உண்ணத்தகுந்த 5 வகைக் காளான்களும் அவற்றின் நன்மைகளும்!

இந்தியாவில் உற்பத்தி செய்யப்படும் உண்ணக்கூடிய 5 வகை காளான்கள் குறித்தும் அவற்றின் நன்மைகள் குறித்தும் இந்தப் பதிவில் காண்போம்.

பட்டன் காளான்: இது ஆரோக்கியம் மற்றும் பொருளாதார அம்சத்தில் இந்தியாவில் உள்ள சிறந்த காளான்களில் ஒன்றாகும். இவை வணிக ரீதியாக பயிரிடப்பட்டு பயன்படுத்தப்படும் காளான்கள். இவை சிறியவை, வெள்ளை அல்லது கிரீம் மற்றும் சிறிய தொப்பியை கொண்டுள்ளன. இவை மென்மையானவை. ஆரோக்கியத்தையும், சுவையையும் ஒன்றாக ஒருங்கிணைக்கும் திறன் காரணமாக உணவு வகைகளில் இது கவர்ச்சியான பொருளாக மாறிவிட்டது.

நன்மைகள்: செரிமான செயல்முறையை எளிதாக்குவதிலும், நோயெதிர்ப்பு மண்டலத்தின் செயல் திறனை  மேம்படுத்துவதிலும், பங்கேற்கின்றன. நாள்பட்ட இதய நோய்களை தடுக்கும் ஆன்டி ஆக்ஸிடென்ட்களும் இவற்றில் உள்ளன.

சிப்பி காளான்: இவை அழகான சிப்பி ஓட்டை ஒத்திருக்கும். இவை சிப்பி போன்ற சுவை கொண்டதாகவும் இருக்கும். அவை சாம்பல், வெள்ளை, பழுப்பு, இளஞ்சிவப்பு மற்றும் மஞ்சள் போன்ற வெவ்வேறு வண்ணங்களில் வருகின்றன. அவை வெல்வெட் அமைப்புடன் கூடிய விசிறி வடிவ அமைப்பைக் கொண்டவை மற்றும் சமைக்கும்போது மென்மையான நறுமணத்தை உருவாக்குகின்றன.

நன்மைகள்: இவை நோயெதிர்ப்பு மண்டலத்தை அதிகரிக்கவும், இரத்த கொழுப்பின் அளவை குறைக்கவும், இருதய அமைப்பை மேம்படுத்தவும் மற்றும் புரத சத்தும் நிறைந்துள்ளன.

ஷிடேக் காளான்: இது ஒரு கவர்ச்சியான வகையாகும். ஆசியா முழுவதும் பிரபலமானது. ஜப்பானிய மற்றும் சீன உணவு வகைகளில் அதிகம் பயன்படுத்தப்படுகிறது. வணிக சாகுபடிக்கு மரத்தூள் தொகுதிகளில் வளர்க்கப்படும். இவை சிவப்பு, பழுப்பு நிறத்தில் உள்ளன. செவுள்கள் கொண்ட ஒரு தொப்பியை (பைலியஸ்) பெற்றிருக்கும்.

நன்மைகள்: இதன் தண்டு நார்சத்து மிகுந்தது. மருத்துவ குணம் நிறைந்தது. கணிசமான அளவு வைட்டமின்கள் பி, சி, டி மற்றும் அதிக அளவு இரும்பு சத்தும் உள்ளன. புற்றுநோய் எதிர்ப்புப் பண்புகளைக் கொண்டது.

எனோகி காளான்: இந்தியாவில் உள்ள பிரபலமான காளான் வகை இது. இவற்றின் தனித்துவமான அழகியல் தோற்றம் காரணமாக இவை கோல்டன் ஊசி காளான்கள் அல்லது லில்லி காளான்கள் என்றும் அழைக்கப்படுகின்றன. இலையுதிர் மற்றும் வசந்த காலங்களில் இயற்கையாக மரத்தின் தண்டுகளில் இது வளர்க்கப்படுகிறது. இவை நீண்ட மெல்லிய தண்டு மற்றும் வெள்ளை நிறத்தில் இருக்கும். இவற்றின் நுனியில் சிறிய வட்டமான தொப்பி உள்ளது. இவற்றின் வேர்கள் அல்லது ஹைபாக்கள் வலுவாக இணைக்கப்பட்டுள்ளன. மற்றும் தண்டுகள் இணைக்கப்பட்ட பகுதியிலிருந்து வளர்ந்து 4 முதல் 5 அங்குலங்கள் வரை நீளமாக இருக்கும். இவை நுட்பமான சுவை மற்றும் மொறு மொறுப்பான அமைப்பைக் கொண்டுள்ளன.

நன்மைகள்: நார்ச்சத்து, வைட்டமின்கள் (B1, B3, B5, B6 மற்றும் D), பொட்டாசியம், தாமிரம், இரும்பு போன்ற தாதுக்களின் ஆதாரம் ஆகும். கலோரிகள், கொழுப்புகள் குறைவாக உள்ளன. நோய் எதிர்ப்பு சக்தி அதிகரிக்கும். மேலும், அழற்சி எதிர்ப்பு பண்புகள் இவற்றில் உள்ளன.

மோரல் காளான்: இவை இந்தியாவின் மிகவும் விலை உயர்ந்த காளான் வகைகளில் ஒன்றாகும். தேன்கூடு அமைப்பு தொப்பி மூலம் அவற்றை எளிதில் அடையாளம் காணலாம். மண்ணின் சுவை கொண்டவை. இவை பெரும்பாலும் காட்டு இனங்கள். உள்நாட்டில் வளர்ப்பது கடினம்.

நன்மைகள்: அதிக அளவு நார்சத்து வைட்டமின்கள் (B2, B3) மேலும், தாதுப் பொருட்கள் நிறைந்தது. இந்த வகை காளான்கள் ஆக்ஸிஜனேற்றம் மற்றும் அழற்சி எதிர்ப்பு பண்புகளைக் கொண்டிருப்பதாகக் கூறப்படுகிறது.