வாடகை வரி குறைக்க 4-படி முறை: CA நிதின் கௌஷிக் ஆலோசனை 2025

சிஏ (பட்டயக் கணக்காளர்) பரிந்துரைக்கும் 4-படி முறையைப் பயன்படுத்தி அதிகபட்ச விலக்குகளைப் பெறலாம். அதெப்படின்னு யோசிக்கிறீங்களா? வாங்க...தெரிந்து தெளிவோம்.

சார்ட்டர்டு அக்கவுண்டண்ட் ...ப ட்டயக் கணக்காளர்... அதாங்க ஆடிட்டர்... நிதின் கவுஷிக், வீட்டுக் கடன் உள்ளவர்களுக்கு குறிப்பாக, வீட்டு சொத்து வருமானத்தில் வரிச்சுமையை சட்டரீதியா குறைக்க விரும்புவோருக்கு ஒரு எளிய முறையை வெளியிட்டுள்ளார். இதைப் புரிஞ்சு பயன்படுத்தினா, உங்க பணத்தைப் பாதுகாக்க முடியும்!

வருமான வரிச் சட்டத்தின் பிரிவு 24(ஏ)-ன் கீழ், வீட்டு உரிமையாளர்கள் நிகர ஆண்டு மதிப்பு (NAV) மீது 30% நிலையான விலக்கு கோரலாம். இந்த விலக்கு, நீங்கள் உண்மையில் பழுது அல்லது பராமரிப்புக்கு எவ்வளவு பணம் செலவு செய்தீர்கள் என்பதைப் பொருட்படுத்தாமல் கிடைக்கும். கூடுதலாக, வீட்டுக் கடன் வட்டி செலவுகளுக்கு கிடைக்கும் விலக்குகள் வரி செலுத்துவோருக்கு கணிசமானதாக இருக்கும். 

"சொத்து சுய-பயன்பாட்டில் இருந்தால், விலக்கு ஆண்டுக்கு ₹2 லட்சமாக மட்டுப்படுத்தப்பட்டுள்ளது. ஆனால், வாடகைக்கு விடப்பட்ட சொத்துகளுக்கு வட்டி விலக்குக்கு எந்த உச்சவரம்பும் இல்லை," என்று கவுஷிக் கூறினார். இந்த விதிகள் சொத்து உரிமையாளர்களுக்கு கணிசமான நிவாரணம் வழங்க வடிவமைக்கப்பட்டுள்ளன.

எடுத்துக்காட்டாக, மொத்த ஆண்டு மதிப்பு (GAV) ₹5 லட்சமாகவும், சொத்து வரிகள் ₹20,000 ஆகவும் இருந்தால், நிகர ஆண்டு மதிப்பு (NAV) ₹4.8 லட்சமாகிறது. 30% நிலையான விலக்கைப் பயன்படுத்திய பிறகு, இந்தத் தொகை ₹1.44 லட்சத்தால் குறைகிறது. இதன் விளைவாக, ₹1 லட்சம் வீட்டுக் கடன் வட்டியாக செலுத்தப்பட்டால், வரி விதிக்கப்படும் வருமானம் ₹1.36 லட்சமாகக் குறைகிறது. இந்த முறை சட்ட கட்டமைப்பிற்குள் ஒரு கட்டமைக்கப்பட்ட நன்மையை வழங்க வடிவமைக்கப்பட்டுள்ளது.

படி 1: மொத்த ஆண்டு மதிப்பு (GAV) கணக்கிடுதல்

உங்க சொத்தின் மொத்த ஆண்டு மதிப்பு (GAV) அது வாடகைக்கு போனால் கிடைக்கும் மதிப்பு அல்லது உண்மையான வாடகை வருமானம் எது அதிகமோ அது. இதுல இருந்து தொடங்கணும்.

படி 2: நிகர ஆண்டு மதிப்பு (NAV) கணக்கிடுதல்

GAV-ல இருந்து சொத்து வரி (property tax) கழிச்சு NAV-ஐ கண்டுபிடிக்கணும். உதாரணத்துக்கு, GAV ₹5 லட்சம்னு இருந்தா, ₹20,000 வரி கழிச்சு NAV ₹4.8 லட்சமா வரும்.

படி 3: 30% தரநிலை தள்ளுபடி

வருமான வரி சட்டம் பிரிவு 24(a) படி, NAV-ல் 30% தள்ளுபடி கிடைக்கும். இது பராமரிப்பு செலவு பார்க்காமல் கிடைக்கும். மேலே உதாரணத்துல, ₹4.8 லட்சத்துக்கு 30% ₹1.44 லட்சமா கழிஞ்சு ₹3.36 லட்சமா வரும்.

படி 4: வீட்டுக் கடன் வட்டி தள்ளுபடி

வீட்டுக் கடன் வட்டி தள்ளுபடி மிக முக்கியம். தனிப்பயன் வீட்டுக்கு ரூ.2 லட்சம் வரை, வாடகைக்கு வீட்டுக்கு எந்த வரம்பும் இல்லாமல் தள்ளுபடி கிடைக்கும். உதாரணத்துல, ₹1 லட்சம் வட்டி செலுத்தினா, வரி கிடைக்கும் வருமானம் ₹2.36 லட்சத்துக்கு குறையும்.

கவுஷிக் வலியுறுத்திக் கூறினார், "இது சட்டத்தில் உள்ள ஒரு ஓட்டையல்ல—இது சட்டத்துல உள்ள ஒரு பயன்தான்; இது சட்டத்தில் வகுக்கப்பட்ட ஒரு கட்டமைக்கப்பட்ட நன்மையாகும்."

ஒரு சார்ட்டர்டு அக்கவுண்டண்டோ அல்லது நிதி ஆலோசகரோட உங்களுக்கு ஏற்றவாறு இதை பயன்படுத்தலாம். இது சட்டப்படி இருக்கிறதா, அதிகபட்ச பலன் எப்படி பெறலாம்னு உறுதி பண்ணலாம்.