மார்ச் 1ல் அரிய வானியல் நிகழ்வு.....மொட்டை மாடிக்கு சென்று காண தவறாதீங்க!

வானில் அவ்வப்போது கோள்கள் பூமிக்கு அருகே வருவது, வால் நட்சத்திரம், கோள்கள் ஒன்றிணைவது போன்ற அதிசய நிகழ்வுகள் அரங்கேறுகின்றன, அவற்றில் சிலவற்றை மட்டுமே நம்மால் வெறும் கண்களால் பார்க்க இயலும். அப்படிப்பட்ட ஒன்று தான் மார்ச் 1 அன்றும் நடக்கப் போகிறது. சந்திரன், வெள்ளி, வியாழன் ஆகிய மூன்றும் முக்கோண வடிவில் வானில் தென்படும். மார்ச் 1 அன்று சூரிய அஸ்தமனம் ஆன ஒரு மணி நேரத்திற்குப் பிறகு மேற்கு வானத்தில் இதனை நாம் காணலாம்.

சூரிய அஸ்தமனத்திற்கு சுமார் ஒரு மணி நேரத்திற்குப் பிறகு, மேற்கு-தென்மேற்கு அடிவானத்தை நோக்கி தாழ்வாகக் உற்று நோக்கினால் வளர்ந்து வரும் பிறை நிலவின் மெல்லிய துணுக்குகளைக் காணலாம். அதோடு மட்டுமல்லாமல் அன்று வானம் தெளிவாக இருந்து, நமக்கு அதிர்ஷ்டம் இருந்தால், வியாழனை சுற்றியுள்ள பட்டைகளை கூட நாம் காணலாம். ஆகவே மார்ச் 1 அன்று இந்த அரிய வானியல் நிகழ்வை கண்டு களிக்கலாம்.

நமது சூரிய மண்டலத்தில் உள்ள இரண்டு பிரகாசமான கிரகங்களான வியாழன் மற்றும் வெள்ளி ஆகும். இந்த இரண்டும் சில நாட்களாக பூமியை நோக்கி வந்து கொண்டிருக்கின்றன. இந்த மாத தொடக்கத்தில், இரண்டு கிரகங்களும் 29 டிகிரியால் பிரிக்கப்பட்டன, இப்போது அவை மெதுவாக ஒருவருக்கொருவர் நெருங்கி வருகின்றன. இவைகளோடு சந்திரனும் ஒரே நேர்க்கோட்டில் மார்ச் 1 அன்று சூரிய அஸ்தமனத்திற்குப் பிறகு வளிமண்டலத்தில் சந்திக்கும் என்பதால் ஸ்கைவாட்சர்கள் இரவு வானில் ஒரு அரிய நிகழ்வைக் காணலாம்.

இப்போது அவர்களுக்கிடையேயான தூரம் ஒவ்வொரு இரவும் குறையத் தொடங்கியது. பிப்ரவரி 20 ஆம் தேதிக்குள், இரண்டு கோள்களுக்கும் இடையிலான தூரம் ஒன்பது டிகிரிக்கு சற்று அதிகமாக இருந்தது. பிப்ரவரி 27 அன்று, இடைவெளி வெறும் 2.3 டிகிரியாகக் குறைந்துவிடும். மார்ச் 1, புதன்கிழமை மாலை, 0.52 டிகிரி இடைவெளியில் கிரகங்கள் மிக அருகில் இருக்கும். வியாழன் அளவு -2.1 ஆகவும், வெள்ளியின் -4.0 அளவிலும் பிரகாசிக்கும். இந்த இரண்டுக்கும் இடையில் சந்திரன் இருக்கும். மூன்றும் ஒன்று சேர்ந்து ஒரு முக்கோண வடிவத்தை வானில் பிரதிபலிக்கும்.

இது சூரிய குடும்பத்தில் உள்ள கிரகங்களுக்கு இடையில் அடிக்கடி நிகழ்கின்றன, ஏனெனில் அவை சூரியனைச் சுற்றி வருகின்றன. இந்த அரிய நிகழ்வை காண தவறாதீர்கள் !