ஏன் கல்லீரலை சுத்தம் செய்ய வேண்டும்? 

நம் உடலின் ‘Chemical Factory’ என்று அழைக்கப்படும் கல்லீரல், நாம் உண்ணும் உணவை செரிமானம் செய்யவும், நச்சுப் பொருட்களை நீக்கவும் உதவுகிறது. ஆனால், நாம் உண்ணும் தரமற்ற உணவு, மது, மாசுபட்ட காற்று மற்றும் நீர் போன்ற காரணங்களால், கல்லீரல் பாதிக்கப்படலாம். இதனால், கல்லீரலில் கொழுப்பு தேங்கி, அது கொஞ்சம் கொஞ்சமாக செயலிழக்க ஆரம்பிக்கும். இதனைத் தடுக்கவும், கல்லீரலை ஆரோக்கியமாக வைத்திருக்கவும் கல்லீரல் சுத்திகரிப்பு அவசியமாகிறது. 

கல்லீரலை ஏன் சுத்தம் செய்ய வேண்டும்? 

நாம் உண்ணும் உணவு மற்றும் சுவாசிக்கும் காற்றில் உள்ள நச்சுப் பொருட்களை கல்லீரல் வடிகட்டி, நம் உடலைப் பாதுகாக்கிறது. ஆனால், அதிகப்படியான நச்சுப் பொருட்கள் கல்லீரலில் தேங்கி அதன் செயல்பாட்டை பாதிக்கலாம். கல்லீரல் உற்பத்தி செய்யும் பித்த நீர், கொழுப்பை செரிக்க உதவுகிறது. கல்லீரல் பாதிக்கப்பட்டால் செரிமானம் பாதிக்கப்பட்டு பல்வேறு உடல்நலப் பிரச்சனைகள் ஏற்படும். 

கல்லீரல் உடலுக்குத் தேவையான சக்தியை உற்பத்தி செய்ய உதவுகிறது. ஒருவேளை இது பாதிக்கப்பட்டால் உடல் சோர்வு, எடை அதிகரிப்பு போன்ற பிரச்சனைகள் ஏற்படலாம். மற்றும் நாம் உண்ணும் மருந்துகளை கல்லீரல் செயலாக்கி உடலுக்குத் தேவையான வடிவத்தில் மாற்றுகிறது. கல்லீரல் பாதிப்பால் மருந்துகளின் செயல்பாடு பாதிக்கப்படும். இத்தகைய காரணங்களால் கல்லீரலை நாம் சுத்தம் செய்ய வேண்டியது அவசியம். 

கல்லீரலை இயற்கையாகவே சுத்தம் செய்யும் பல வகையான பானங்கள் உள்ளன. அதில் மிகவும் பிரபலமானவை நெல்லிக்காய், எலுமிச்சை, பீட்ரூட், புதினா, கேரட், கொத்தமல்லி ஜூஸ் வகைகள். 

இந்த பானங்கள் எப்படி கல்லீரலை சுத்தப்படுத்துகின்றன? 

நெல்லிக்காய், பீட்ரூட் போன்றவற்றில் உள்ள ஆன்ட்டி ஆக்ஸிடென்ட்கள், கல்லீரலில் ஏற்படும் அலர்ஜியைக் குறைத்து கல்லீரல் செல்களைப் பாதுகாக்கின்றன. எலுமிச்சை, கேரட் போன்றவற்றில் உள்ள வைட்டமின்கள் மற்றும் தாதுக்கள் கல்லீரலின் செயல்பாட்டை மேம்படுத்தி நச்சுப்பொருட்களை நீக்க உதவுகின்றன. 

இவற்றில் உள்ள நீர்ச்சத்து உடலில் உள்ள நச்சுப் பொருட்களை நீக்குகின்றன. புதினா, கொத்தமல்லி போன்ற மூலிகைகளில் உள்ள என்சைம்கள் செரிமானத்தை மேம்படுத்தி கல்லீரலின் சுமையைக் குறைக்கின்றன. 

கல்லீரல் என்பது நம் உடலின் மிகவும் முக்கியமான உறுப்பு. எனவே, அதை ஆரோக்கியமாக வைத்திருப்பது மிகவும் முக்கியம். ஆரோக்கியமான உணவு, தொடர்ச்சியான உடற்பயிற்சி மற்றும் போதுமான தூக்கம் ஆகியவை கல்லீரல் ஆரோக்கியத்திற்கு அவசியமான ஒன்று. மேற்கண்ட பானங்களை அருந்துவதன் மூலம் நாம் நம் கல்லீரலை இயற்கையாகவே சுத்திகரிக்க முடியும்.