0,00 INR

No products in the cart.

பிரதமரே கருணை காட்டுங்கள்

தலையங்கம்

ன்றிய அரசு, சமீப காலமாக பெட்ரோல், டீசல் விலையை உயர்த்தி வருகிறது. ஒரு லிட்டர் பெட்ரோல் விலை 100 ரூபாயை தாண்டிவிட்டது. டீசல் விலை  100 ரூபாயை நெருங்கிவிட்டது. பெட்ரோல்,  டீசல் விலையை தொடர்ந்து, சமையல் காஸ் சிலிண்டர் விலையையும் மத்திய அரசு அதிரடியாக உயர்த்தி வருகிறது.

நடப்பாண்டில், கடந்த பிப்ரவரி மாதத்தில் இருந்து சமையல் காஸ் விலை தொடர்ந்து உயர்ந்து வருகிறது. பிப்ரவரி  4ம் தேதி 25 ரூபாய், பிப்ரவரி, மாதம் 3 முறையும்  பின்னர் மார்ச், ஆகஸ்ட், செப்டம்பர்  மாதங்களில்  உயர்த்தப்பட்டது. இந்நிலையில்,  தற்போது மேலும் 15 ரூபாய் உயர்த்தப்பட்டுள்ளது. இதன்மூலம், ஓராண்டில் 300 ரூபாய் விலை உயர்த்தப்பட்டுள்ளது. இப்போது ஒரு சிலிண்டரின் விலை 1000 ரூபாயை நெருங்குகிறது.

கடந்த 2019ம்  ஆண்டு மே மாதம் சமையல் காஸ் சிலிண்டரின் அடிப்படை விலை ரூ.484.02 ஆக  நிர்ணயிக்கப்பட்டு இருந்தது. இது, இரண்டே ஆண்டில் இருமடங்காக  உயர்ந்துள்ளது. இந்த விலை உயர்வு, ஏழை, எளிய, நடுத்தர மக்களை நசுக்கும் வகையில் உள்ளது. சர்வதேச  சந்தையின் விலைக்கேற்ப, நம் நாட்டில் எரிபொருட்களின் விலையை, மாற்றி அமைக்கும் நடைமுறை குழித் தோண்டி புதைக்கப்பட்டுவிட்டது. பண்டிகை காலம் நெருங்கும் வேளையில், சமையல் காஸ் பயன்பாடு அதிகரிப்பது வழக்கம். இச்சூழ்நிலையில் விலையை அபரிமிதமாக உயர்த்துவது, இல்லத்தரசிகளை அதிர்ச்சியடைய செய்துள்ளது.

கடந்த 2015-ம் ஆண்டு சிலிண்டரின் விலை 1000 ரூபாயாக உயர்ந்திருந்தாலும், அப்போது பெரும்பான்மையான தொகை மானியமாக வழங்கப்பட்டு ரூ.500, ரூ.450 என்ற அளவிலேயே மக்களிடமிருந்து சிலிண்டருக்கான தொகையாக பெறப்பட்டது. ஆனால், தற்போதோ மானியமாக வெறும் 25 ரூபாய் மட்டுமே வழங்கப்பட்டுவருகிறது.

கடந்த 2014-ம் ஆண்டு, மன்மோகன் சிங் பிரதமராக இருந்தபோது எண்ணெய் நிறுவனங்களுக்கு நேரடியாக மானியங்களை வழங்காமல், மக்களுக்கே மானியங்கள் வழங்கப்பட்டது. இந்த நேரடி மானியத் திட்டத்தை, அப்போதைய முக்கிய எதிர்க்கட்சியான பா.ஜ.க. கடுமையாக எதிர்த்தது. இப்படி நேரடியாக மக்களுக்கே மானியம் வழங்குவதன் மூலம், மானியங்களை காங்கிரஸ் ஒழிக்கப்போவதாக, பா.ஜ.க. குற்றஞ்சாட்டியது. ஆனால், இதே பா.ஜ.க. ஆட்சிப் பொறுப்பில் அமர்ந்தவுடன், மானியம் கொடுக்கும் திட்டத்தை பெறும் விளம்பரத்துடன்  செயல்படுத்தியது. அத்துடன், அதைப் பொதுமக்களின் வங்கிக் கணக்கிலும் செலுத்திவந்தது. தொடக்கத்தில், சுமார் 400 ரூபாய் வரை வங்கிக் கணக்கில் வரவு வைக்கப்பட்ட கேஸ் மானியம், இப்போது வெறும் 25 ரூபாயாகக் குறைக்கப்பட்டுள்ளது.

கடந்த காலங்களில் பெட்ரோல், டீசல், கேஸ் விலையை மத்திய அரசே தீர்மானித்து வந்தது. கடந்த 2004-ம் ஆண்டு, கச்சா எண்ணெய் விலை உயர்விற்கு ஏற்ப பெட்ரோல், டீசல், கேஸ் விற்பனை விலையை, ’15 நாட்களுக்கு ஒருமுறை’ பெட்ரோலிய நிறுவனங்களே நிர்ணயம் செய்து கொள்ளலாம் என காங்கிரஸ் அரசு அறிவித்தது. அதனைக் கடுமையாக எதிர்த்தது பா.ஜ.க. ஆனால், பா.ஜ.க. ஆட்சிக்கு வந்த பிறகு பெட்ரோல், டீசல் விலையை, ‘தினசரி’ மாற்றம் செய்துகொள்ளும் அதிகாரத்தைப் பெட்ரோலிய நிறுவனங்களுக்கு வழங்கியது. பிறகு, பெட்ரோல், டீசல், கேஸ் விலை ஏறும்போதெல்லாம், மத்திய அரசு பெட்ரோலிய நிறுவனங்களையே கைகாட்டி வருகிறது.

எழும் கேள்வி இந்த எண்ணெய்  நிறுவனங்கள் யாருடைய கட்டுப்பாட்டில் இருக்கிறது? கொரோனா பெருந்தொற்று பேரிடர் காலத்தில்கூட இவர்கள் அறிவிக்கும் தொடர் விலையேற்றங்களை  அரசால் கட்டுப்படுத்த முடியாதா?  ஆண்டுதோறும் இந்த எண்ணெய் நிறுவனங்கள் தங்கள் லாபத்தைப் பெருக்கி அதை அரசுக்கு அளிக்கிறது.

அதாவது கருணையின்றி இந்த நிறுவனங்கள் சாமானிய இந்தியனிடமிருந்து  இப்படி வசூலிக்கும் அதிக பணத்தால் தங்கள் இலாபத்தைப் பெறுக்கி, அதை அரசுக்கு அளிக்கிறது. இந்த முறையை  அரசு அங்கிகரிக்கிறது.

அரசின் இந்த திறனற்ற நிர்வாகத்தால்  எண்ணற்ற மத்தியத் தர குடும்பங்கள் தொடர்ந்து பாதிக்கப்பட்டு வருகின்றன.

மாண்புமிகு  பிரதமர் அவர்களே…. தயவு செய்து  கருணைக் காட்டுங்கள். சாமனிய இந்தியக் குடும்பங்களைக் காப்பாற்றுங்கள்.

2 COMMENTS

Stay Connected

261,335FansLike
1,909FollowersFollow
8,130SubscribersSubscribe

Other Articles

வேண்டாமே! இந்த அக்னிப் பரீட்சை

3
தலையங்கம்   ராணுவச் சேவையில் இளைஞர்களை ஊக்குவிக்கும் ‘அக்னி பாதை’  என்றொரு திட்டம் அண்மையில் அறிமுகப்படுத்தப்பட்டுள்ளது. ராணுவச் சேவையில் சேர்வதற்கு தயாராகிவரும் இளைஞர்களிடையே இந்தப் புதியத் திட்டம் பெரும் வரவேற்பை பெறும் என்ற எதிர்பார்ப்புடன் ஒன்றிய அரசு...

காலத்தின் கட்டாயம் -சாட்டையைச்  சுழற்றுங்கள்

1
தலையங்கம்   இன்றைய நாகரிக உலகில் தொழில்நுட்பமானது பிரம்மாண்டமான வளர்ச்சியைப் பெற்றுள்ளது. ஒரு ஸ்மார்ட் போன் இருந்தால் போதும். உலகில் நடக்கும் அனைத்து விஷயங்களையும் அறிந்து கொள்ளலாம். வளர்ச்சி ஒருபுறம் பிரமிக்க வைத்தாலும், மறுபுறம் பல...

ஆபத்தான பீஹார் மாடல்

1
தலையங்கம்   இந்தியாவில் பல்வேறு மாநிலங்களிலும் மக்கள் தொகை கணக்கெடுப்புடன் சேர்த்து சாதிவாரி கணக்கெடுப்பையும் நடத்த வேண்டும், அதனடிப்படையில் இட ஒதுக்கீடு முறையை செயல்படுத்த வேண்டும் என்ற கோரிக்கை வலுத்து வருகிறது. இந்தியாவில் இட ஒதுக்கீடு...

பட்டமளிப்பு விழாக்கள் அரசியல் மேடைகள் அல்ல!

தலையங்கம்   பல்கலைகழங்கங்களின் பட்டமளிப்பு விழாக்களில் சிறப்பு விருந்தினர்களால் நிகழ்த்தப்படும் உரைகள் வரலாற்றில் பதிவு செய்யத்தக்க தகுந்தவையாக இருந்த காலம் ஒன்று உண்டு. நேரு, இராஜாஜி, அண்ணா போன்ற தலைவர்கள், தங்கள் பணிகளுக்கிடையே இந்த உரைகளை...

வருமுன் காக்க

தலையங்கம்   வருமுன்னர்க் காதாவான் வாழ்க்கை எரி முன்னர் வைத்தூறு போலக் கெடும். அரசன் மக்களை நாட்டிற்கு வரும் கேடுகளிலிருந்து  அவை வரும்முன் காக்க வேண்டும். அதுவே சிறந்த ஆட்சி என்கிறான் தெய்வப்புலவன். அப்படிக் காத்துக்கொள்ள வேண்டிய ஒரு...