IPL ஸ்பான்சரானது ‘Google’s Gemini’: ரூ.270 கோடிக்கு பிசிசிஐ உடன் ஒப்பந்தம்..!

இந்தாண்டுக்கான(2026) 19-வது ஐபிஎல் டி20 கிரிக்கெட் தொடர் வரும் மார்ச் மாதம் 15-ம் தேதி தொடங்கி மே 31-ம் தேதி வரை பல்வேறு மாநிலங்களில் நடைபெற உள்ளது.

கூகுள் நிறுவனத்தின் சிஇஓவான சுந்தர் பிச்சை மிகப் பெரிய கிரிக்கெட் பிரியர் என்பது அனைவரும் அறிந்ததே. இந்நிலையில், ஐபிஎல் கிரிக்கெட் போட்டியின் முக்கிய ஸ்பான்சராக சுந்தர் பிச்சையின் கூகுள் ஜெமினி களத்தில் இறங்கியுள்ளது.

உலகளவில் ஏஐ போட்டியில் முன்னணியில் உள்ள கூகிள் நிறுவனத்திற்கு சொந்தமான ஜெமினி, இந்தியன் பிரீமியர் லீக்(ஐபிஎல்) தொடரின் ஸ்பான்சர்ஷிப்பில் 3 ஆண்டுக்கு ரூ.270 கோடி மதிப்பிலான ஒப்பந்தத்தில் கையெழுத்திட்டுள்ளது.

ஜெமினி சம்பந்தப்பட்ட சமீபத்திய ஸ்பான்சர்ஷிப், இந்திய கிரிக்கெட்டில் AI தளங்களின் வளர்ந்து வரும் ஆர்வத்தைக் குறிக்கிறது. இது ஐபிஎல் வரலாற்றில் AI தளங்களுடன் செய்யப்பட்ட மிகப்பெரிய ஒப்பந்தங்களில் ஒன்றாகும். இந்த ஒப்பந்தம் இந்திய கிரிக்கெட்டில் செயற்கை நுண்ணறிவு (AI) தளங்களின் வளர்ந்து வரும் உந்துதலை அடிக்கோடிட்டுக் காட்டுகிறது. இந்திய விளம்பர சந்தையில் கேமிங் நிறுவனங்கள் இல்லாத குறையை இத்தகைய டெக் நிறுவனங்கள் குறைத்து வருகிறது.

கடந்த ஆண்டு சாட்ஜிபிடி (ChatGPT) பெண்கள் பிரீமியர் லீக் (WPL) உடன் ரூ.16 கோடி மதிப்பிலான இரண்டாண்டு விளம்பர ஒப்பந்தம் செய்தது.

கடந்த ஆண்டு ட்ரீம்11 போன்ற உண்மையான பண விளையாட்டு தளங்களை தடை செய்தபோது பிசிசிஐ புதிய ஜெர்சி ஸ்பான்சரைத் தேட வேண்டியிருந்தது. இறுதியில், அப்பல்லோ டயர்ஸ் ரூ.579 கோடிக்கு BCCI ஷர்ட் ஸ்பான்சர்ஷிப் உரிமைகளைப் பெற்றது. டாடா குழுமம் ஏற்கனவே உள்ள நீண்ட கால ஒப்பந்தத்தின் கீழ் ஐபிஎல்லுக்கான டைட்டில் ஸ்பான்சர்ஷிப் உரிமைகளைத் தொடர்ந்து வைத்திருக்கிறது.

இத்தகைய டெக் நிறுவனங்கள் உடனான ஒப்பந்தம் ஐபிஎல்-ன் பிராண்ட் மதிப்பை மேலும் உயர்த்தும். AI தொழில்நுட்பம் கிரிக்கெட் ரசிகர்களுடன் இணைவதற்கான புதிய வழிகளை உருவாக்கும்.