இது ஒரு பெரிய சிந்தனை மாற்றம்..! கூலி வேலையிலிருந்து 'நான் முதலாளி' மனப்பான்மைக்கு மாறும் இந்தியா!

பொருளாதார வல்லுநர்கள் கூர்ந்து கவனிக்கும் ஒரு பிரமிக்க வைக்கும் செய்தி இப்போது வெளியாகி உள்ளது.

மத்திய அரசின் இளைஞர்களை மையப்படுத்திய தொலைநோக்குக் கொள்கைகளின் பலனாக, வேலைவாய்ப்பில் நாம் வரலாறு படைத்து வருகிறோம்.

வேலைவாய்ப்புத் துறை வெளியிட்டுள்ள லேட்டஸ்ட் ரிப்போர்ட், நாட்டுக்கே ஒரு பம்பர் பரிசு போல வந்துள்ளது!

மெகா சாதனை: 17 கோடி புதிய வேலைகள்

2017-18 காலகட்டத்தில் 47.5 கோடியாக இருந்த மொத்த வேலைவாய்ப்பு எண்ணிக்கை, 2023-24 நிதியாண்டில் ராக்கெட் வேகத்தில் உயர்ந்து 64.33 கோடிப் பேராக உயர்ந்துள்ளது.

2017-18இல் 6.0 சதவீதமாக இருந்த வேலையின்மை, இப்போது கிட்டத்தட்ட பாதியாகக் குறைந்து 3.2 சதவீதமாக மாறியுள்ளது. இதைத்தான் 'பொருளாதாரம் வலுப்பெறுவது' என்று சொல்ல வேண்டும்!

ஸ்ட்ராங் ஆன பெண்கள் அணி

இந்தப் பொருளாதார எழுச்சியில், பெண்கள் சக்தி கைகோர்த்திருப்பதுதான் மிகப்பெரிய ஹைலைட்.

இளைய தலைமுறை உழைக்கும் மக்களின் பங்களிப்பு (LFPR) விகிதம் 49.8 சதவீதத்திலிருந்து 60.1 சதவீதமாகத் தாவி உள்ளது.

இது, கிராமப்புறம், நகர்ப்புறம் எனப் பாகுபாடு இல்லாமல், இந்தியாவின் ஒட்டுமொத்த உழைக்கும் சக்தியும் வீறுநடை போடுவதைக் காட்டுகிறது.

சமீபத்திய முன்னேற்றம்: தொழிலாளர் பங்கேற்பு விகிதம் (LFPR) - அதாவது 15 வயதுக்கு மேற்பட்ட உழைப்போர் அல்லது வேலை தேடுபவர்களின் பங்கு - ஜூன் மாதத்தில் 54.2 சதவீதத்திலிருந்து ஆகஸ்ட் மாதத்தில் 55 சதவீதமாக உயர்ந்துள்ளதும் குறிப்பிடத்தக்கது.

• 2017-18இல் 52.2 சதவீதமாக இருந்த சுயதொழில் செய்பவர்களின் பங்கு, இப்போது 58.4 சதவீதமாக உயர்ந்துள்ளது.

• அதேநேரத்தில், தினக்கூலியில் வேலை செய்யும் சாதாரண கூலித் தொழிலாளர்களின் விகிதம் 19.8 சதவீதமாகக் குறைந்துள்ளது.

இதை எளிமையாகப் புரிந்துகொண்டால்: "தெரியாத ஒரு தொழிலைப் பிறர் சொல்லிச் செய்வதை விட, சொந்தமாக தெரிந்த ஒரு தொழிலைத் தொடங்கி, சம்பாதிப்போம்" என்ற தொழில்முனைவோர் ஆர்வம் இளைஞர்களிடம் அதிகரித்துள்ளது.

அரசால் வழங்கப்படும் உதவிகள் மற்றும் சலுகைகள் இந்த மனமாற்றத்துக்கு உறுதுணையாக இருக்கின்றன.

இந்தியாவின் ஒவ்வொரு மூலையிலும் உருவாகியுள்ள இந்த உழைப்பு எழுச்சியானது, பொருளாதாரம் வலிமையாகிறது என்பதைக் காட்டுவது மட்டுமல்லாமல், கோடிக்கணக்கான மக்களின் வாழ்வாதாரத்தையும், சமூகத்தின் மகிழ்ச்சியையும் வலுப்படுத்துகிறது என்பதில் சந்தேகமில்லை!