மத்திய அரசால் முடக்கப்பட்ட 8 யூட்யூப் சேனல்கள். ஏன் தெரியுமா?
எந்த செலவும் இல்லாம இலவசமாக ஒரு ஜிமெயில் அக்கவுண்ட் ஓப்பன் பண்ணனும். அத வச்சு ஒரு யூடியூப் சேனல் ஆரம்பிச்சு நீ என்ன வீடியோ போட்டாலும் நாங்க அதை பார்த்துகிட்டு சும்மா இருக்கணுமா? என்னும்படியாக மத்திய அரசு அதிரடியாக 8 யூடியூப் சேனல்களைத் தடை செய்துள்ளது.
தடை செய்யும் அளவுக்கு அந்த சேனல்கள் என்ன தவறு செய்தன?
மின்னணு வாக்குப்பதிவு இயந்திரங்களை தடை செய்தல், லோக்சபா தேர்தல் சார்ந்த விஷயங்களை முன்கூட்டியே அறிவித்தல் போன்ற பொய்யான தகவல்களை பரப்பியதற்காக 8 யூட்யூப் சேனல்களை முடக்கியுள்ளோம் என இந்திய அரசு தெரிவித்துள்ளது. தடை செய்யப்பட்ட சேனல்களின் மொத்த சந்தாதாரர் எண்ணிக்கை 23 மில்லியன்களாகும்.
தடை செய்யப்பட்ட சேனல்களின் பட்டியல்:
Yahan Sach Dekho: இவர்கள் தலைமை நீதிபதி மற்றும் தேர்தல் ஆணையத்தைப் பற்றியே தவறாகப் பேசியுள்ளனர்.
World Best News: இந்த சேனல் இந்திய ராணுவத்தை தவறாக சித்தரித்து பல காணொளிகள் பதிவிட்டுள்ளனர்.
Earn Tech India: பான் கார்டு, ஆதார் அட்டை போன்றவற்றின் தொடர்புடைய பொய்யான செய்திகளை இந்தச் சேனல் பரப்பியது கண்டறியப்பட்டது.
Capital Tv: இந்த சேனலில் 3 மில்லியருக்கும் அதிகமான சந்தாதாரர்கள் இருக்கின்றனர். இவர்கள் மேற்கு வங்காளக் குடியரசுத் தலைவர் பற்றி போலி செய்திகளைப் பரப்பியுள்ளனர்.
KPS News: ஒரு மில்லியனுக்கும் அதிகமான சந்தாதாரர்களை கொண்ட இந்த சேனல், சமையல் எரிவாயு 20 ரூபாயில் கிடைக்கும், பெட்ரோல் 15 ரூபாயில் கிடைக்கும் என அரசு திட்டம் தொடர்பாக பல போலி செய்திகளைப் பரப்பியுள்ளனர்.
SPN9 News: இந்த சேனல் பிரதமர், ஜனாதிபதி, மற்றும் பல மத்திய அமைச்சர்கள் தொடர்பான போலி செய்தியைத் தொடர்ந்து பரப்பி வந்துள்ளனர்.
Sarkari Vlog: இந்திய அரசின் திட்டங்கள் குறித்து போலியான செய்திகளைப் பரப்பியுள்ளது.
Educational Dhost: அரசின் திட்டங்கள் பற்றிய தகவலை தவறாகப் பரப்பியுள்ளது.
இந்த 8 யூடியூப் சேனல்களிலும் உள்ள வீடியோக்கள், பிரஸ் இன்பர்மேஷன் பியூரோவால் சரிபார்க்கப்பட்டு, தவறான செய்திகளை பரப்பியது உறுதி செய்யப்பட்ட பின்னரே தடை செய்யப்பட்டுள்ளதாக அதிகாரிகள் தெரிவித்துள்ளனர்.
