0,00 INR

No products in the cart.

உக்ரைனில் போர் பதற்றம்: இந்தியர்கள் உடனடியாக வெளியேறும்படி இந்திய அரசு உத்தரவு!

உக்ரைனில் போர் பதற்றம் தீவிரமடைந்துள்ளதால், அங்குள்ள இந்தியர்களை உடனடியாக வெளியேறும்படி இந்திய தூதரகம் அறிவுறுத்தி உள்ளது.

உக்ரைனைக் கைப்பற்ர ரஷ்யா அந்நாட்டு எல்லையில் தன் போர்ப் படைகளை குவித்து வருகிறது. இதையடுத்து ரஷ்யாவுக்கு எதிராக அமெரிக்காவும் ஐரோப்பிய நேட்டோ நாடுகளும் தம் படைகளை குவித்துள்ளன. இதனைத் தொடர்ந்து உக்ரைன் எல்லையையொட்டிய தனது எல்லைப் பகுதியான பெலாரஸ் உள்ளிட்ட பகுதிகளில் லட்சம் துருப்புகளை குவித்த ரஷியா, போர் பயிற்சியில் இறங்கி இருப்பதால் அங்கு பதற்றம் நிலவுகிறது.

இந்த நிலையில், ரஷ்யா தங்கள் நாட்டின் மீது நாளை தாக்குதல் நடத்தக்கூடும் என உக்ரைன் அதிபர் வோலோடிமிர் ஜெலென்ஸ்கி தெரிவித்துள்ளார். இதையடுத்து ஆஸ்திரேலியா, இத்தாலி, இஸ்ரேல், நெதர்லாந்து, ஜப்பான் உள்ளிட்ட 10 நாடுகள் தங்கள் மக்களை உக்ரைனில் இருந்து வெளியேற்ற துவங்கி உள்ளனர்.அந்த வரிசையில், உக்ரைனில் இருந்து இந்தியர்கலும் வெளியேறும்படி இந்திய அரசு அறிவித்துள்ளது.

மேலும் உக்ரைனில் உள்ள இந்தியர்கள் தங்கள் இருப்பிடம் பற்றியும் நிலை குறித்தும் இந்திய தூதரகத்திற்கு தகவல் அளிக்க வேண்டும் என்றும் அறிவுரை வழங்கி உள்ளது. மேலும் உக்ரைனில் உள்ள இந்திய குடிமக்களுக்கு அனைத்து சேவைகளையும் வழங்க தூதரகம் தொடர்ந்து செயல்படுகிறது என்றும் அறிவிக்கப்பட்டுள்ளது. உக்ரைனில் இந்திய மாணவர்கள் 20 ஆயிரத்திற்கும் அதிகமானோர் படித்து வருவது குறிப்பிடத்தக்கது.

 

Stay Connected

261,699FansLike
1,912FollowersFollow
7,330SubscribersSubscribe

Other Articles

நூல் விலை உயர்வு: கரூரில் ஜவுளி உற்பத்தி நிறுவனங்கள் வேலைநிறுத்தம்!

0
நாட்டில் பருத்தி நூல் விலை உயர்ந்ததைக் கண்டித்து அவற்றின் விலையைக் குறைக்க வலியுறுத்தி கரூரில் ஜவுளி உற்பத்தி, ஏற்றுமதி நிறுவனங்கள் இன்று ஒருநாள் வேலை நிறுத்தத்தில் ஈடுபட்டுள்ளன. இதுகுறித்து கரூர் ஜவுளி உற்பத்தி மற்றும்...

சினிமாவில் இனி நடிக்கப் போவதில்லை; உதயநிதி ஸ்டாலின்!

0
தமிழ் சினிமா இயக்குனர் மாரி செல்வராஜ் இயக்கும் 'மா மன்னன்' படத்தில் நடித்து வரும் உதயநிதி ஸ்டாலின், அதுவே சினிமாவில் தன் கடைசி படமாக இருக்கும் என்றும், இனி முழநேர அரசியலில் கவனம்...

நெல்லை கல்குவாரி விபத்து: 2- வது நாளாக மீட்புப் பணிகள்!

0
திருநெல்வேலி மாவட்டம், முன்னீா்பள்ளம் அருகே தனியாருக்குச் சொந்தமான கல்குவாரியில் நேற்று பாறைகள் சரிந்து விழுந்து விபத்து ஏற்பட்டது. இந்த விபத்தில் சிக்கி உயிருக்கு போராடும் லாரி ஓட்டுநர் உள்ளிட்ட 3 பேரை மீட்கும்...

புத்த பூர்ணிமா சிறப்பு: புத்தர் பிறந்த லும்பினியில் பிரதமர் மோடி தரிசனம்!

0
பிரதமர் நரேந்திர மோடி, புத்த பூர்ணிமாவையொட்டி நேபாள பிரதமர் ஷேர் பகதூர் தியூபாவின் அழைப்பின் பேரில் இன்று ஒரு நாள் அரசுமுறை பயணமாக நேபாளம் சென்றுள்ளார். இதுகுறித்து மத்திய அரசு வெளியிட்டுள்ள தகவலில் தெரிவித்ததாவது: பிரதமர்...

6 லட்சம் மாணவர்களுக்கு 3 மாதத்தில் இலவச சைக்கிள்; தமிழக அரசு!

0
தமிழகத்தில் அரசுப் பள்ளி மற்றும் அரசு நிதியுதவி பெறும் பள்ளிகளில் பயிலும் மாணவர்களுக்கு இலவச சைக்கிள்கள் வழங்கும் திட்டத்தின் கீழ், 11-ம் வகுப்பு மாணவர்களுக்கு 3 மாதத்துக்குள் சைக்கிள்கள் வழங்கப்படும் என அரசு...