குட் நியூஸ்..!! இனி பென்ஷன் வாங்குறவங்களுக்கு வீட்டுக்கே வரும் சர்டிஃபிகேட்..!

இந்திய அஞ்சல் துறைப் பணப்பட்டுவாடா வங்கி (IPPB) யும், EPFO அமைப்பும் ஒரு மெகா ஒப்பந்தம் போட்டிருக்காங்க. இந்த ஒப்பந்தம் மூலமா, உங்க லைஃப் சர்டிஃபிகேட் வேலை, உங்க வீட்டிலிருந்தபடியே முடிஞ்சுடும்!

எப்படி நடக்கும் இந்த அற்புதம்?

இந்திய அரசு நிறுவனமான IPPB, தன்னோட மிகப்பெரிய நெட்வொர்க்கை இதுக்காகப் பயன்படுத்துது. இதுல என்ன ஸ்பெஷல்ன்னு பாருங்க:

• கடைக்கோடி வரை அஞ்சல் ஊழியர்கள்: நாடு முழுக்க இருக்குற 1.65 லட்சம் தபால் நிலையங்கள் மற்றும் 3 லட்சத்துக்கும் மேலான போஸ்ட்மேன்கள் (அஞ்சல் ஊழியர்கள்) உங்க வீட்டுக்கே வந்து இந்தச் சேவையை வழங்குவாங்க.

• டிஜிட்டல் மேஜிக்: இந்த போஸ்ட்மேன்கிட்ட டோர்ஸ்டெப் பேங்கிங் சாதனங்களும், நவீன முக அங்கீகாரத் தொழில்நுட்பமும் (Face Authentication) இருக்கு. இதை வச்சு, உங்களோட விரல்ரேகை (Biometric) மூலமா அல்லது முகம் மூலமா அங்கீகாரம் வாங்கி, டிஜிட்டல் ஆயுள் சான்றிதழைப் (DLC) போட்டுடுவாங்க.

• பென்ஷனர் வேலை முடிஞ்சுது! இனி நீங்க பேங்க்குக்குப் போகணும்னு அவசியம் இல்லை. பேங்க்ல கூட்டம் இருக்கேன்னு காத்திருக்கணும்னு அவசியமே இல்லை. வீட்டிலிருந்தபடியே வேலையை முடிச்சிடலாம்!

ஒரு ரூபாய் கூடச் செலவில்லை!

இன்னொரு சந்தோஷமான செய்தி என்னன்னா, இந்த டிஜிட்டல் ஆயுள் சான்றிதழை வழங்குற முழுச் செலவையும் EPFO ஏத்துக்குது! அதனால, பென்ஷன் வாங்குறவங்களுக்கு இது முற்றிலும் இலவசமான சேவை தான்!

IPPB கம்பெனியோட MD மற்றும் CEO, R. விஸ்வேஸ்வரன் என்ன சொல்றாருன்னா, "எங்களோட இந்த முயற்சி, இந்தியாவுல இருக்க எல்லா மூத்த குடிமக்களுக்கும், குறிப்பா கிராமப்புறங்கள்ல இருக்குறவங்களுக்கும் சேவைகளை எளிமையாக்கி, அவங்களுக்கு மரியாதை கொடுக்குற ஒரு நடவடிக்கை"ன்னு சொல்றாரு.

இந்த முயற்சி, நம்ம அரசாங்கத்தோட 'டிஜிட்டல் இந்தியா' மற்றும் 'வாழ்வது எளிது' (Ease of Living)ங்கிற கனவை நோக்கிய ஒரு முக்கியமான படி! வயசானவங்களுக்கு உதவுறதுல இதைவிட வேற என்ன சந்தோஷம் இருக்க முடியும்?

சான்றிதழை எப்படிப் பார்ப்பது?

சான்றிதழ் உருவாக்கும் வேலை முடிஞ்சதும், உங்க மொபைல் நம்பருக்கு ஒரு எஸ்எம்எஸ் (SMS) வந்துடும். அடுத்த நாளே, அந்தச் சான்றிதழை ஆன்லைன்ல நீங்க பார்த்துக்கலாம்! இனி நோ டென்ஷன், ஒன்லி பென்ஷன்!