வேம்பாளப் பட்டையின் மகத்துவம் என்ன தெரியுமா?

தலைமுடி என்று வரும்போது, அதன் ஆரோக்கியத்தையும் தோற்றத்தையும் மேம்படுத்தக்கூடிய இயற்கை வைத்தியங்கள் பலவற்றை நாம் தொடர்ந்து செய்து வருகிறோம். ஆனால் அதிகம் அறியப்படாத வேம்பாள மரத்தின் பட்டையிலிருந்து பெறப்படும் வேம்பாளப் பட்டை என்ற மூலிகை, நம் முடிக்கு நம்ப முடியாத பலன்களை அளிக்கிறது.  

இயற்கை என்றுமே நமக்கு ஏராளமான வளங்களை வழங்குகிறது. அவற்றில் சிலது பெரும்பாலும் கவனிக்கப்படுவதில்லை அப்படிப்பட்ட மறைக்கப்பட்ட ரத்தினங்களில் ஒன்றுதான் வேம்பாளப் பட்டை.  வேம்பாள மரத்தின் பட்டையிலிருந்து பெறப்படும் இந்த மருந்தானது, பாரம்பரிய இயற்கை மருத்துவத்தில் பல நூறு ஆண்டுகளாகப் பயன்படுத்தப்பட்டு வருகிறது. இது சாதாரணமாகவே நாட்டு மருந்து கடைகளில் கிடைக்கும். இதை தேங்காய் எண்ணெயில் கலந்து தலை முடிக்குத் தடவி வர பல நன்மைகளை அது ஏற்படுத்தும். 

1. இயற்கையாகவே வேம்பளாப் பட்டையானது முடி வளர்ச்சியைத் தூண்டுகிறது. இதில் தலை முடிக்குத் தேவையான அனைத்து அத்தியாவசிய ஊட்டச்சத்துக்கள் மற்றும் அதிக கலவைகள் உள்ளன. அவை உச்சந்தலையில் ரத்த ஓட்டத்தைத் தூண்டி, மயிர்க் கால்களின் ஆரோக்கியத்தை மேம்படுத்தி, முடி வளர்ச்சியை ஊக்குவிக்கிறது. மேலும் இதைத் தேங்காய் எண்ணெயில் கலந்து பயன்படுத்தி வந்தால், முடி உதிர்தல் மற்றும் மெலிதல் போன்ற பிரச்சினைகள் தீர்வுக்கு வரும். 

2. வேம்பாளப் பட்டையில் வைட்டமின்கள், தாதுக்கள் மற்றும் ஆக்சிஜனேற்றத்திற்கு உதவும் ஊட்டச்சத்துக்கள் நிரம்பியுள்ளது. இது முடிக்கு வேர் முதல் நுனிவரை ஊட்டமளிக்கிறது. இதிலுள்ள ஊட்டச்சத்துக்கள், முடி தண்டுகளை வலுப்படுத்தவும், நெகிழ்ச்சித் தன்மையை மேம்படுத்தவும், முறிவு மற்றும் பிளவுகளைத் தடுக்கவும் உதவுகிறது. 

3. பலருக்கு பொடுகு மற்றும் உச்சந்தலை பிரச்சனைகள் சங்கடம் அளிக்கும் வகையில் இருக்கலாம். ஆனால் வேம்பாளப் படையை நீங்கள் பயன்படுத்துவது மூலம், இதிலிருந்து மீண்டு வர முடியும். இது பூஞ்சைக் காளான் மற்றும் பாக்டீரியா போன்றவற்றை எதிர்க்கும் பண்புகளைக் கொண்டுள்ளது. எனவே பொடுகை உண்டாக்கும் நுண்ணூறைகளை எதிர்க்கவும், எரிச்சலூட்டும் உச்சந்தலை பிரச்சனைகளை தீர்க்கவும் உதவுகிறது. 

4. இயற்கையான பளபளப்பு மற்றும் ஒளிரும் முடிக்காக நீங்கள் ஏங்கினால், வேம்பாளப் பட்டை உங்கள் ரகசிய ஆயுதமாக இருக்கலாம். இது முடி வெட்டுக் காயங்களை மூடவும், ஈரப்பதம் இழப்பை தடுக்கவும், ஒளியை பிரதிபலிக்கும் மென்மையான மேற்பரப்பை உருவாக்கவும் உதவுகிறது. இதனால் உங்கள் தலைமுடி பளபளப்பாகவும், உயிர் நிறைந்ததாகவும் காணப்படும். 

5. சில சுற்றுச்சூழல் காரணிகள், ஸ்டைலிங் கருவிகள் மற்றும் ரசாயன சிகிச்சை ஆகியவற்றால் முடி அடிக்கடி சேதத்தை எதிர்கொள்கிறது. வேம்பளப்பட்டை, இதுபோன்ற பிரச்சனைகளிலிருந்து பாதுகாத்து, தீங்கு விளைவிக்கும் புற ஊதாக் கதிர்கள், மாசுபாடு மற்றும் வெப்பத்தால் ஏற்படும் பிரச்சனைகள் ஆகியவற்றிலிருந்து முடியைப் பாதுகாக்கிறது. சீரான உச்சந்தலை சூழலை உறுதி செய்து, அதிகப்படியான எண்ணெய் அல்லது வறட்சியைத் தடுத்து முடியை ஆரோக்கியமாக வைத்துக் கொள்கிறது. 

வணிக நோக்கத்திற்காக விற்கப்படும் தயாரிப்புகளைப் பயன்படுத்துவதற்கு பதில், இயற்கையாய் கிடைக்கக் கூடிய வேம்பாளப் பட்டையைப் பயன்படுத்துவதால் ஆரோக்கியமான மற்றும் அழகான கூந்தலை நீங்கள் பெறலாம்.