Interview: "நிறத்தை விட திறமைதான் முக்கியம்" - சேஷ்விதா கனிமொழி ஓபன் டாக்!

மார்கன் படத்தில் வரும் 'நிறம்' என்ற விஷயத்தை நானும் சந்தித்து உள்ளதால் மார்கன் படத்தில் எனக்கு தரப்பட்ட கேரக்டரை உணர்ந்து நடித்தேன்.

சினிமாவில் ஜெயிக்க வேண்டுமென்றால் சிவந்த நிறமாக இருக்க வேண்டும், சிவந்த நிறமாக இல்லாத உன்னால் ஜெயிக்க முடியாது என்று சிலர் சொன்னார்கள். ஆனால் சினிமாவில் ஜெயிக்க நிறத்தை விட திறமைதான் முக்கியம் என்று தமிழ் ரசிகர்கள் எனக்கு அங்கீகாரம் தந்து புரியவைத்து விட்டார்கள்.

என் கேரக்டரையும், படத்தின் கதையையும் சொல்ல முடியாது. இது திரில்லர் கதை. ஒரு அன்பான அப்பாவுக்கு, அன்பு மகளாக நடிக்கிறேன். மதுசூதன ராவ் எனக்கு அப்பவாக நடிக்கிறார். ராவ் சாரின் நடிப்பில் என் அப்பாவை பார்க்கும் உணர்வு வந்தது. நான் சாரை அப்பா என்றுதான் கூப்பிடுவேன்.

உண்மைதான். நான் எனக்கு முக்கியத்துவம் தரும் கேரக்டர் கதையில் இருக்கிறதா என்று உறுதி படுத்தி கொண்டு தான் நடிக்க ஓகே சொல்கிறேன். இப்படி நடித்தால் தான் மக்கள் மனதில் நிற்க முடியும்.

சார் என் அப்பா, அம்மா இரண்டு பேருமே சேலம் தான். நான் பெங்களூரில் வளர்ந்த அக்மார்க் தமிழ் பொண்ணு.

இன்றைய தினத்தில் இளம் பெண்கள், தான் ஆசைப்படும் விஷயத்தை அடைய விடா முயற்சி எடுக்கறாங்க. இதற்கு பெற்றோர்களும் உறுதுணையாக இருக்காங்க. வேறென்ன வேண்டும் சாதித்து காட்ட வேண்டியது தான்.