அடுத்தடுத்து கலக்கி வரும் தனுஷ்.. மாஸ் இயக்குனருடன் கூட்டணி..!

முன்னணி நடிகராக வலம் வரும் நடிகர் தனுஷ், பிரபல இயக்குனருடன் கூட்டணி சேரவுள்ளதாக தகவல் வெளியாகியுள்ளது.

வித்தியாசமான கதை களத்தை தேர்ந்தெடுக்கும் நடிகர் தனுஷ், சமீப காலமாக அடுத்தடுத்து பிஸியாக நடித்து வருகிறார். சமீபத்தில் இவரது நடிப்பில் வெளியான கேப்டன் மில்லர் நல்ல வரவேற்பை பெற்றது. இந்த படம் முடித்த கையுடன் அடுத்த படத்தின் ஷூட்டிங்கில் பிஸியாகினார். இவர் பிச்சைக்காரன் தோற்றத்தில் இருந்த புகைப்படம் இணையத்தில் வைரலானது.

இவரது ஷூட்டிங்கால் திருப்பதியீல் போக்குவரத்து ஸ்தம்பித்து பரபரப்பை ஏற்படுத்தியது. இந்த படத்தை தெலுங்கு இயக்குனர் சேகர் கம்முலா இயக்கி வருகிறார். இப்படத்தில் ராஷ்மிகா மந்தனா, நாகர்ஜுனா எனப் பல பிரபலங்கள் நடிக்கின்றனர்.

இந்த நிலையில் தற்போது ஹிட் படத்தை கொடுத்த இயக்குனருடன் தனுஷ் கைக்கோர்க்கவுள்ளதாக தகவல் வெளியாகியுள்ளது. சூர்யாவின் வாடிவாசல் தனுஷ் 51 என அடுத்தடுத்த மாஸ் படங்களில் நடிக்க கமிட்டாகியுள்ள தனுஷின் அடுத்த படம் குறித்த அறிவிப்பும் ரசிகர்களிடையே பெரும் வரவேற்பை பெற்றுள்ளது.

மணிகண்டன் நடிப்பில் கடந்த ஆண்டு வெளியான குட் நைட் திரைப்படம் மாபெரும் வெற்றி பெற்றது. கம்மி பட்ஜெட்டில் உருவான இப்படத்திற்கு ரசிகர்கள் அமோக வரவேற்பு கொடுத்து இருந்தனர். இந்நிலையில் தனுஷ் குட் நைட் படத்தை பார்த்துவிட்டு படத்தின் இயக்குனர் விநாயக் சந்திரசேகரனை போனில் அழைத்து பாராட்டியுள்ளதாகவும், அவருடன் சேர்ந்து பணியாற்ற விருப்பத்தையும் தெரிவித்துள்ளதாகவும் தகவல் வெளியாகியுள்ளது. இதற்கு பதிலளித்த இயக்குனர், தான் தற்போது கதை எழுதி கொண்டிருப்பதாகவும், அதற்கு நீங்கள் பொருந்தினால், உங்களுடன் இணைவேன் என கூறியுள்ளதாகவும் சொல்லப்படுகிறது. இதனால் தனுஷ் ரசிகர்கள் உற்சாகமடைந்துள்ளனர்.