தங்கத்தின் விலையில் ஏற்றத்தாழ்வுகள் ஏன்? அதை எவ்வாறு கணிப்பது?

காலையில் எழுந்து டிவியில் அல்லது செய்தித்தாள்களில் தங்கம் விலையேற்றதைப் பார்த்தவுடன் ஷாக் ஆகி விடுவோம். சில நபர்கள் தங்கத்தை வாங்கும் எண்ணத்தையே  விட்டுவிடுவார்கள்; இன்னும் சில பேர் இருக்கும் தங்கத்தை அந்நாளின் சந்தைமதிப்பிற்கு விற்று லாபம் பெறலாம் என்று கணக்கு போடுவார்கள். ஆனால், நிறைய பேர் ஏன் இந்த விலை ஏற்றத்தாழ்வு நிகழ்கிறது என்பதை நினைவில் வைக்க மாட்டார்கள். அதை தெரிந்து வைப்பதுதான் முக்கியம். வாங்க தெரிந்துகொள்வோம்.

1. நாணய மாற்று விகிதங்கள்:

உலக சந்தையில் தங்கத்தின் விலை அமெரிக்க டாலர்களின் மதிப்பில் காண்பிக்கப்படுகின்றன. இந்திய ரூபாய்க்கு எதிராக அமெரிக்க டாலர் வலுப்பெறும்போது, ​​அது இந்திய சந்தையில் அதிக விலை ஏறுகிறது. அந்நேரத்தில் அது இந்தியாவில் தங்கத்தை வாங்கும் மனநிலை  குறைவதற்கு வழிவகுக்கும்.

2. வட்டி விகிதக் குறைப்பு மற்றும் பொருளாதார குறிகாட்டிகள்:

மத்திய வங்கிகளின் வட்டி விகிதக் குறைப்புகளால்  நிதிச் சந்தைகள் மற்றும் முதலீட்டு உத்திகளைக் கணிசமாக பாதிக்கப்படும். அமெரிக்க பெடரல் ரிசர்வ் வட்டி விகிதக் குறைப்புகளைச் செயல்படுத்தும்போது, தங்கம் போன்ற விளைச்சல் இல்லாத சொத்துக்கள், வட்டி கொடுக்கும்  முதலீடுகளை காட்டிலும் சாதாரணமாக மாறும். இது பல நேரங்களில் தங்கத்தின் விலையைப் பாதிக்கும்.

3. உலகளாவிய பொருளாதார நிலப்பரப்பு:

நிலையான பணவீக்கம், காகித நாணயத்தின் ‘வாங்கும் சக்தியை’ குறைகிறது. இதனால் முதலீட்டாளர்கள் நம்பகமான மதிப்பின் கடையாக தங்கத்தைப் பயன்படுத்துவார்கள். மத்திய கிழக்கில் உள்ளதைப் போன்ற அதிகரிக்கும் கசப்பான அரசியல் பதற்றங்கள் (ரஷ்யா- உக்ரைன்  அல்லது இஸ்ரேல் - காஸா போர்) போன்ற நேரங்களில் , தங்கத்தில் தஞ்சம் அடைய முதலீட்டாளர்களைத் தூண்டலாம். இதனாலும் அதன் தேவை மற்றும் விலை இந்தியாவில் மேலும் பாதிக்கப்படலாம்.

4. மத்திய வங்கி கொள்முதல் மற்றும் பாதுகாப்பான-ஹவன் தேவை:

உலக அரசியலில் நடக்கும் பதற்றத்தால், தங்கம் மத்திய வங்கிகளால் கணிசமான அளவில் வாங்கப்படும். இதை அவர்கள் ஒரு பாதுகாப்பான சொத்தாக கருதுகிறார்கள். இதனாலும்  தங்கத்தின் விலை உயரக்கூடும். ஆகவே, அரசியல் மற்றும் பொருளாதார நிச்சயமற்ற காலங்களில் முதலீட்டாளர்கள் பெரும்பாலும் தங்கத்தின் பக்கம் திரும்புகின்றனர்.

5. உள்நாட்டு காரணங்கள்:

இந்தியாவில் வரவிருக்கும் பொதுத் தேர்தல்கள் வெளிநாட்டு நிறுவன முதலீட்டாளர்களையும் (FIIs) அவர்களின் முதலீட்டு இலாகாக்களையும் பாதிக்கலாம். முதலீடு குறையும் பட்சத்தில் உள்நாட்டு தங்கத்தின் விலை அதிகரிக்கலாம்.  மற்றும் இது நம் இந்திய ரூபாயையும் சில நேரங்களில் பலவீனப்படுத்தலாம்.

6. உலகளாவிய வர்த்தகம் மற்றும் பொருளாதார உறவுகள்:

முக்கிய பொருளாதாரங்களுக்கு இடையிலான வர்த்தக பதட்டங்கள் பல நாடுகளின் நாணய மதிப்புகளில் ஏற்ற இறக்கங்களுக்கு வழிவகுக்கும். மற்றும் தங்கத்தின் விலையையும் பாதிக்கலாம். உதாரணமாக, அமெரிக்காவிற்கும் சீனாவிற்கும் இடையிலான வர்த்தகப் போர் முதலீட்டாளர்களை தங்கத்தை பாதுகாப்பான சொத்தாக கருதச் செய்து, தங்க சேமிப்பை நோக்கி திசை திருப்பும். அவர்கள் அதை பதுக்கி வைத்துவிட்டால் இங்கு விலை ராக்கெட் வேகத்தில் ஏறிவிடும். 

7. பண்டிகைகள் மற்றும் திருவிழாக்கள்:

பண்டிகை காலங்கள், திருமணங்கள் மற்றும் பிற கலாச்சார கொண்டாட்டங்களின் போது தங்கத்தின் தேவை அதிகரிக்கும். பாரம்பரியமாக, தீபாவளி மற்றும் அட்சய திரிதியா போன்ற பண்டிகைகளின் போது இந்தியர்கள் தங்கத்தை வாங்குகிறார்கள். இப்படி தேவை அதிகரிப்பதாலும் விலை ஏறிவிடும்.