இந்த அதிரடி விலை ஏறுமுகம், நடுத்தர மக்கள் இனி நாம தங்கத்தை எப்போ?எப்படி? வாங்குறதுன்னு ஏங்க ஆரம்பிச்சிட்டாங்க...

சும்மா சொல்லக்கூடாதுங்க, கடந்த அஞ்சு வருஷத்துல தங்கம் செஞ்ச சாதனை சாதாரண விஷயம் இல்லை.

4 வருஷத்துக்கு முன்னால 22kt ஒரு கிராம் தங்கம் ₹6,045.66-க்கு இருந்துச்சு. ஆனா, இப்ப அது ₹9,620.00-ன்னு உயர்ந்து மேல போயிட்டிருக்கு. நம்ம பணத்தை அப்படியே வங்கியில் வெச்சிருந்தா, இந்த அளவுக்கு வளர்ந்திருக்காது. ஒரு தங்கம் வெச்சிருந்தா, அது ஒரு குட்டி கஜானா மாதிரிங்க!

விலை உயர்வுக்கு என்ன காரணம்?

ஏன் இப்படி ஏறுதுன்னு பார்த்தா, சில முக்கியமான காரணங்கள் இருக்கு.

நம்ம பணத்தோட மதிப்பு குறையுது: உலகத்துல பணவீக்கம் (Inflation)னு சொல்றாங்க. அதுன்னா, நம்ம கையில இருக்கிற காசோட மதிப்பு குறைஞ்சுட்டே போகுது. அதனால, மக்கள் தங்கள் பணத்தை பாதுகாப்பா வெச்சுக்க தங்கம், வெள்ளி மாதிரி விலை குறையாத பொருள்கள் மேல முதலீடு செய்யறாங்க.

வட்டி விகிதங்கள்: அமெரிக்காவுல வட்டி விகிதங்களைக் குறைப்பாங்கன்னு ஒரு பேச்சு அடிபடுது. வட்டி குறைந்தா, டாலரோட மதிப்பு குறையும். அப்போ, தங்கம் இன்னும் மதிப்புள்ளதா மாறி, எல்லாரையும் ஈர்க்கும்.

தங்கம் ஒரு முதலீட்டுக் கருவியா?

நம்ம கிராமத்துல தங்கம்னா கல்யாணத்துக்கு நகை, சேமிப்புன்னு மட்டும்தான் நினைப்பாங்க.

ஆனா, நிஜமாவே அது ஒரு முதலீட்டுக் கருவி. ஸ்மார்ட்டா யோசிக்கிறவங்க என்ன பண்றாங்கன்னா... அவங்ககிட்ட இருக்கிற தங்கத்தை பேங்க்ல அடகு வெச்சுட்டு, குறைஞ்ச வட்டிக்கு கடன் வாங்குறாங்க.

அந்தப் பணத்தை வெச்சு, பிசினஸ்ல முதலீடு செஞ்சு, அதைவிடப் பெரிய லாபம் சம்பாதிச்சு பட்டையைக் கிளப்புறாங்க! இது தங்கத்தின் மீதுள்ள நம்பிக்கையை மேலும் அதிகரிக்குது.

பணவீக்கத்துக்கு எதிரான பாதுகாப்பு: நம்ம பணத்தோட மதிப்பு குறையும்போது, தங்கத்தோட மதிப்பு உயர்ந்து நம் சேமிப்பைக் காப்பாத்தும்.

எளிதா பணமா மாத்தலாம்: பணம் எமர்ஜென்சிக்கு தேவைப்பட்டா, தங்கத்தை எப்ப வேணும்னாலும் விக்கலாம் அல்லது அடகு வெச்சுக்கலாம்.

அவர் ₹5 லட்சத்துக்கு 5 வருஷத்துக்கு முன்னாடி (₹5,751.38-க்கு) 86.94 கிராம் தங்கம் வாங்கியிருப்பார். அதே 86.94 கிராம் தங்கத்தை இப்ப வித்தா, அவருக்கு ₹8.36 லட்சத்துக்கு மேல கிடைச்சிருக்கும்.

அவர் எடுத்த முடிவு எவ்வளவு சரியானதுன்னு பாருங்க! வெறும் அஞ்சு வருஷத்துல ₹5 லட்சம், ₹8.36 லட்சமா மாறி இருக்கு. இது அவருக்குக் கிடைச்ச பெரிய வெற்றி.

தங்க முதலீட்டில் ஜெயிக்க சில யோசனைகள்:

சிறு துளி பெரு வெள்ளம்: மொத்தமா ஒரே சமயத்தில் முதலீடு செய்யாம, மாசம் மாசம் கொஞ்சம் கொஞ்சமா தங்கம் வாங்கலாம்.

நகை வேண்டாம்: நகையா வாங்குனா செய்கூலி, சேதாரம்னு நிறையப் போகும். அதனால டிஜிட்டல் தங்கம் (Digital Gold) அல்லது தங்கப் பத்திரங்களில் (Gold Bonds) முதலீடு செய்யறது லாபகரமானது.முதலீட்டு ஆலோசகர் கிட்ட கேளுங்க.

சில நகைக் கடையில் அவங்களோட தங்க நகை சேமிப்புத் திட்டத்தில் சேர்ந்தால் செய்கூலி,சேதாரம் இல்லைன்னு விளம்பரம் கொடுக்கிறார்கள்.அது உங்களுக்கு லாபமா தெரிஞ்சால் ஒரு முதலீட்டு ஆலோசகர் கிட்ட ஒரு ஐடியா கேட்டுட்டு அதுல கூட நீங்க முதலீடு பண்ணலாம். 

ஏன்னா சில நகைக் கடைகள் மாதாமாதம் நீங்க செலுத்துற தொகையை அன்றைய தேதி தங்க விலைக்கே உங்க கணக்கில் தங்கமாகவே வரவு வைப்பாங்க.அதுவும் உங்களுக்கு செம லாபமா இருக்கும்.

மார்க்கெட்டைப் பின்தொடரவும்: 

தங்கத்தோட விலையில் என்ன மாற்றங்கள் வருது, ஏன் ஏறுது, குறையுதுன்னு தெரிஞ்சுக்கிட்டே இருங்க.

எதிர்காலம் எப்படி இருக்கும்?

இப்ப இருக்கிற நிலைமையைப் பார்த்தா, தங்கம் மற்றும் வெள்ளியோட விலை இந்த வேகத்தைத் தொடர வாய்ப்பிருக்கு. விலை குறையும்னு எதிர்பார்க்க முடியாது. அதனால, தங்கம், வெள்ளி இனிமே வெறும் நகைகள் இல்லை. அது நம்மளோட நிதிப் பாதுகாப்புக்கான ஒரு முக்கிய ஆயுதம். ஒரு சாதாரண மனிதன் கூட ஸ்மார்ட்டா யோசிச்சு, இந்த வாய்ப்பைப் பயன்படுத்திக்கலாம்!