President Rules | அனைத்து சட்டமன்ற உறுப்பினர்களும் ராஜினாமா செய்தால் என்ன நடக்கும்? அரசியலைப்பு சட்டம் என்ன சொல்கிறது?

2026-ஆம் ஆண்டு தமிழக சட்டமன்றத் தேர்தல்கள் அரசியல் களத்தை முற்றிலுமாக மாற்றிவிட்டன. நடிகர் விஜய் (தளபதி விஜய்) தலைமையிலான தமிழக வெற்றி கழகம் (TVK), தனது முதல் தேர்தலில் 108 இடங்களை வென்று தனிப்பெரும் கட்சியாக உருவெடுத்துள்ளது. இருப்பினும், 234 உறுப்பினர்களைக் கொண்ட சட்டமன்றத்தில் பெரும்பான்மைக்குத் தேவையான 118 இடங்களைப் பெறுவதற்கு இன்னும் 10 இடங்கள் குறைவாக இருப்பதால், அரசாங்கம் அமைப்பது சவாலாக உள்ளது.

சிபிஐ மற்றும் சிபிஎம் ஆகிய கம்யூனிஸ்ட் கட்சிகள் எந்தவித நிபந்தனையுமின்றி தவெகவிற்கு வெளியில் இருந்தே ஆதரவு அளிப்பதாகக் கூறியதன் பேரில் காங்கிரஸின் ஆதரவுடன் (5 இடங்கள்), TVK 116 இடங்களை எட்டியுள்ளது, ஆனாலும் இன்னும் பெரும்பான்மைக்குத் தேவையான இடங்கள் குறைவாகவே உள்ளன.

இன்னும் 2 சீட் தேவைப்படும் நிலையில் விசிக தனது முடிவை இன்று அறிவிப்பதாக தெரிவித்துள்ளது.

ஒருவேளை பெரும்பான்மை இல்லாததால் தவெக ராஜினாமா செய்தால், யாராலும் ஒரு நிலையான அரசை அமைக்க முடியாத பட்ஜத்தில், சட்டப்பிரிவின் 356-வது பிரிவின் கீழ் குடியரசுத் தலைவர் ஆட்சியை அமல்படுத்த வாய்ப்புள்ளது. பின்னர், சட்டமன்றத்தைக் கலைத்துவிட்டு புதிய தேர்தல்களை நடத்தவும் வாய்ப்புள்ளது. உச்ச நீதிமன்றத்தில் நடந்த வரலாற்றுச் சிறப்புமிக்க எஸ்.ஆர். பொம்மை வழக்கின்படி, பெரும்பான்மையானது ஆளுநரின் அடிப்படையில் அல்லாமல், நம்பிக்கை வாக்கெடுப்பு மூலமே நிரூபிக்கப்பட வேண்டும். விஜய் நீதிமன்றம் சென்றாலே மற்ற கட்சிகள் ஆட்சேபனை தெரிவிக்காவிட்டால் பெரும்பான்மை இன்றி இந்த ஆட்சியை தொடர வாய்ப்பிருக்கிறது.

குடியரசு தலைவர் ஆட்சி: இந்திய அரசியலமைப்பின் 356வது பிரிவின் கீழ் ஜனாதிபதி ஆட்சி விதிக்கப்படுகிறது. ஒரு மாநிலத்தில் அரசியலமைப்பு விதிகளின்படி அரசாங்கத்தை நடத்த முடியாது என்று ஜனாதிபதி திருப்தி அடைந்தால், இந்த நடவடிக்கையை எடுக்கலாம். இதன் விளைவாக, மாநில அரசின் நிர்வாக அதிகாரங்கள் குடியரசுத் தலைவரிடம் ஒப்படைக்கப்படுகின்றன.

இந்திய அரசியலமைப்பின் 356வது பிரிவின் கீழ் ஜனாதிபதி ஆட்சி விதிக்கப்படுகிறது. ஒரு மாநிலத்தில் அரசியலமைப்பு விதிகளின்படி அரசாங்கத்தை நடத்த முடியாது என்று ஜனாதிபதி திருப்தி அடைந்தால், இந்த நடவடிக்கையை எடுக்கலாம். இதன் விளைவாக, மாநில அரசின் நிர்வாக அதிகாரங்கள் குடியரசுத் தலைவரிடம் ஒப்படைக்கப்படுகின்றன.

ஜனாதிபதி ஆட்சி ஆரம்பத்தில் ஆறு மாதங்களுக்கு அமல்படுத்தப்படும், மேலும் சிறப்பு சூழ்நிலைகளில் மூன்று ஆண்டுகள் வரை நீட்டிக்கப்படலாம். இந்த காலகட்டத்திற்குள் அரசியலமைப்பு இயந்திரங்கள் மீட்டெடுக்கப்பட வேண்டும்.