குட் நியூஸ்..! கண் கண்ணாடிகளுக்கு பை...பை.. இனி சொட்டு மருந்தே போதும்..!
கண் சொட்டு மருந்துகள், எதிர்காலத்தில் தூரப் பார்வை குறைபாடு உள்ளவர்களுக்கு வாசிப்புக் கண்ணாடிகள் அல்லது அறுவை சிகிச்சைக்கு ஒரு மாற்று வழியாக இருக்கலாம் என்று மருத்துவர்கள் கூறுகின்றனர்.
உலகம் முழுவதும் கோடிக்கணக்கான மக்கள், அருகில் உள்ள எழுத்துகள் மற்றும் பொருட்களைத் தெளிவாகப் பார்ப்பதில் சிரமம் கொண்ட 'பிரெஸ்பையோபியா' (presbyopia) எனப்படும் தூரப் பார்வை குறைபாட்டால் பாதிக்கப்பட்டுள்ளனர்.
பொதுவாகக் கண்ணாடிகள் அல்லது அறுவை சிகிச்சையால் இந்தக் குறைபாட்டை சரிசெய்ய முடியும்.
ஆனால், பலருக்குக் கண்ணாடி அணிவது சிரமமாகவும், அறுவை சிகிச்சை என்பது அனைவருக்கும் சாத்தியமான ஒன்றாகவும் இருப்பதில்லை.
ஆனால், இதற்கு ஒரு எளிய தீர்வு, ஒரு நாளைக்கு இருமுறை கண் சொட்டு மருந்து பயன்படுத்துவதுதான் என்று நிபுணர்கள் இப்போது கூறுகின்றனர்.
இந்தச் சிகிச்சை, கண்ணாடிகளைப் பயன்படுத்துவதில் இருந்து விடுதலை தேடும் நோயாளிகளுக்கும், அல்லது அறுவை சிகிச்சை செய்ய முடியாதவர்களுக்கும் பாதுகாப்பான மற்றும் பயனுள்ள மாற்று வழியை வழங்க முடியும் என்று நிபுணர்கள் கூறுகின்றனர்.
இதன் மூலம் வெவ்வேறு தொலைவில் உள்ள பொருட்களைத் தெளிவாகக் காண முடிகிறது.
இது தவிர, வீக்கத்தைக் குறைக்கும் டைக்ளோஃபெனாக் என்ற மருந்து இதில் அடங்கியுள்ளது.
அர்ஜென்டினாவில் 766 பேர் மீது இந்த ஆய்வு மேற்கொள்ளப்பட்டது. அவர்களுக்கு இந்தச் சொட்டு மருந்து ஒரு நாளைக்கு இருமுறை கொடுக்கப்பட்டது.
அவர்கள் மூன்று குழுக்களாகப் பிரிக்கப்பட்டனர். ஒவ்வொரு குழுவிற்கும் வெவ்வேறு செறிவுகளில் (1%, 2%, மற்றும் 3%) பிலோகார்பின் கொண்ட சொட்டு மருந்துகள் வழங்கப்பட்டன.
148 பேர் கொண்ட 1% குழுவில், கிட்டத்தட்ட அனைவரும் அட்டவணையில் இரண்டு அல்லது அதற்கு மேற்பட்ட கூடுதல் வரிகளை வாசிக்க முடிந்தது.
248 பேர் கொண்ட 2% குழுவில், 69% நோயாளிகள் மூன்று அல்லது அதற்கு மேற்பட்ட கூடுதல் வரிகளை வாசிக்க முடிந்தது.
370 பேர் கொண்ட 3% குழுவில், 84% நோயாளிகள் மூன்று அல்லது அதற்கு மேற்பட்ட கூடுதல் வரிகளை வாசிக்க முடிந்தது.
மேலும், "முதல் சொட்டு மருந்து பயன்படுத்திய ஒரு மணி நேரத்திற்குப் பிறகு, நோயாளிகளின் பார்வை திறன் சராசரியாக 3.45 ஜேகர் வரிகள் (அருகிலுள்ள பார்வையின் அளவீடு) மேம்பட்டது.
இந்தச் சிகிச்சை எல்லாத் தொலைவிலுள்ள பொருட்களையும் தெளிவாகக் காண உதவுகிறது" என்றும் தெரிவித்தார்.
இந்தக் கண்டுபிடிப்புகள், இந்தச் சிகிச்சை தூரப் பார்வை குறைபாட்டிற்கு ஒரு பாதுகாப்பான, பயனுள்ள, மற்றும் ஏற்றுக்கொள்ளக்கூடிய மாற்று வழியை வழங்குகிறது என்பதைப் பெனோசா உறுதிப்படுத்தினார்.
சிகிச்சையின் பொதுவான பக்கவிளைவுகளாக, தற்காலிகமாகப் பார்வை மங்குதல், சொட்டு மருந்து ஊற்றும்போது எரிச்சல் மற்றும் தலைவலி ஆகியவை இருந்தன.
நிபுணர்கள் இந்தக் கண்டுபிடிப்புகளை வரவேற்று, மேலும் விரிவான ஆய்வுகளை நடத்த அழைப்பு விடுத்துள்ளனர்.நிபுணர்கள் இந்தக் கண்டுபிடிப்புகளை வரவேற்று, மேலும் விரிவான ஆய்வுகளை நடத்த அழைப்பு விடுத்துள்ளனர்.
