பிரசாரம் செய்யும் ரோபோ
பிரசாரம் செய்யும் ரோபோ

குஜராத் சட்டப் பேரவை தேர்தல்; துண்டு பிரசுரம் கொடுத்து பிரசாரம் செய்யும் ரோபோ!

குஜராத் மாநில சட்டசபை தேர்தல் டிசம்பர் 1-ம் தேதி மற்றும் 5-ம் தேதி என 2 கட்டங்களாக நடைபெறுகிறது. இத்தேர்தலில் பதிவான வாக்குகள் டிசம்பர் 8-ம் தேதி எண்ணப்பட்டு முடிவுகள் அறிவிக்கப்பட உள்ளன.

இந்நிலையில் அங்கு ஆளும் பாஜக, காங்கிரஸ், ஆம் அத்மி என்று மும்முனை போட்டி நிலவுகிறது. அங்கு தேர்தல் பிரச்சாரம் சூடு பிடித்துள்ள நிலையில், மக்களை கவர அரசியல் கட்சியினர் பல்வேறு நூதன முறைகளில்  பிரச்சாரம் செய்து வருகின்றனர்.

இந்நிலையில் பாஜக-வுக்காக துண்டு பிரசுரம் விநியோகிக்கும் ரோபோ ஒன்று அம்மாநில மக்களை மிகவும் கவர்ந்துள்ளது. அக்கட்சியின் தொழில்நுட்ப பிரிவு மண்டல தலைவர் ஹர்ஷத் பட்டேல் தேர்தல் பிரச்சாரத்திற்காக இந்த ரோபோவை தயாரித்துள்ளார்.

இதையடுத்து மக்கள் அதிகம் கூடும் இடங்களில் பிரச்சாரத்திற்காக இந்த ரோபோவை பாஜக. எம்.எல்.ஏ. பங்கஜ் தேசாய் களம் இறக்கி உள்ளார்.

பாஜகவின் சாதனைகள் மற்றும் பாஜக வேட்பாளர்கள் குறித்து மக்களிடத்தில் இந்த ரோபோ அறிமுகம் செய்கிறது. மேலும் கட்சி பொதுக் கூட்டங்களிலும் பாஜகவின் வாக்குறுதிகள் அடங்கிய துண்டு பிரசுரங்களை ரோபோ வழங்குகிறது. மேலும் பா.ஜ.க.வுக்கு ஆதரவாக கோஷங்களை எழுப்பும் வகையில் இதில் ஸ்பீக்கர்களும் பொருத்தப்பட்டுள்ளன.

பா.ஜ.க.வின் இந்த நூதன பிரச்சாரத்தை அந்த தொகுதி மக்கள் ஆர்வத்துடன் பார்த்துச் செல்கின்றனர். பல தொகுதிகளில் வீடு வீடாக சென்று பாஜகவுக்காக பிரச்சாரம் செய்ய இது போன்ற மேலும் பல ரோபோக்களை களமிறக்க உள்ளதாகவும் ஹர்ஷத் பட்டேல் தெரிவித்துள்ளார்.

Other Articles

No stories found.
Kalki Online
kalkionline.com