மாசம் ₹399 மிச்சம்! ChatGPT Go இனி இந்தியாவுக்கு 12 மாசம் இலவசம்!

இன்றைய டிஜிட்டல் உலகில் கடிதம் எழுதுவது முதல், வீட்டுப்பாடம் செய்வது, புதிய விஷயங்களைக் கற்றுக்கொள்வது வரை பலரும் ChatGPT பயன்படுத்த விரும்புகிறார்கள். ஆனால், இதன் மேம்பட்ட சேவைகளைப் பயன்படுத்த மாதாந்திரக் கட்டணம் செலுத்த வேண்டும். இப்போது, OpenAI நிறுவனம் இந்தியர்களுக்காகவே பிரத்யேகமாக "ChatGPT Go Free" என்ற ஒரு அருமையான திட்டத்தை அறிவித்துள்ளது. இதன் மூலம், ஒரு வருடம் முழுக்க இந்த மேம்பட்ட AI சேவையை நாம் இலவசமாகப் பயன்படுத்தலாம்.

யாருக்கெல்லாம் இந்தச் சலுகை?

ChatGPT Go என்பது OpenAI-ன் பிரீமியம் சேவைகளில் ஒன்று. இது இந்தியாவில் உள்ள கூட்டாளிகளுடன் இணைந்து இப்போது இலவசமாகக் கிடைக்கிறது. மாணவர்கள், எழுத்தாளர்கள், தொழில்முனைவோர் என யார் வேண்டுமானாலும் தங்கள் தினசரி வேலைகளை எளிதாக்கிக் கொள்ள இதைப் பயன்படுத்தலாம். 

இந்தக் சலுகையைப் பெறுவதற்கு நீங்கள் பெரிய நிபந்தனைகளை எல்லாம் பூர்த்தி செய்யத் தேவையில்லை. நீங்கள் இந்தியாவில் வசிப்பவராகவும், உங்களிடம் சரியான, இந்தியாவில் பதிவு செய்யப்பட்ட மொபைல் எண் ஒன்றும் இருந்தால் மட்டும் போதும். இது தனிப்பட்ட பயன்பாட்டிற்கு மட்டுமே என்பதை நினைவில் கொள்ளுங்கள்.

எப்படி இலவசமாக ஆக்டிவேட் செய்வது?

இதை ஆக்டிவேட் செய்வது மிகவும் சுலபம். முதலில், chat.openai.com என்ற அதிகாரப்பூர்வ இணையதளத்திற்குச் செல்லுங்கள் அல்லது உங்கள் மொபைலில் ChatGPT ஆப்-ஐ திறக்கவும். உங்களிடம் ஏற்கனவே கணக்கு இருந்தால் லாகின் செய்யுங்கள், இல்லையெனில் உங்கள் இந்திய மொபைல் எண்ணைப் பயன்படுத்திப் புதிய கணக்கைத் தொடங்குங்கள். 

உள்ளே நுழைந்ததும், "Free 12-month ChatGPT Go plan" என்ற சலுகை பாப்-அப் (Pop-up) ஆகும். அல்லது, உங்கள் 'Profile' பகுதிக்குச் சென்று 'Upgrade' என்பதைத் தேர்ந்தெடுத்தால், "Upgrade to Go" என்ற ஆப்ஷன் இருக்கும். அதில் விலை ரூ.0/12 மாதங்கள் என்று காட்டியிருக்கும்.

முக்கிய நிபந்தனை!

இங்கேதான் ஒரு முக்கியமான விஷயத்தைக் கவனிக்க வேண்டும். இந்தத் திட்டம் முற்றிலும் இலவசம் என்றாலும், இதை ஆக்டிவேட் செய்ய உங்கள் கிரெடிட்/டெபிட் கார்டு அல்லது UPI விவரங்களை நீங்கள் சேர்க்க வேண்டும். "இலவசம் என்று சொல்லிவிட்டுக் காசு கேட்கிறார்களா?" என்று பயப்பட வேண்டாம். இது உங்களைச் சரிபார்க்கும் ஒரு முறை மட்டுமே. உங்கள் கணக்கிலிருந்து எந்தப் பணமும் வசூலிக்கப்படாது. ஆனால், 12 மாதங்கள் முடிந்ததும், தானாகவே கட்டணம் வசூலிக்கப்படலாம். எனவே, சலுகையை ஆக்டிவேட் செய்த உடனேயே, 'Auto Renewal' ஆப்ஷனை நிறுத்தி வைப்பது அல்லது 12 மாதங்கள் முடியும் முன் அதை ரத்து செய்வது புத்திசாலித்தனம்.

இந்த 12 மாத இலவச சலுகையைப் பயன்படுத்தி, உங்கள் படைப்பாற்றலையும், உற்பத்தித் திறனையும் உயர்த்திக் கொள்ளுங்கள்!