0,00 INR

No products in the cart.

சாணிக் காயிதம்: வன்முறை டூ மச்!

லதானந்த்.

பார்த்துப் பார்த்துச் சலித்துப்போன பழிவாங்கல்தான் கதை. அமேஸான் ப்ரைம் ஓடிடி தளத்தில் வெளியாகியிருக்கிறது. நல்லவேளை இது தியேட்டரில் வெளியாகவில்லை; வெளியாகியிருக்கவும் முடியாது – அவ்வளவு வன்முறை.

நமக்குத் தீங்கிழைத்தவர்களுக்குச் சட்டம் கொடுக்கும் தண்டனை போதாது; அவர்களை அழித்தொழிக்கவேண்டும் என்ற மிகத் தவறான கருத்து இப்படத்தில் வலியுறுத்தப்பட்டிருக்கிறது. தமது முகத்தில் எச்சில் துப்பியவனைத் தண்டிக்க வில்லனும் அவனது அடியாட்களும் செய்யும் தீய செயல்கள், டஜன் கணக்கில் கொலைகள் விழக் காரணமாகிவிடுகிறது.

இதுநாள் வரை நாம் பார்த்த கீர்த்தி சுரேஷா இவர் என ஆச்சரியப்படும் விதத்தில் நடிப்பில் அசத்தியிருக்கிறார் மனுஷி. நடிப்பில் குரூரமும் ஆவேசமும் கொப்பளிக்கிறது. அடேயப்பா! அதே போலப் பலரையும் நடிக்கவைத்த செல்வராகவன், சங்கையா என்ற பாத்திரத்தில் பிச்சு உதறியிருக்கிறார்.

படத்தில் பெண்களை இழிவுசெய்யும் வசனங்கள் பல வருகின்றன. வில்லன்கள் பேசுவதாகவே இருந்தாலும் அவை முகம் சுளிக்க வைக்கின்றன. அதேபோல பல கொச்சை வார்த்தைகள் ‘பீப்’ செய்யப்பட்டும், செய்யப்படாமலும் ஒலித்துக் காது கூச வைக்கின்றன. நீதிமன்றத்தில் கீர்த்தியை நோக்கி வில்லன் காண்பிக்கும் ஆபாச சைகை படு மட்டம். தவிர்த்திருக்கலாம்.

படம் தொழில்நுட்ப ரீதியில் மிக முன்னேறியிருக்கிறது. குறிப்பாக கருப்பு – வெள்ளையில் காண்பிக்கப்படும் ஆரம்பக் காட்சி, பின்னர் விரைவிலேயே வண்ணக் காட்சியாக  ‘சிங்க்’ ஆவதைச் சொல்லலாம்.

கீர்த்தி சுரேஷுஎம், செல்வராகவனும் ஏறக் குறைய ஒரு சில ஆடைகளை மட்டுமே அணிந்து படம் நெடுகிலும் வருகின்றனர்.

குற்றவாளிகள் நீதிமன்றத்தில் இருந்து தப்பித்தபின், எதற்காக வலியப் போய் அவர்கள் சரணடைந்தார்கள் என்பது குழப்பமாகவே இருக்கிறது.

புதுமை செய்வதாய் நினைத்துக்கொண்டு ஆறு பாகங்களாகப் பிரித்து படத்தில் அவ்வப்போது டைட்டில் கார்டு போடுகிறார்கள். அதனால் என்ன சொல்லவருகிறார்கள் என்பது தெளிவில்லாமலேயே இருக்கிறது.

ஆரம்பக் காட்சியை அடுத்து வரும் சில காட்சிகள் மெல்ல நகர்கின்றன. அதற்குப் பின்னர் படம் ஜெட் வேகமெடுக்கிறது. தன்னைக் கொல்ல வரப் போகிறார்கள் எனத் தெரிந்தும் திரையரங்கில் துணையின்றி முக்கிய வில்லன் படம் பார்க்கும் காட்சியில் லாஜிக் மீறல் அப்பட்டம்.

மொத்தத்தில்: தொழில்நுட்பம், கதை சொல்லும் உத்தி, தேர்ந்த ஒளி, ஒலிப் பதிவு ஆகியன பாராட்டத் தகுந்தன. மற்றபடி குரூரம், ரத்தம் சிந்துதல், கொலைகள், சித்ரவதைக் காட்சிகள் டூ மச்!

Stay Connected

261,614FansLike
1,915FollowersFollow
7,420SubscribersSubscribe

Other Articles

வாய்தா; எளியவர்களுக்கு மறுக்கப்படும் நீதி!

0
 -ராகவ் குமார் உலக சினிமா எல்லாமே அந்தந்த மண்ணின் பிரச்சனைகளை திரையில் பேசும் படம்தான். அந்த வகையில் சமீபத்தில் வெளியாகி பல்வேறு தரப்பினரை திரும்பி பார்க்க வைத்த திரைப்படம் வாய்தா. இந்த படம் நமது...

நடிகர் சூர்யா, இயக்குநர் பாலா கூட்டணியில் புதிய படம்!

0
நடிகர் சூர்யா, இயக்குநர் பாலா கூட்டணியிள் ‘சூர்யா41’ திரைப்படத்தின் அடுத்த கட்ட படப்பிடிப்பு விரைவில் துவங்கவுள்ளதாக நடிகர் சூர்யா தன் சமூகவலைதள பக்கத்தில் பகிர்ந்துள்ளார்.  தமிழ் சினிமாவை உலக தரத்திற்கு உயர்த்தும் தரமான படைப்பாளிகளில்...

விக்ரம் 2-விலும் லோகேஷ்தான் இயக்குனர்: கமல்ஹாசன் அறிவிப்பு!

0
கமல்ஹாசன் நடிப்பில் உருவான ‘விக்ரம்’ திரைப்படத்தின் செய்தியாளர் சந்திப்பு சென்னை தேனாம்பேட்டையில் உள்ள தனியார் நட்சத்திர விடுதியில் நடைபெற்றது அதில் கமல்ஹாசன் பேசியதாவது: கலைஞர் கருணாநிதியின் பிறந்தநாளான ஜூன் 3-ம் தேதி விக்ரம் படம் ரிலீஸாக...

அன்னை இல்லத்திலிருந்து அடுத்த நடிகர்!

0
-லதானந்த். நடிகர் திலகம் சிவாஜி கணேசன் குடும்பத்திலிருந்து மற்றொரு கலையுலக வாரிசு உருவாகியுள்ளார்.  நடிப்புப் பல்கலைக்கழகமான சிவாஜியின் அன்னை இல்லத்திலிருந்து அவரது மகன் பிரபு, பேரன்கள் விக்ரம் பிரபு, துஷ்யந்த் போன்றவர்கள் நடித்து கொண்டிருக்கிறார்கள். இப்போது...

நெஞ்சுக்கு நீதி; சமூக நீதிக்கான போராட்டம்!

0
-ராகவ் குமார். ‘ஆர்ட்டிகள் 15’ என்ற இந்தி படத்தின் மைய்ய கருவை எடுத்துகொண்டு தமிழ் சூழலுக்கு ஏற்றார்போல் ‘நெஞ்சுக்கு நீதி’யை இயக்கியிருக்கிறார் அருண்ராஜா காமராஜ்.  இந்த படத்தை ஜீ ஸ்டூடியோஸ் மற்றும் ரோமியோ பிக்ச்சர்...