பிக்பாஸ் 8: கடந்து வந்த பாதை டாஸ்க்கில் எமோஷ்னல் ஆன போட்டியாளர்கள்!

பிக்பாஸ் சீசன் 8ல் கடந்து வந்த பாதை டாஸ்க் முடிந்ததும் யார் அதிகம் manipulate செய்கிறார்கள் என்ற கேள்வி கேட்கப்படுகிறது. அதற்கு போட்டியாளர்கள் ஒவ்வொருவரும் ஒவ்வொரு பெயரை கூறுகின்றனர். இதுகுறித்தான முழு விவரத்தைப் பார்ப்போம்.

இந்த சீசன் 8ல் தீபக், அர்னவ், ரஞ்சித், ரவீந்தர்சந்திரசேகர், கானா ஜெப்ரி, விஜேவிஷால், நா. முத்துக்குமரன், சத்யா , அருண்பிரசாத், சௌந்தர்யா நஞ்சுந்தன், சாச்சனா, அன்ஷிதா, சுனிதா , ஜாக்லின், ஆர்ஜேஆனந்தி, பவித்ராஜனனி, தர்ஷாகுப்தா என 18 பேர் கலந்துக்கொண்டனர். போன சீசனில் எப்படி பிக் பாஸ், ஸ்மால் பாஸ் என்று இரு வீடுகளாக பிரித்தனரோ அதேபோல் இப்போது ஆண்கள் வீடு, பெண்கள் வீடு என்று பிரித்திருக்கின்றனர். இந்த இரு டீமுக்கும் இடையே போட்டிகள் நடைபெற்று வருகின்றன. இதனையடுத்து ரவீந்திரன், அர்னவ் மற்றும் தர்ஷா குப்தா ஆகியோர் எவிக்ட் செய்யப்பட்டனர்.

இதனையடுத்து இந்த வாரம் நோ எவிக்ஸன் மற்றும் வைல்டு கார்டு என்ட்ரி நடைபெற்றது. இதன்மூலம் 6 பேர் பிக்பாஸ் வீட்டிற்குள் நுழைந்தனர்.

இதனையடுத்து கடந்து வந்த பாதை டாஸ்க்கில் ஒவ்வொருவரும் தங்களது கதையை சொல்கிறார்கள். விஜேவிஷாலின் கதையை கேட்டு அனைவரும் எமோஷ்னல் ஆகிறார்கள். போட்டியாளர்கள் மட்டுமல்ல ரசிகர்களும் சமூக வலைதளங்களில் எமோஷ்னலாக கருத்துக்கள் தெரிவித்து வருகின்றனர். இந்தநிலையில் இன்றைய ப்ரோமோ வெளியாகியுள்ளது. இதில் போட்டியாளர்களில் யார் அதிகம் manipulate செய்கிறார்கள் என்று கேட்கப்பட்டது. இதனை தர்ஷிகா படித்ததும், ரியா மற்றும் மஞ்சரியின் பெயரை சொன்னார் தீபக். ரயானும் ரியாவின் பெயரை சொன்னார். நம்ம திருப்பி திருப்பி சொன்னா அது கரெக்ட் ஆகாது என்று ராயன் சொல்வதை கேட்டு ரியா கடுப்பாக பார்க்கிறார். ஆனால் அதை ஷுகர் கோட் பண்ண நினைக்கிறாங்க என வர்ஷினி தன்னை பற்றி பேசியதை கேட்டு ரியா மேலும் கோபம் அடைந்தார்.

இதனையடுத்து எந்த இரண்டு பேர் ஈஸியாக manipulate ஆகிறார்கள் என்று கேட்கப்பட்டது. இதற்கு சவுண்ட் சத்யா பெயரை சொல்கிறார். ஜாக்குலின் ராணவ் பெயரை சொல்கிறார். மஞ்சுரியும் ராணவின் பெயரை கூறுகிறார். இந்த விளையாட்டில் சிக்கி சின்னாபின்னமாகிறாரோ என அவரை பார்க்கும்போது கொஞ்சம் வேதனையாக இருக்கு என்று ராணவ் பற்றி முத்துக்குமரன் பேசினார்.

இத்துடன் இன்றைய ப்ரோமோ முடிந்துள்ளது. இதனையடுத்து முழு எபிசோடையும் பார்த்தால் யார் யாரை தேர்ந்தெடுக்கிறார்கள் என்பது தெரிய வரும்.