!['Project K' படத்தின் இசையமைப்பாளர் யார் தெரியுமா?](http://media.assettype.com/kalkionline%2F2023-03%2F5918bd22-1924-4819-a109-bec078bbde49%2Fproject_k_pic.jpg?w=480&auto=format%2Ccompress&fit=max)
மிகப்பிரம்மாண்ட பொருட்செலவில் உருவாகும் படமான 'Project K' படத்திற்கு சந்தோஷ் நாராயணன் இசையமைக்க இருப்பதாக இப்படத்தின் தயாரிப்பாளர் தெரிவித்துள்ளார்.
தெலுங்கில் பிரபல முன்னணி நடிகர்களில் ஒருவரான பிரபாஸ், பாலிவுட் சூப்பர் ஸ்டார் அமிதாப் பச்சன் நடிப்பில் தெலுங்கு, இந்தி என இரு மொழிகளிலும், பிரம்மாண்டமாக உருவாகும் 'Project K' படத்தை நாக் அஸ்வின் எழுதி, இயக்கும் நிலையில், இப்படம் science fiction படமாக உருவாகிறது.
இவர்களுடன், தீபிகா படுகோனே, திஷா பதானி நடிக்க, டானி சான்செஸ்-லோபஸ் ஒளிப்பதிவு செய்ய, வைஜயந்தி மூவிஸ், அஸ்வானி தத் தயாரிக்கிறார். இப்படம் 500 கோடி பொருட்செலவில் மிகப்பிரம்மாண்டமாக உருவாகவிருக்கிறது.
இந்நிலையில், இப்படத்தின் தயாரிப்பாளர் சமீபத்திய பேட்டி ஒன்றில் இப்படத்திற்கான இசையமைப்பாளர் யார் என்பதை தெரிவித்துள்ளார்.
அதன்படி, சந்தோஷ் நாராயணன் இப்படத்திற்கு இசையமைக்க இருக்கிறார். சந்தோஷ் நாராயணன் தமிழில் பல படங்களுக்கு இசையமைத்திருந்தாலும், அதைத்தாண்டி இவரது இசையில் தெலுங்கில் 3 படம், மலையாளத்தில் 2 படம், இந்தியில் 1 படமும் வெளியாகியுள்ளது.
இதனைத் தொடர்ந்து, இவரது பின்னணி இசையில் இந்தி மற்றும் தெலுங்கில் உருவாகும் ‘Project K’ படம் 2024ம் ஆண்டு பொங்கல் சமயம் வெளிவர உள்ளது.
மேலும் இப்படத்தில், பாலிவுட்டைச் சேர்ந்த பெண் இசைக்கலைஞர் ஒருவரும் இணைய இருப்பதாகவும், அதற்கான அறிவிப்பு விரைவில் வெளியாகும் எனவும், இப்படத்தின் தயாரிப்பாளர் தனது பேட்டியில் தெரிவித்துள்ளார்.