உங்க WhatsApp ஹேக் பண்ணிட்டாங்களா... மெசேஜ் எல்லாமே படிக்கிறாங்களா... இந்த ட்ரிக்க பாலோ பண்ணுங்க!

இந்த டிஜிட்டல் உலகில் நாம் எவ்வளவு முன்னேறினாலும், அதற்கு இணையாகவே பிரச்சனைகளும் அதிகரித்து வருகின்றன. வாட்ஸ்அப், இன்ஸ்டாகிராம், முகநூல் (Facebook) போன்ற தளங்களில் நம் தகவல்களைத் திருட ஹேக்கர்கள் எப்போதும் புதிய வழிகளைக் கண்டுபிடித்துக்கொண்டே இருக்கிறார்கள். குறிப்பாக, வாட்ஸ்அப் ஹேக் செய்வது மிகவும் எளிதாகிவிட்டது. உங்கள் வாட்ஸ்அப் கணக்கு ஹேக் செய்யப்பட்டிருக்கிறதா என்பதை எப்படிக் கண்டுபிடிப்பது என்பதைப் பார்ப்போம்.

இன்றைய காலகட்டத்தில் தகவல்கள்தான் மிக முக்கியம். அதனால்தான் ஹேக்கர்கள் வாட்ஸ்அப் அழைப்புகள், செய்திகள், இணைப்புகள், வைரஸ் கோப்புகள் மூலம் நம்மை ஏமாற்ற முயற்சிக்கிறார்கள். மெட்டா நிறுவனத்திற்குச் சொந்தமான வாட்ஸ்அப், தங்கள் செயலியில் முழுமையான தரவு பாதுகாப்பை வழங்கினாலும், ஹேக்கர்கள் பயனர்களை ஏமாற்றித் தகவல்களைத் திருடிக்கொண்டேதான் இருக்கிறார்கள்.

உங்கள் வாட்ஸ்அப் கணக்கு ஹேக் செய்யப்பட்டிருக்கிறதா என்பதை எப்படிக் கண்டுபிடிப்பது?

தெரியாத எண்களிலிருந்து செய்திகள் வருகிறதா?  நீங்கள் செய்தியைப் படிக்காமலேயே நீல நிற டிக் வந்துவிடுகிறதா? நீங்கள் அனுப்பாத செய்திகள் உங்கள் செய்திப் பட்டியலில் இருக்கிறதா?  உங்கள் தொடர்புப் பட்டியலில் தெரியாத எண்கள் இருக்கின்றனவா?  சரிபார்ப்புக் குறியீடுகள் அடிக்கடி மாறுகிறதா?

இவையனைத்தும் ஹேக்கிங்கின் அறிகுறிகளாக இருக்கலாம். உங்கள் வாட்ஸ்அப் வலை (web) மூலம் வேறு யாராவது உங்கள் கணக்கைப் பயன்படுத்துகிறார்களா என்று சரிபார்க்கவும். உங்களுக்குத் தெரியாத சாதனங்கள் இணைக்கப்பட்டிருந்தால் உடனடியாக வெளியேறுங்கள். உங்கள் நண்பர்களுக்கு உங்களிடமிருந்து சந்தேகத்திற்கிடமான செய்திகள் வந்தால் எச்சரிக்கையாக இருங்கள். உங்கள் சுயவிவரப் படம், பெயர் அல்லது விவரங்கள் மாறியிருந்தாலும் கவனமாக இருங்கள்.

உங்கள் வாட்ஸ்அப் ஹேக் செய்யப்பட்டால் என்ன செய்வது?

உடனடியாக உங்கள் தொலைபேசி எண்ணைப் பயன்படுத்தி வாட்ஸ்அப்பில் மீண்டும் பதிவு செய்யுங்கள். குறுஞ்செய்தி அல்லது அழைப்பு மூலம் வரும் 6 இலக்கக் குறியீட்டை உள்ளிட்டு சரிபார்க்கவும். இது அங்கீகரிக்கப்படாத பயனர்களை தானாகவே வெளியேற்றும்.

ஹேக்கிங்கை எப்படித் தடுப்பது?

• இரட்டை அடுக்கு பாதுகாப்பு முறையை (Two Factor Authentication - 2FA) செயல்படுத்தவும்.

• வாட்ஸ்அப்பை எப்போதும் புதுப்பிக்கப்பட்ட பதிப்பில் வைத்திருங்கள்.

• சிறந்த வைரஸ் தடுப்பு மென்பொருளைப் பயன்படுத்துங்கள்.

• உங்கள் கடவுச்சொல் அல்லது தனிப்பட்ட விவரங்களை யாருடனும் பகிர்ந்து கொள்ளாதீர்கள்.

• சந்தேகத்திற்கிடமான இணைப்புகள் அல்லது செய்திகளைத் திறக்க வேண்டாம்.

இந்த டிஜிட்டல் உலகில் எச்சரிக்கையாக இருப்பது மிகவும் முக்கியம். ஹேக்கர்களிடமிருந்து நம்மை நாமேதான் பாதுகாத்துக்கொள்ள வேண்டும்.