்ரீதேவி. தமிழ்நாட்டின் விருதுநகர் மாவட்டத்தில் பிறந்தவரான இவர் முதன்முறையாக 1969ல் 'துணைவன்' என்ற திரைப்படத்தில் முருகன் வேடத்தில் குழந்தை நட்சத்திரமாக அறிமுகமானார். அதன் பின்னர் கே.பாலச்சந்தரின் 'மூன்று முடிச்சு' படத்தின் மூலம் தமிழில் கதாநாயகியாக அறிமுகமானார்.

ஆரம்ப கட்டத்தில் இவர் கமல் மற்றும் ரஜினியுடன் அதிகமான படங்களில் நடித்துவந்தார். பின்னர் இவரது நடிப்பு பலராலும் கவரப்பட, தமிழ் மட்டுமல்லாமல், தெலுங்கு, மலையாளம், ஹிந்தி என நடிக்க ஆரம்பித்தார்.

இதுவரை 300 படங்களில் நடித்த இவருக்கு, கலைத்துறையில் ஆற்றிய பணிக்காக 2013ஆம் ஆண்டில் பத்மஸ்ரீ விருதும் வழங்கப்பட்டது.

இந்திய அளவில் பிரபலமான நடிகையாக வலம் வந்த இவர், இந்தி திரைப்பட தயாரிப்பாளரான போனி கபூரை திருமணம் செய்து, ஜான்வி, குஷி என்ற இரண்டு மகள்களுடன் அழகான குடும்ப வாழ்க்கையையும் வாழ்ந்து வந்தார்.

இந்நிலையில், இந்திய ரசிகர்களால் பெரிதும் கவரப்பட்ட நடிகை ஸ்ரீதேவி கடந்த 2018 ஆம் ஆண்டு துபாய் சென்றிருந்தபோது, அவர் தங்கியிருந்த அறையில் உயிரிழந்தார் என்ற செய்தி வெளியாகி அனைவரையும் அதிர்ச்சிக்குள்ளாக்கியது.

நடிகை ஸ்ரீதேவியின் இழப்பு, இந்திய ரசிகர்களுக்கு வருத்தத்தை அளித்ததோடு மட்டுமல்லாது, அவரது குடும்பத்திற்கு ஈடுசெய்ய இயலாத ஒரு பேரிழப்பாகவே மாறியது.

இந்நிலையில், நடிகை ஸ்ரீதேவியின் நினைவால், அவரது குடும்பத்தினர் அவ்வப்போது சமூகவலைதளங்களில் ஸ்ரீதேவி குறித்த பதிவுகளைப் பகிர்ந்து வருகின்றனர். அந்த வகையில், நடிகை ஸ்ரீதேவியின் கணவர் போனி கபூர் தனது இன்ஸ்டா பக்கத்தில் நடிகை ஸ்ரீதேவி நிகழ்ச்சியில் கலந்துகொண்ட ஒரு புகைப்படத்தை வெளியிட்டு 'last picture' என்று பதிவிட்டுள்ளார்.

"Women Entrepreneurs are a rare breed" - Brinda Padmanabhan (Prashanti Sarees)