ஓடிடியில் வெளியாகும் தக் லைஃப்… இது அவசர வெளியீடா?

உலகநாயகன் கமல்ஹாசன் மற்றும் இயக்குனர் மணிரத்னம் கூட்டணியில் பெரும் எதிர்பார்ப்புக்கு மத்தியில் வெளியான 'தக் லைஃப்' திரைப்படம், திரையரங்குகளில் வெளியான சில நாட்களிலேயே ஓடிடி வெளியீடு குறித்த பேச்சுக்கள் கிளம்பியுள்ளன. ஆகஸ்ட் 7ம் தேதி நெட்ஃபிளிக்ஸில் வெளியாகும் என அறிவிக்கப்பட்டுள்ள நிலையில், "இவ்வளவு அவசரமாக வெளியிட என்ன காரணம்?" என்ற கேள்வி பரவலாக எழுந்துள்ளது.

சமீபத்தில், ஜூன் 5ஆம் தேதி உலகம் முழுவதும் வெளியானது 'தக் லைஃப்'. 'நாயகன்' படத்திற்குப் பிறகு நீண்ட இடைவெளிக்குப் பிறகு மணிரத்னமும், கமல்ஹாசனும் இணைந்துள்ளதால், இப்படத்தின் மீதான எதிர்பார்ப்பு விண்ணை முட்டியிருந்தது. சிலம்பரசன், த்ரிஷா, அசோக் செல்வன், ஐஸ்வர்யா லெக்ஷ்மி, ஜோஜு ஜார்ஜ் உள்ளிட்ட பெரும் நட்சத்திர பட்டாளமே இதில் நடித்துள்ளனர். இருப்பினும், வெளியான முதல் சில நாட்களில் கலவையான விமர்சனங்களையே பெற்றுள்ளது.

வசூல் ரீதியாகவும், எதிர்பார்த்த வெற்றியை இப்படம் ஈட்டவில்லை என்றே தெரிகிறது. கர்நாடகாவில் எழுந்த மொழிக் கருத்து சர்ச்சைகள் காரணமாக அங்கு படம் திரையிடப்படாமல் போனதும், வசூலில் பெரும் பின்னடைவை ஏற்படுத்தியது. விமர்சன ரீதியாகவும், ரசிகர்களின் எதிர்பார்ப்பைப் பூர்த்தி செய்யாததும், படத்தின் வசூலைக் கடுமையாகப் பாதித்துள்ளதாக பாக்ஸ் ஆபிஸ் வட்டாரங்கள் தெரிவிக்கின்றன. இதனால் விரைவில் ஒடிடியில் வெளியாகவுள்ளதாக செய்திகள் வந்துள்ளன.

பொதுவாக, ஒரு பெரிய படம் வெளியான பிறகு, குறைந்தது 4 முதல் 8 வாரங்கள் வரை திரையரங்குகளில் ஓடி, அதன் பிறகுதான் ஓடிடி தளங்களில் வெளியாகும். ஆனால், 'தக் லைஃப்' படத்தைப் பொறுத்தவரை, ஆகஸ்ட் 7ஆம் தேதி ஓடிடி வெளியீடு என்பது, திரையரங்குகளில் வெளியாகி கிட்டத்தட்ட 8 வாரங்களுக்குப் பிறகுதான் வெக்கியாகவுள்ளது.

'தக் லைஃப்' திரைப்படம் வட இந்தியாவில் பிற்காலத்தில் வெளியாகும் என அறிவிக்கப்பட்டுள்ள நிலையில், அந்தப் பகுதிகளிலுள்ள திரையரங்குகளின் விதிகளின்படி, குறிப்பிட்ட கால அவகாசத்திற்குப் பிறகே ஓடிடி வெளியீடு செய்ய முடியும். இந்த விதிமுறைகளைச் சமரசம் செய்யாமல் இருப்பதற்காக, ஓடிடி வெளியீடு நாள் திட்டமிடப்பட்டிருக்கலாம்.

எனவே, 'அவசரமான வெளியீடு' என்று கூறப்பட்டாலும், படக்குழு ஏற்கனவே ஒப்பந்தம் செய்திருந்தபடி, திரையரங்கு மற்றும் ஓடிடி வெளியீட்டுக்கான காலக்கெடுவை மதித்து செயல்படுவதாகவே தெரிகிறது. இருப்பினும், படத்தின் தற்போதைய வரவேற்பு காரணமாக ஓடிடியில் விரைவில் வெளியாகும் என்றே எதிர்பார்க்கப்படுகிறது. அதிகாரப்பூர்வ அறிவிப்பு வெளியானால் மட்டுமே எதுவும் உறுதியாக கூற முடியும்.