Subscribe
- முகப்பு
- கல்கி
- மங்கையர் மலர்
- தீபம்
- கோகுலம்/Gokulam
- முக்கிய பிரிவுகள்முக்கிய பிரிவுகள்
- தொகுப்புகள்தொகுப்புகள்
- Premium
நம்ம எல்லாரும் இப்ப ஆப்-டாக்ஸிகளை நம்பிதான் இருக்கோம். ஆனா, புக் பண்ணும்போது ஒரு ரேட், இறங்கும்போது வேற ரேட்னு கஷ்டப்படுறோம். இந்த நிலைமை உங்களுக்கு மட்டுமில்ல, எல்லாருக்குமேதான்!
சமூக ஆய்வுகள் நடத்தும் 'LocalCircles' அமைப்பு சமீபத்தில் நடத்திய சர்வேயில், சென்னையில் பதிலளித்த 13,400 பேரில் கிட்டத்தட்ட 93% பேர், முன்பே சொல்லப்படாத 'மறைமுகக் கட்டணங்கள்' போட்டு ஏமாற்றப்படுவதாகத் தெரிவித்துள்ளனர்.
இந்தத் தில்லுமுல்லு வேலைகளைத்தான் 'டார்க் பேட்டர்ன்ஸ்' (Dark Patterns)னு சொல்றாங்க.
இந்த சர்வே, இந்தியா முழுக்க 282 மாவட்டங்களில் 94,000 பேரிடம் நடத்தப்பட்டது.
பத்து பேரில் எட்டு பேருக்கு மேல் இந்த மோசடியைச் சந்திப்பதாக ஆய்வு உறுதியா சொல்லுது.
முக்கிய மோசடி வகைகள்:
கேன்சல் பண்ண வைப்பாங்க (97%): டிரைவர்கள் தாமதித்து, நம்மை போன் போட்டு, "நீங்களே கேன்சல் பண்ணிடுங்க"ன்னு வற்புறுத்துவாங்க.
இதனால், அபராதக் கட்டணம் நம்ம தலையிலதான் விடியும். 97% பேர் இந்தக் கொடுமையைப் பார்த்திருக்காங்க.
மாத்திப் பேசுறது (94%): புக் பண்ணும்போது '2 நிமிஷத்துல வந்துருவாரு'ன்னு காட்டி சீக்கிரம் புக் பண்ண வச்சிட்டு, அப்புறம் டிரைவர் ரொம்பத் தூரத்துல இருப்பார்.
முக்கிய பட்டனை மறைக்கிறது (95%): 'சப்ஸ்கிரிப்ஷனை கேன்சல் பண்ணுங்க' போன்ற முக்கியமான ஆப்ஷன்களை சின்ன எழுத்துல இல்லன்னா மறைச்சு வைக்கிறாங்க.
டிப்ஸ் கேட்டுத் தொல்லை (93%): நாம 'முடியாது / வேண்டாம்'னு சொன்ன பிறகும், 'டிப்ஸ் கொடுங்க'ன்னு திரும்பத் திரும்ப பாப்-அப் வந்து தொல்லை கொடுக்குது.
அரசு தலையிட்டும் சிக்கல் தொடருது!
மத்திய அமைச்சர் பிரஹலாத் ஜோஷி சார் இந்த பிரச்னையில கண்டிப்பான நடவடிக்கை எடுக்கணும்னு உத்தரவு போட்டாங்க.
ஆனா, கடந்த ஜூலை மாசம் எடுத்த ஒரு சர்வேல, 59% ஆப்-டாக்சி யூசர்கள் இன்னும் நியாயமற்ற மோசடிகளைச் சந்திப்பதாகச் சொல்லியிருக்காங்க.
குறிப்பாக, 74% பேர், இலக்கு சரியில்லைன்னாலோ அல்லது டிஜிட்டல் பேமென்ட்னானோ டிரைவர்கள் கேன்சல் பண்றாங்கன்னு சொன்னாங்க.
இந்த மோசடிப் பழக்கங்கள் இன்னும் தொடர்வதாக 59% பேர் சொன்னாலும், வெறும் 18% பேர்தான் சேவையில் முன்னேற்றம் இருக்கிறதா சொல்றாங்க.
தீர்க்க வழி:
போக்குவரத்துக் கொள்கை நிபுணர்கள், இந்த மறைமுகச் சுரண்டல்களை முழுமையாகக் கட்டுப்படுத்த ஒரு முக்கிய ஆலோசனையை முன்வைக்கின்றனர்.
அதன்படி, அரசாங்கம் தலையிட்டு, அனைத்து ஆப் சேவைகளையும் ஒப்பிடும் வகையிலான ஒரு பொதுவான, வெளிப்படையான டிஜிட்டல் தளத்தை உருவாக்க வேண்டும்.
இப்படிச் செய்தால், வாடிக்கையாளர்கள் எல்லா ஆப் கம்பெனிகளின் கட்டணங்களையும் காத்திருப்பு நேரத்தையும் ஒரே இடத்துல ஒப்பிட்டுப் பார்க்க முடியும்.
இந்த வெளிப்படைத்தன்மை அதிகரிக்கும்போது, சந்தையில் போட்டி அதிகமாகி, ஆப் நிறுவனங்கள் கட்டாயம் நியாயமான விலையில் சேவை வழங்க வேண்டிய நிலை வரும்.
அப்போதான் இந்த ஏமாற்று வேலைகளுக்கு ஒரு நிரந்தரமான முடிவு கிடைக்கும்.
