விந்தணு கொடை மூலம் 550 குழந்தைகளுக்கு தந்தையான "தாராளப் பிரபுவை" அத்துடன் நிறுத்துமாறு டச்சு நீதிமன்றம் உத்தரவு!

550 க்கும் மேற்பட்ட குழந்தைகளுக்கு தந்தையாக இருப்பதாக சந்தேகிக்கப்படும் ஒரு நபர் தனது விந்தணுக்களை தானம் செய்ய நெதர்லாந்தில் உள்ள நீதிமன்றம் வெள்ளிக்கிழமை தடை விதித்தது.

41 வயதான ஜொனாதன் ஜேக்கப் மெய்ஜர் என்ற நபர், மீண்டும் விந்து தானம் அளிக்க முயற்சித்தால், 100,000 யூரோக்களுக்கு மேல் (ரூ.90,41,657) அபராதம் விதிக்கப்படலாம் என்று பிபிசி தெரிவித்துள்ளது.

ஒரு அறக்கட்டளை மற்றும் அவர் மூலம் விந்து தானம் பெற்றுப் பெற்றெடுக்கப்பட்ட குழந்தைகளில் ஒருவரின் தாய் ஹேக்கில் அவருக்கு எதிராக வழக்குத் தாக்கல் செய்த பின்னர் அதிர்ச்சியூட்டும் இந்த வழக்கு வெளிச்சத்திற்கு வந்தது. இந்த சிவில் வழக்கை விசாரித்த நீதிபதி, நன்கொடையாளர் "கடந்த காலத்தில் அவர் பெற்ற குழந்தைகளின் எண்ணிக்கை குறித்து வருங்கால பெற்றோருக்கு தவறான தகவல் அளித்துள்ளார்" என்று குறிப்பிட்டுள்ளார்.

"இந்தப் பெற்றோர்கள் அனைவரும் தங்கள் குடும்பத்தில் உள்ள குழந்தைகள் நூற்றுக்கணக்கான அரை-சகோதரர்களைக் கொண்ட ஒரு பெரிய உறவினர் வலையமைப்பின் ஒரு பகுதியாக உள்ளனர், அதை அவர்கள் தேர்வு செய்யவில்லை. புதிய வருங்கால பெற்றோருக்கு பிரதிவாதி தனது விந்துவை தானம் செய்வதை நீதிமன்றம் தடை செய்கிறது. இந்த தீர்ப்பை வெளியிட்ட பிறகு," நீதிபதி ஹெஸ்லிங்க் வெள்ளிக்கிழமை ஒரு தீர்ப்பில் கூறினார்.

"அவர் விந்து தானம் செய்யத் தயாராக இருக்கிறார்... வருங்கால பெற்றோருக்கு தனது சேவைகளை விளம்பரப்படுத்த வேண்டும் அல்லது வருங்கால பெற்றோருக்கு இடையே தொடர்பை ஏற்படுத்தக்கூடிய எந்த நிறுவனத்திலும் சேர வேண்டும் என்ற விருப்பத்துடன் இருக்கிறார், ஆனால் அந்த முயற்சியானது சட்டப்படி முறைகேடானது, அவர், தன் மூலமாக தானம் பெறக்கூடிய வருங்கால பெற்றோரை தொடர்பு கொள்ளக் கூடாது"என்று கோர்ட் உத்தரவிட்டுள்ளது.

குறிப்பிடத்தக்க வகையில், திரு மெய்ஜர் தனது விந்தணுவை குறைந்தது 13 கிளினிக்குகளுக்கு தானம் செய்தார், அவற்றில் 11 நெதர்லாந்தில் உள்ளன. டச்சு மருத்துவ வழிகாட்டுதல்களின்படி, விந்து தானம் செய்பவர்கள் 12 க்கும் மேற்பட்ட பெண்களுக்கு தானம் செய்யக்கூடாது அல்லது 25 குழந்தைகளுக்கு தந்தையாக இருக்கக்கூடாது. தங்களுக்கு நூற்றுக்கணக்கான உடன்பிறப்புகள் இருப்பதை அறிந்த பிறகு தொந்தரவு செய்யக்கூடிய வகையிலான மனநிலைகளை அடையும் குழந்தைகளின் தற்செயலான உளவியல் சிக்கல்களைத் தடுக்க இவ்வாறு நெறிமுறைகள் வகுக்கப்பட்டுள்ளன.

இருப்பினும், அவர் 2007 இல் விந்தணு தானம் செய்யத் தொடங்கியதிலிருந்து 550 முதல் 600 குழந்தைகளை உருவாக்க உதவினார். 2017 இல், அவர் நெதர்லாந்தில் உள்ள கருவுறுதல் கிளினிக்குகளுக்கு தானம் செய்ய தடை விதிக்கப்பட்டது. ஆக, அரசின் சட்டதிட்டங்களுக்கு உட்பட்டு அதை நிறுத்துவதற்குப் பதிலாக வெளிநாட்டிலும் ஆன்லைனிலும் அவர் தொடர்ந்து விந்தணுக்களை தானம் செய்வதைத் வழக்கமாக வைத்திருந்தார்.

நீதிமன்ற வழக்கில் குழந்தைகளில் ஒருவரின் தாய், இவரது இப்படிப்பட்ட நடவடிக்கை குறித்த செய்தி'மற்ற நாடுகளுக்கு காட்டுத்தீ போல் பரவியிருக்கும்''தொடர்ந்து லாபத்திற்காக விந்து தானம் செய்யும் வழக்கத்தில் இருந்து அந்த நபரை நீதிமன்றம் தடுத்து நிறுத்தியதற்கு நன்றி தெரிவிப்பதாகக் கூறினார்.

"தானம் அளிப்பவரை எங்கள் நலன்களை மதிக்குமாறும், தீர்ப்பை ஏற்குமாறும் நான் கேட்டுக்கொள்கிறேன், ஏனெனில் எங்கள் குழந்தைகள் தனியாக இருக்க தகுதியானவர்கள்," என்று அவர் ஒரு அதிகாரப்பூர்வ அறிக்கையில் தெரிவித்தார்.

இருப்பினும், கருவுற முடியாத பெற்றோருக்கு உதவ விரும்பியே தனது நன்கொடையாளர் இவ்வாறு செய்து வருவதாக மெய்ஜரின் வழக்கறிஞர் நீதிமன்ற விசாரணையில் தெரிவித்தார். தொழில்முறையில் ஒரு இசைக்கலைஞரான, திரு மெய்ஜர் தற்போது கென்யாவில் வசிக்கிறார்.