திருமலை திருப்பதி தரிசனம்: ஆன்லைன் முன்பதிவு தேதி 6 மாதங்கள் வரை செல்லுபடி!

திருமலை திருப்பதி தேவஸ்தானத்தில் ஏழுமலையானை தரிசிக்க டிக்கெட் முன்பதிவு செய்து வரமுடியாத பக்தர்கள், ஆன்லைனில் 6 மாதங்களுக்குள் வேறு தேதி மாற்றி வந்து தரிசனம் செய்ய தேவஸ்தான இணையதளத்தில் மாற்றம் செய்யப்பட்டுள்ளது.

இதுகுறித்து திருப்பதி தேவஸ்தான கூடுதல் செயல் அதிகாரி தர்மா ரெட்டி தெரிவித்ததாவது:

திருமலை திருப்பதியில் கனமழையால் ஏற்பட்ட பாதிப்புகளை சீரமைப்பது குறித்து தேவஸ்தான நிர்வாக அதிகாரிகள் ஆலோசனை நடத்தினர். அதையடுத்து அலிபரி வழித்தடத்தில் நடைபாதை சீரமைக்கப்பட்டுள்ளதால் பக்தர்களுக்கு இன்று முதல் திருமலை தரிசனத்துக்கு அனுமதி அளிக்கப்படுகிறது. அதேசமயம் நவம்பர் 18-ம் தேதி முதல் சுவாமி தரிசனம் செய்ய ஏற்கனவே ஆன்லைனில் பதிவு செய்த பக்தர்கள், கனமழை காரணமாக வரமுடியாத பக்தர்கள் அதே டிக்கெட்டை பயன்படுத்தி வரும் 30-ம் தேதி வரை தரிசனம் செய்யலாம் மேலும் நவம்பர் 30 வரை வர முடியாதவர்கள் 6 மாதங்களுக்குள்ளாக வேறு தேதியில் தரிசனம் செய்யும் விதமாக இணையதளத்தில் மாற்றம் செய்யப்பட்டுள்ளது.

–இவ்வாறு அவர் தெரிவித்தார்.