திருச்சியில் 3,500 பேர் கலந்துக்கொண்ட ரோபோட்டிக்ஸ் டெக்னாலஜி நிகழ்ச்சி!

தமிழ்நாடு முழுவதும் உள்ள மாணவர்களுக்கு ரோபோட்டிக்ஸ் டெக்னாலஜி சம்பந்தமான ஆர்வத்தை வளர்க்கும் விதமாக திருச்சியில் ரோபோட்டிக்ஸ் டெக்னாலஜி குறித்த கண்காட்சி மற்றும் செயல்முறை விளக்க நிகழ்ச்சி நடைபெற்றது.

தமிழ்நாடு ரோபோட்டிக்ஸ் லீக்கின் சார்பில் நடைபெற்ற நிகழ்ச்சியில் 3500க்கும் மேற்பட்ட மாணவர்கள் பங்கேற்று ரோபோட்டிக்ஸ் துறையில் தங்களுக்கு உள்ள நிபுணத்துவத்தை அமைச்சர் அன்பில் மகேஷ் பொய்யாமொழி முன்னிலையில் வெளிப்படுத்தினர்.

திருச்சியில் உள்ள தேசிய கல்லூரியில் நடைபெற்ற தமிழ்நாடு ரோபோட்டிக்ஸ் லீக்கின் இரண்டாவது பதிப்பில் 250 பள்ளிகளைச் சேர்ந்த 3,500 க்கும் மேற்பட்ட மாணவர்கள் கலந்து கொண்டனர். ஜோஹோவை பிரதான பங்களிப்பாளராக கொண்டிருந்த மற்றும் வெராண்டா லீமிங் சொல்யூஷன்ஸ் மூலம் இயக்கப்படும் ப்ரோப்பலர் டெக்னாலஜிஸின் நீல நிற ரிபாண்ட் நிகழ்வு நடைபெற்றது.

இந்த நிகழ்வானது மாநிலம் முழுவதும் உள்ள ரோபோட்டிக்ஸ் ஆர்வலர்கள் மற்றும் மாணவர்களை ஈர்த்தது மற்றும் பங்கேற்பாளர்கள் தங்கள் நிபுணத்துவம், படைப்பாற்றல் மற்றும் ரோபாட்டிக்ஸில் சிக்கல் தீர்க்கும் திறன்களை வெளிப்படுத்த களமாக இருந்தது. மேலும் பங்கேற்பாளர்களுக்கு ட்ரோன்கள் முதல் மனித உருவ ரோபோக்கள் வரையிலான ரோபோடிக் கண்டுபிடிப்புகளை பற்றிய விளக்கம் அளிக்கப்பட்டது.

இது நாட்டின் வளர்ந்து வரும் பொறியாளர்கள் மற்றும் கண்டுபிடிப்பாளர்களின் திறனை வளர்க்கும் நடவடிக்கையை ஊக்குவிப்பதாக அமைந்தது.

இந்த நிகழ்ச்சியில் பேசிய அமைச்சர் அன்பில் மகேஷ் பொய்யாமொழி,”ரோபாட்டிக்ஸ் ஒரு தொழில்நுட்பம் மட்டுமல்ல. இது எதிர்காலத்திற்கான நுழைவு வாயிலாகும். இது புதுமை நடைமுறைப் பயன்பாட்டைச் சந்திக்கும். தமிழ்நாடு ரோபோட்டிக்ஸ் லீக் போன்ற நிகழ்ச்சிகள் மாணவர்களிடையே ஆர்வத்தை அதிகரிக்கும். மேலும் படைப்பாற்றல் மற்றும் சிக்கலைத் தீர்க்கும் திறன்களை வளர்ப்பதில் முக்கிய பங்கு வகிக்கின்றன. இதுபோன்ற முன்முயற்சிகள் மூலம் நமது மாணவர்களை எதிர்கால கண்டுபிடிப்பாளர்களாக மாற்ற முடியும்” என்றார்.

இந்த போட்டியில் சாம்பியன் பட்டத்தை வென்ற திருவள்ளூர் பெருந்தலைவர் காமராஜர் அரசு பள்ளி மாணவிகள் கூறியது, தமிழ்நாடு முழுவதிலும் இருந்து 3,500 க்கும் மேற்பட்ட பங்கேற்பாளர்களுடன் இந்த போட்டி ஒரு போட்டியாக இல்லாமல் நிகழ் நேர கண்டுபிடிப்புக்கான களமாக இருந்தது. தேசத்திற்கான கண்டுபிடிப்பாளர்களாக எங்களை மாற்றியது. இந்த வெற்றி எங்களைப் போன்ற மாணவர்களை ரோபோட்டிக்ஸ் டெக்னாலஜி குறித்து மேலும் பல ஆய்வுகள் மேற்கொள்ள ஊக்கப்படுத்தி உள்ளது” என்றனர்.