அர்ஜுன் தாஸின் த்ரில்லர் படம் 'கான் சிட்டி' எப்படி இருக்கு? உண்மை ரிப்போர்ட்!

ஸ்பாய்லர் அலர்ட்

த்ரில்லர் பாணியில் வெளியான அர்ஜுன் தாஸின் புதிய திரைப்பட விமர்சனம்

கதை நடக்கும் காலகட்டம்: 2010.

சம்பவம் 1

நாயகன் ஈ.பி. ஆபீஸில் (EB Office) பில் கலெக்டராக வேலை பார்ப்பவர். தினசரி வசூலாகும் தொகையை அடுத்த நாள் வங்கியில் செலுத்திவிட வேண்டும். நாயகனுக்கு ஏகப்பட்ட கடன் இருக்கிறது; இ.எம்.ஐ. (EMI) கட்டச் சொல்லி நெருக்குகிறார்கள். அப்போது நாயகனுக்குத் தெரிந்தவர் ஒரு ஐடியா சொல்கிறார்: "தினசரி ஒரு லட்சம் ரூபாய் என்னிடம் கொடுத்தால், அடுத்த நாள் ஒரு லட்சத்து இரண்டாயிரம் ரூபாயாகத் தருகிறேன். இதுபோல் ஒரு மாதம் நீ ரொட்டேஷன் செய்தால், ₹2,000 × 30 = ₹60,000 சம்பாதிக்கலாம்" என்கிறார்.

நாயகனுக்குக் கடன் பிரச்சனையால் கல்யாணம் ஆகாமல் தள்ளிப்போய்க்கொண்டே இருப்பதால், இந்தத் திட்டத்திற்கு ஓகே சொல்கிறார். ஈ.பி. ஆபீஸ் பணத்தை ரொட்டேஷன் செய்கிறார்.

சம்பவம் 2

காமெடியன் தன் அம்மாவுடன் வசித்து வருகிறான். அம்மாவுக்கு உடம்பு சரியில்லை. செக் பண்ணிய டாக்டர், "அம்மாவுக்குப் பெரிய வியாதி இருக்கிறது, அதிக அளவில் பணம் செலவாகும்" என்று சொல்ல, காமெடியன் ஃபேஸ்புக்கில் (Facebook) பதிவு போட்டு உதவி கேட்கிறார். பெரிய தொகை வசூலாகிறது. பணத்துடன் டாக்டரைப் பார்க்கப் போகும்போது டாக்டர் கூலாக, "சாரி, நான் தப்பா சொல்லிட்டேன். அம்மாவுக்கு ஒண்ணுமில்லை" என்கிறார்.

உடனே காமெடியன், "சரி, வசூலான பணத்தை அவரவருக்கே திருப்பித் தந்துவிடுகிறேன்" எனச் சொல்ல, அம்மாவோ, "அந்தப் பணத்தை நாமே வெச்சுக்கலாம்; இன்னும் வசூலாகும் வரை ஆகட்டும், வந்தவரை லாபம்" என்கிறார்.

சம்பவம் 3

நாயகி ஒரு வீணாய்ப்போனவனைக் காதலித்து, நம்பி ஏமாந்து, கையில் குழந்தையுடன் இருக்கிறாள். அவன் ஓடிவிட்டான். பிழைப்புக்காக இவள் ஒரு வகையான ஃபோர்ஜரி (Forgery) வேலை செய்கிறார். அதாவது, வீடு வாடகைக்கு வேண்டும் என்ற நபரிடம் போக்கியத்திற்கு (ஒத்திக்கு) என்று சொல்லி ₹5 லட்சம் ரூபாய் மொத்தமாக வாங்கிக் கொள்வார்; ஹவுஸ் ஓனருக்கு (House owner) மாதாமாதம் இவரே வாடகையைக் கட்டிவிட்டு, அந்தப் பெரிய தொகையை ரொட்டேஷன் விடுவார்.

நாயகன், நாயகி, காமெடியன் ஆகிய மூன்று பேரிடமும் பணம் எக்கச்சக்கமாகச் சேர்கிறது. காமெடியனிடம் 53 லட்சம், நாயகியிடம் 85 லட்சம், நாயகனிடம் 10 கோடி பணம் சேர்ந்துவிடுகிறது. இப்போது காமெடியன், நாயகி இருவரும் நாயகனிடம் தங்களிடம் இருக்கும் பணத்தைத் தந்து "டபுள் பண்ணிக் கொடுங்கள்" என்கிறார்கள்.

நாயகனின் நண்பர் ஒருவர் ரெகுலராக நாயகனிடம் பணம் வாங்கி ஷேர் மார்க்கெட்டில் (Share Market) ரொட்டேஷன் பண்ணுவாரே, அவர் நாயகனிடம் 10 கோடி ரூபாய் வாங்கிவிட்டு சிலரால் கொலை செய்யப்படுகிறார். நாயகனால் இழந்த பணத்தை மீட்க முடியவில்லை.

நாயகன், நாயகி, காமெடியன் மூவரும் இணைந்து ஒரு ஹோட்டல் நடத்தி செட்டில் ஆகிறார்கள். இந்தச் சமயத்தில்தான் நாயகியின் மகன் கடத்தப்படுகிறான். இதற்குப் பின் நடக்கும் சம்பவங்கள்தான் மீதித் திரைக்கதை.

நடிகர்களின் பங்களிப்பு

• அர்ஜூன் தாஸ் (நாயகன்): நாயகனாக நடித்திருக்கிறார். எப்போதும் முகத்தை இறுக்கமாகவே வைத்திருப்பது ஏனோ? காமெடிப் படத்தில் ரிலாக்ஸாக நடித்திருக்கலாம்.

• அன்னா பென் (நாயகி): நாயகியாக நடிக்க அதிக வாய்ப்பில்லை. திறமையான நடிகையை வீணடித்துவிட்டார்கள்.

• வடிவுக்கரசி - யோகிபாபு (அம்மா - மகன்): இருவருக்குள்ளும் நல்ல கெமிஸ்ட்ரி. காமெடி நன்கு வொர்க் அவுட் ஆகியிருக்கிறது.

• விடிவி கணேஷ் (கொலீக்): நாயகனின் கொலீக்காக (Colleague) வரும் இவரின் நடிப்பு அருமை. கலகலப்புக்கு உத்தரவாதம் அளிக்கிறார்.

• ராதாரவி, அருள்தாஸ், சாக்ஷி வைத்யா உட்பட மற்ற அனைவரும் அவரவர் பங்கைச் சரியாகச் செய்திருக்கிறார்கள்.

தொழில்நுட்பம்

• அரவிந்த் விஸ்வநாதன் ஒளிப்பதிவு - குட் (Good).

• ஷான் ரோல்டன் இசை - ஓகே ரகம்; பின்னணி இசை கச்சிதம்.

• ஹரீஷ் துரைராஜ் இயக்கியிருக்கிறார்.

சபாஷ் டைரக்டர்!

1. அம்மா - மகனாக வரும் வடிவுக்கரசி - யோகிபாபு காமெடி டிராக் பல இடங்களில் நன்கு வொர்க் அவுட் ஆகியிருக்கிறது. கலகலப்புக்கு கேரண்டி.

2. நாயகன், நாயகி இருவரும் ஜோடி கிடையாது, காதல் இல்லை என்பது ஏமாற்றம்தான் என்றாலும் மாறுபட்ட சிந்தனை.

3. ஓப்பனிங் சீனிலேயே நாயகியின் மகன் கடத்தப்படுவது, கடத்தியது யாராக இருக்கும் என்று சிசிடிவி செக் செய்வது எனப் பரபரப்பான காட்சிகள் நம்மைத் கதைக்குள் இழுக்கின்றன.

லாஜிக் மிஸ்டேக்ஸ் & திரைக்கதையில் சில நெருடல்கள்

1. சதுரங்க வேட்டை, லக்கி பாஸ்கர் போன்ற படங்களைப் பார்த்து இன்ஸ்பையர் ஆகித் திரைக்கதை அமைத்தவர்கள், அதில் வருவது போல் புதுப்புது ஐடியாக்களைப் பயன்படுத்தவில்லை. ரிப்பீட்டாக ஒரே மாதிரியான காட்சிகள் வருவது போர் அடிக்கிறது.

2. ஒரு பாடாவதி ஈ.பி. ஆபீஸில் அவ்வளவு பணம் வசூலாவதெல்லாம் காதில் பூ சுற்றும் ரகம் தான்.

3. மோசடி செய்யும் காட்சிகள் எதுவும் நம்பகத்தன்மையுடன் இல்லை.

• அடல்ட் கன்டென்ட் வார்னிங் (Adult Content Warning): 13+

• சிபிஎஸ் ஃபைனல் கமெண்ட் (CBS Final Comment): சுவாரஸ்யமான ஒன்-லைனைப் (One-line) பிடித்த இந்த டீம், திரைக்கதையில் கோட்டை விட்டுவிட்டது. பெட்டர் லக் நெக்ஸ்ட் டைம் (Better luck next time).

• ரேட்டிங்: 2 / 5

திரைக்கதையின் பலம் மற்றும் பலவீனங்களை முன்கூட்டியே அறிந்துகொள்வதன் மூலம், ஓடிடி ரிலீஸுக்காகக் காத்திருக்கலாமா அல்லது தியேட்டரில் பார்க்கலாமா என்ற தெளிவான வழிகாட்டுதலைப் பெற்று ஏமாற்றங்களைத் தவிர்க்கலாம்.