மத்திய நிதியமைச்சர் அமெரிக்காவுக்கு அரசுமுறை சுற்றுப்பயணம்!

மத்திய நிதியமைச்சர் நிர்மலா சீதாராமன், இன்று அரசு முறை சுற்றுப்பயணமாக அமெரிக்கா செல்வதாகத் தெரிவிக்கப் பட்டுள்ளது.

-இதுகுறித்து மத்திய நிதியமைச்சகம் வெளியிட்ட தகவல்:

மத்திய நிதியமைச்சர் நிர்மலா சீதாராமன அமெரிக்காவில் தனது அரசு முறை சுற்றுபயணத்துக்கு இன்று செல்கிறார். அங்கு சர்வதேச நிதி ஆணையம் , உலக வங்கி ஆண்டு கூட்டத்தில் பங்கேற்கிறார்.

இந்த சுற்றுப்பயணத்தில் ஜி-20 நாடுகளின் நிதியமைச்சர்கள் மற்றும் அந்நாடுகளின் மத்திய வங்கி ஆளுநர்களுடன் பேச்சு வார்த்தை நடத்தவுள்ளார். பின்னர் ஜப்பான், தென்கொரியா, சவூதி அரேபியா, ஆஸ்திரேலியா, போன்ற நாடுகளுடன் இருதரப்பு பேச்சுவார்த்தையில் மத்திய நிதியமைச்சர் நிர்மலா சீதாராமன் கலந்து கொள்கிறார்.

இதற்கடுத்து அமெரிக்க நிதியமைச்சர் ஜேனட் ஏலன், சர்வதேச நிதி ஆணையத்தின் தலைவரான டேவிட் மால்பாஸ் ஆகியோரை தனித்தனியே சந்தித்து ஆலோசிக்க உள்ளார். இறுதியாக, வாஷிங்டன் ப்ரூக்கிங்ஸ் நிறுவனத்தில் "இந்திய பொருளாதார வளர்ச்சி மற்றும் உலகப் பொருளாதாரத்தில் இந்தியாவின் பங்கு" என்ற தலைப்பில் மத்திய நிதியமைச்சர் நிர்மலா சீதாராமன் உரையாற்றவுள்ளார்.

-இவ்வாறு தெரிவிக்கப் பட்டுள்ளது.