சுயதொழில் தொடங்க ஆசையா?மாதம் ரூ.50,000 சம்பாதிக்க பொன்னான வாய்ப்பு..!

தற்போது செயற்கை முறையில் வேகமாக வளர்க்கப்படும் சத்தற்ற பிராய்லர் கோழிகளுக்கு மாற்றாக, ஆரோக்கியம் காக்கும் இயற்கையான முறையில் வளர்க்கப்படும் நாட்டுக்கோழிகளுக்கும் அதன் முட்டைகளுக்கும் சந்தையில் கடும் தட்டுப்பாடு நிலவுகிறது. விவசாயம் சார்ந்த உபதொழில்களில் மிகவேகமாக வளர்ந்து வரும் துறைகளில் ஒன்று நாட்டுக்கோழி வளர்ப்பு. இப்பயிற்சி பற்றிய விவரங்களை இங்கே காண்போம்.

நாமக்கல் வேளாண் அறிவியல் நிலையம் (Krishi Vigyan Kendra, Namakkal) என்பது ICAR-KVK அமைப்பின் கீழ், தமிழ்நாடு கால்நடை மருத்துவ அறிவியல் பல்கலைக்கழகத்துடன் (TANUVAS) இணைந்து நடத்தப்படும் பயிற்சி மற்றும் தொழில்துறை மேம்பாட்டு நிலையமாகும். நாட்டுக்கோழி வளர்ப்பு குறித்த தொழில்நுட்பப் பயிற்சிகள், செயல்முறைகள் மற்றும் ஆலோசனைகள் மூலம் விவசாயிகள், பண்ணையாளர்கள், ஊரக இளைஞர்கள் மற்றும் பெண்களிடையே விழிப்புணர்வை ஏற்படுத்த நாமக்கல் வேளாண் அறிவியல் நிலையம் (KVK) சிறப்புப் பயிற்சியை வழங்குகிறது.

பயிற்சி விவரங்கள்:

• பயிற்சி நாள்: ஜனவரி 01, 2026 (வியாழக்கிழமை)

• தலைப்பு: நாட்டுக்கோழி வளர்ப்பு மற்றும் நோய்த் தடுப்பு முறைகள்

• தொடர்பு எண்: 04286-266345

• மின்னஞ்சல்: kvk-namakkal@tanuvas.org.in / kvknamakkalfodder@gmail.com

• இணையதளம்: kvknamakkalfodder.com

நேரடியாக வருகை தந்து அல்லது முன்பதிவு மூலம் பயிற்சி தொடர்பான விவரங்களை பெறும் வசதிகள் உள்ளது.

திறன் மேம்படுத்தப்பட்ட நாட்டுக்கோழி வளர்ப்புத் தொழிலில் ஆர்வமுள்ளவர்களின் வருமானத்தை அதிகரிப்பதே இப்பயிற்சியின் நோக்கமாகும். புதியவர்களுக்கு மட்டுமின்றி, சிறிய பண்ணையாளர்களுக்கும் தேவையான தொழில்நுட்ப உதவிகள் வழங்கப்படுகின்றன. முட்டை மற்றும் இறைச்சி உற்பத்தி, நோய்த் தடுப்பு, தீவன மேலாண்மை மற்றும் சரியான வளர்ப்பு முறைகள் போன்ற நுணுக்கங்களைக் கற்றுத் தரும் வகையில் இப்பயிற்சி அமைந்துள்ளது.

பொதுவாக தொழில்நுட்ப வகுப்புகள், செயல்முறை கற்பித்தல் (Hands-on training), கல்லூரி அல்லது பண்ணை இடங்களில் நடைபெறும் இந்த பயிற்சியில் கோழி வளர்ப்பில் பிரீட் தேர்வு (Breed Selection) ,அளவு மற்றும் ஊட்டச்சத்து மேலாண்மை (Feeding & Nutrition), குடியிருப்பு மற்றும் காப்பீடு அமைப்பு (Housing & Biosecurity), நோய் தடுப்பு மற்றும் சிகிச்சை (Disease Management),அழற்சி குறைப்பு மற்றும் வளர்ச்சி மேம்பாடு (Efficient Rearing Practices),பராமரிப்பு மற்றும் சந்தை (selling techniques) போன்றவைகள் உள்ளடக்க பயிற்சிகளாக கையாளப்படுகிறது.

இப்பயிற்சி மூலம் உருவாகும் தரமான நாட்டுக்கோழிகளை இடைத்தரகர்கள் இன்றி நேரடியாக உணவகங்கள், அடுக்குமாடி குடியிருப்புகள் மற்றும் உள்ளூர் சந்தைகளில் விற்பனை செய்யும்போது கூடுதல் லாபம் கிடைக்கும்.மேலும் கோழி இறைச்சியாக மட்டுமன்றி, முட்டை, குஞ்சுகள் மற்றும் கோழி எரு எனப் பல வழிகளில் வருமானம் ஈட்டலாம் என்பது மேலும் சிறப்பு. .குறிப்பாக மாதம் 200 முதல் 300 கோழிகளை விற்பனைக்குக் கொண்டு வருவதன் மூலம் ரூ.50,000 லாபத்தை எட்ட முடியும் என்கின்றனர்.

பயிற்சி முடிந்த பிறகு நுண்ணறிவு (Scientific) கோழி வளர்ப்பு திறன் ,குறைந்த முதலீட்டில் அதிக லாபம்,

முட்டை மற்றும் இறைச்சி வருமானத்தின் அதிகரிப்பு ,நோய் நிர்வாகம் பயிற்சி, சரியான பண்ணைப் பராமரிப்பு முறைகளை கற்றல் ஆகியவைகளில் தேர்ச்சி பெற்று பயனடையலாம்.

ஆகவே நாட்டுக்கோழி வளர்ப்பில் உள்ள நுணுக்கங்களைக் கற்றுக்கொள்ள நாமக்கல் வேளாண் அறிவியல் நிலையம் வழங்கும் (KVK) இந்த பொன்னான வாய்ப்பை விருப்பமும் சுயபண்ணைத் தொழிலில் ஆர்வமுள்ளவர்கள் பயன்படுத்திக் கொள்ளுமாறு கேட்டுக்கொள்ளப்படுகிறார்கள்.