நிறம் மற்றும் பாலினப் பாகுபாடு காட்டப்படுவதாக அமெரிக்க கல்லூரி மீது வழக்கு!

இந்திய வம்சாவளி பேராசிரியர் இன மற்றும் பாலின பாகுபாடுக்காக அமெரிக்க கல்லூரி மீது வழக்கு தொடர்ந்தார்.

மசாசூசெட்ஸில் உள்ள வெல்லஸ்லி வணிகப் பள்ளியில் பணிபுரியும் இந்திய வம்சாவளியைச் சேர்ந்த இணைப் பேராசிரியர், தான் இனம் மற்றும் பாலினப் பாகுபாட்டிற்கு உட்படுத்தப்பட்டதாகக் கூறி வழக்குத் தாக்கல் செய்துள்ளதாக ஊடக அறிக்கை ஒன்றில் தெரிவிக்கப்பட்டுள்ளது.

பாப்சன் கல்லூரியின் தொழில்முனைவோர் துறையின் இணைப் பேராசிரியையான லக்ஷ்மி பாலச்சந்திரா, கல்லூரியின் நிற மற்றும் பாலினப் பாகுபாட்டுப் பாரபட்சத்தால் தனது தொழில் வாய்ப்புகளை இழந்ததாகவும், தனக்கு பொருளாதார இழப்புகள் நேர்ந்ததாகவும், மன உளைச்சல் ஏற்படும் வகையில் கல்லூரி அவரது நற்பெயருக்கு தீங்கு விளைவித்ததாகவும், தங்களது தவறான அணுகுமுறை மற்றும் திறமையின்மையால் கல்லூரி நிர்வாகிகள் தனது கவலைகளை விசாரிக்கத் தவறியதாகவும் குற்றம் சாட்டினார், என தி பாஸ்டன் குளோப் செய்தித்தாள் பிப்ரவரி 27 அன்று தெரிவித்துள்ளது.

பாலச்சந்திரா 2012 இல் பாப்சனில் ஆசிரியப் பணியில் சேர்ந்தார்.

அவரது வழக்கில், கல்லூரியின் தொழில்முனைவோர் பிரிவின் பேராசிரியரும் முன்னாள் தலைவருமான ஆண்ட்ரூ கார்பெட்டை "பாரபட்சமான பணிச்சூழலின் முதன்மையான நேரடி குற்றவாளி" என்று அழைத்தார்.

பிப்ரவரி 27 அன்று பாஸ்டனில் உள்ள அமெரிக்க மாவட்ட நீதிமன்றத்தில் தாக்கல் செய்யப்பட்ட புகாரின்படி, கற்பித்தல் பணிகள், வகுப்பு திட்டமிடல் மற்றும் வருடாந்திர மதிப்பாய்வுகளை மேற்பார்வையிட்ட கார்பெட்,தேர்ந்தெடுக்கப்பட்ட தேவையான பாடங்களை கற்பிக்க வேண்டும் என்ற கோரிக்கையையும் மீறி, தொழில்முனைவோர் துறையில் எப்போதும் இருக்கும் படிப்புகளை மட்டுமே கற்பிக்க அனுமதித்ததாக பாலச்சந்திரா குற்றம் சாட்டினார். பாலசந்திரா எம்ஐடி ஸ்லோன் ஸ்கூல் ஆஃப் மேனேஜ்மென்ட் மற்றும் ஹார்வர்ட் பிசினஸ் ஸ்கூல் ஆகியவற்றில் இதற்கு முன்பு இத்தகைய வகுப்புகளை தான் கற்பித்ததாகக் கூறுகிறார்.

"பாப்சன் வெள்ளை மற்றும் ஆண் ஆசிரியர்களை ஆதரிக்கிறார், மேலும் அவர்களுக்கான விருதுகள் மற்றும் சலுகைகளை முக்கியமாக ஒதுக்குகிறார்" என்று பாலச்சந்திராவின் புகார் கூறுகிறது.

புகாரின்படி, அவரது ஆராய்ச்சிப் பதிவு, ஆர்வம் மற்றும் கல்லூரிக்கு செய்த சேவை போன்ற பல தகுதிகள் இருந்த போதும், அவருக்கு நியாயமாகக் கிடைத்திருக்க வேண்டிய பல தலைமைப் பதவிகள் மறுக்கப்பட்டதாகவும், அவரது ஆராய்ச்சி மற்றும் எழுத்துப் பணிக்கு கூடுதல் நேரம் தேவைப்பட்ட போது அதற்கான அதிக நேரம் மற்றும் வாய்ப்புகள் மறுக்கப்பட்டன என்றும் அவர் குறிப்பிட்டிருந்தார்.

ஆனால், தனக்கு மறுக்கப்பட்ட சலுகைகள் அனைத்துமே "தொழில்முனைவோர் பிரிவில் உள்ள வெள்ளை ஆண் ஆசிரியர்களுக்கு வழக்கமாக வழங்கப்படுகின்றன" என்று தனது புகாரில் பாலசந்திரா குறிப்பிட்டுள்ளார்.

பாலச்சந்திராவின் வழக்கறிஞர் மோனிகா ஷா, பேராசிரியை பாலசந்திரா பாரபட்சத்திற்கு எதிரான மாசசூசெட்ஸ் ஆணையத்திடமும் இதுகுறித்து புகார் பதிவு செய்துள்ளதாகத் தெரிவித்தார்.

இதற்கிடையில், பாப்சன் கல்லூரியானது பேராசிரியர் பாலசந்திராவின் கவலைகள் மற்றும் புகார்களை கல்லூரி நிர்வாகம் தீவிரமாக எடுத்துக்கொள்கிறது என்றும் அவை குறித்துமுழுமையாக ஆராய்ந்து நிவர்த்தி செய்வதற்கு தேவையான நன்கு நிறுவப்பட்ட நெறிமுறைகள் மற்றும் ஆதாரங்களை இந்நிறுவனம் கொண்டுள்ளது என்றும் பேராசிரியையின் குற்றச்சாட்டுக்கு பதிலளித்துள்ளது.

"கல்லூரியானது பல்வேறு உலகளாவிய சமூகத்தின் தாயகமாக உள்ளது, அங்கு சமத்துவம் மற்றும் உள்ளடக்கம் ஆகியவை வளாகத்தின் ஒவ்வொரு அம்சத்திலும் மதிப்பிடப்பட்டு இணைக்கப்படுகின்றன, ஆகவே அத்தகைய இடங்களில் எந்த வகையான பாகுபாடும் பொறுத்துக்கொள்ளப்படாது" என்று பாப்சன் கல்லூரியின் செய்தித் தொடர்பாளர் மேற்கோள் காட்டினார்.

நேஷனல் சயின்ஸ் ஃபவுண்டேஷனில் பெல்லோஷிப்பிற்காக தற்போது விடுப்பில் இருக்கும் பாலச்சந்திரா, குறிப்பிடப்படாத இழப்பீடுகளை கோருகிறார் என்று அந்த அறிக்கை மேலும் கூறியது.