வாகன ஓட்டுநர் உரிமம் (DL) மற்றும் வாகனப் பதிவுச் சான்றிதழ்கள் (RC) ATM அட்டை போன்ற புதிய வடிவத்தைப் பெற உள்ளன.

பெங்களூருவில் உள்ள ஒரு மையப்படுத்தப்பட்ட உற்பத்தி மையத்தில் இருந்து புதிய அட்டைகள் தயாரிக்கப்பட்டு, விண்ணப்பதாரர்களுக்கு நேரடியாக அனுப்பி வைக்கப்படும் என தகவல்கள் தெரிவிக்கின்றன. தமிழ்நாடு மற்றும் கர்நாடகா போன்ற மாநிலங்கள் ஏற்கனவே இந்த திட்டத்தை செயல்படுத்துவதற்கான ஏற்பாடுகளைத் தொடங்கிவிட்டன.

புதிய ஓட்டுநர் உரிமத்தை (DL) தனித்துவமாக்குவது எது?

தற்போதுள்ள ஓட்டுநர் உரிமத்தில் உரிம எண், முகவரி, பிறந்த தேதி, ரத்த வகை மற்றும் வாகன வகை போன்ற சில தகவல்கள் மட்டுமே இருக்கும். ஆனால், மேம்படுத்தப்பட்ட புதிய அட்டையில் 25 வகையான தகவல்கள் இடம்பெறும்.

முக்கியமான கூடுதல் தகவல்கள்:

• அவசர தொடர்பு விவரங்கள்

• உறுப்பு தானம் செய்வதற்கான விருப்பப் பதிவு

• பயோமெட்ரிக் தரவு ஒருங்கிணைப்பு

• உடனடி சரிபார்ப்புக்கு உதவும் Near Field Communication (NFC) தொழில்நுட்ப ஆதரவு

NFC தொழில்நுட்பம் மூலம், போக்குவரத்து காவல்துறை மற்றும் அதிகாரிகள் ஓட்டுநரின் தகவல்களை விரைவாகப் பெற முடியும். இது வேகமான சோதனைகளையும், விதிமீறல்களுக்கு கடுமையான நடவடிக்கைகளையும் உறுதி செய்யும்.

ஏன் ATM கார்டு மாதிரி?

புது கார்டுகள் PVC-க்கு (பிளாஸ்டிக்) பதிலா, பாலிகார்பனேட் அப்படிங்கிற ரொம்ப ஸ்ட்ராங்கான மெட்டீரியலில் செய்யப்படுது. ATM கார்டுகள் மாதிரி இது உறுதியாகவும், ரொம்ப நாளைக்கு உழைப்பதாகவும் இருக்கும். எளிதில் சேதமடையாது.

மேலும், கார்டில் இருக்கிற விவரங்கள் லேசர் பிரிண்டிங் மூலம் பதியப்படும். அதனால, எழுத்துக்கள் சீக்கிரமா அழியாது, யாரும் ஈசியா அதை மாத்த முடியாது.

கார்டுகள் எப்படி கிடைக்கும்?

இதுவரைக்கும் ஒவ்வொரு மாவட்டத்திலும் உள்ள வட்டாரப் போக்குவரத்து அலுவலகங்கள் (RTO) கார்டுகளை வழங்கின. ஆனா இனிமேல், கர்நாடகாவில் உள்ள பெங்களூரு தலைமை அலுவலகத்தில் இருந்துதான் எல்லா கார்டுகளும் தயாரிக்கப்பட்டு, விண்ணப்பித்தவங்களுக்கு நேரடியாக வீட்டுக்கே அனுப்பப்படும்.

ஆன்லைனில் எப்படி விண்ணப்பிக்கலாம்?

புது டிரைவிங் லைசென்ஸ்க்கு விண்ணப்பிக்க, Parivahan Sewa போர்ட்டலுக்கு (parivahan.gov.in) போனா போதும்.

ஜூன் 2024 முதல், RTO-வில் டெஸ்ட் கட்டாயம் இல்லை!

ஒரு முக்கியமான மாற்றம் என்னன்னா, ஜூன் 1, 2024 முதல், RTO-வில் போய் டிரைவிங் டெஸ்ட் எடுக்கணும்னு கட்டாயம் இல்லை. RTO-வால் அங்கீகரிக்கப்பட்ட எந்தவொரு தனியார் டிரைவிங் ஸ்கூலிலும் நீங்க டெஸ்ட் எடுத்துக்கலாம்.

விண்ணப்பிக்கும் முறை:

• முதல்ல, Parivahan Sewa வெப்சைட்டுக்கு போங்க.

• உங்க மாநிலத்தை செலக்ட் பண்ணுங்க.

• "Apply for Driving License" ஆப்ஷனை கிளிக் பண்ணுங்க.

• அப்ளிகேஷன் ஃபார்மில் உங்க விவரங்களை நிரப்புங்க.

• தேவையான ஆவணங்களை அப்லோட் பண்ணுங்க.

• சில மாநிலங்களில் உங்க போட்டோ, கையெழுத்து கூட அப்லோட் பண்ண வேண்டி இருக்கலாம்.

• டிரைவிங் டெஸ்ட்டுக்கு ஒரு ஸ்லாட்டை புக் பண்ணுங்க.

• ஆன்லைன்ல அப்ளிகேஷன் ஃபீஸ் கட்டுங்க.

• நீங்க புக் பண்ண தேதியில், அசல் ஆவணங்கள், ரசீதுடன் RTO-க்கு போங்க.

• டெஸ்ட்டில் பாஸ் பண்ணிட்டா, புது DL கார்டு உங்க கைக்கு வந்துடும்.

இந்த புது நடவடிக்கை எதுக்காகன்னா, RTO அலுவலகங்களில் இருக்கும் பணிச்சுமையைக் குறைக்கவும், மக்களுக்கு விண்ணப்பிக்கும் செயல்முறையை இன்னும் சுலபமாக்கவும் தான்.

ஆனா, அங்கீகரிக்கப்பட்ட டிரைவிங் பள்ளிகளில் நடத்தப்படும் டெஸ்ட் மட்டும்தான் செல்லுபடியாகும்.

புதிய கார்டுகள் எப்போது கிடைக்கும்?

இந்த மேம்படுத்தப்பட்ட கார்டுகள், செப்டம்பர் மாத இறுதி அல்லது அக்டோபர் 2025-ன் முதல் வாரத்தில் வழங்கப்படலாம் என எதிர்பார்க்கப்படுகிறது.

இது நடைமுறைக்கு வந்ததும், புதிதாக விண்ணப்பிக்கும் அனைவருக்கும் இந்த புதிய கார்டுதான் கிடைக்கும். ஏற்கெனவே பழைய கார்டு வைத்திருப்பவர்கள், படிப்படியாக புதிய வடிவத்திற்கு மாற்றப்படுவார்கள்.

நவீன பாதுகாப்பு அம்சங்கள், கூடுதல் தகவல்கள், மற்றும் ATM அட்டை போன்ற உறுதியான வடிவமைப்புடன், இந்தியாவின் ஓட்டுநர் உரிம முறை ஒரு பெரிய டிஜிட்டல் மாற்றத்தைக் காண இருக்கிறது.