வாயில இன்னொரு வாயா? - ஏலியன் பற்றித் தெரியாத திகிலூட்டும் உண்மைகள்!

ஹாலிவுட்ல எத்தனையோ ஏலியன் படங்கள் வந்திருக்கு. ஆனா, நம்மள உறைஞ்சு போக வைக்கிற அளவுக்கு பயமுறுத்துன ஒரு மிருகம்னா அது 'ஏலியன்' படத்துல வர்ற "ஜீனோமார்ப்" (Xenomorph) தான். பார்க்கவே கறுப்பு கலர்ல, வழுவழுன்னு, மண்டை நீளமா, பயங்கரமா இருக்கும். இது சும்மா காட்டுல சுத்துற மிருகம் கிடையாது; இது ஒரு "பர்ஃபெக்ட் ஆர்கானிசம்" (Perfect Organism). அதாவது, கொல்றதுக்காகவே டிசைன் பண்ணப்பட்ட ஒரு உயிர் ஆயுதம். 

இது இயற்கையா உருவானது இல்ல!

இந்த ஜீனோமார்ப் இனம் இயற்கையா உருவானது கிடையாது. 'இன்ஜினியர்ஸ்' (Engineers) அப்படின்னு சொல்லப்படுற ஒரு ஏலியன் இனம், கருப்பு நிறத்துல ஒரு திரவத்தை (Black Goo) கண்டுபிடிச்சாங்க. அது ஒரு பயோ-வெப்பன். ஆனா, அதை வச்சு பல சோதனைகள் செஞ்சு, இந்த ஜீனோமார்ப் வடிவத்தைக் கொண்டு வந்தது யாருன்னா, 'டேவிட்' (David) அப்டின்னு ஒரு ஆண்ட்ராய்டு ரோபோதான். மனுஷனையே மிஞ்சணும், ஒரு முழுமையான உயிரினத்தைப் படைக்கணும்ங்கிற வெறியில அந்த ரோபோ உருவாக்குனதுதான் இந்த அரக்கன்.

வாழ்க்கை முறை!

இவங்களோட வளர்ச்சி முறையே ரொம்ப அருவருப்பா, அதே சமயம் பயங்கரமா இருக்கும்.

1. முட்டை (Egg): இது பாக்க சாதாரண முட்டை மாதிரி இருக்காது. பக்கத்துல யாராவது வந்தா திறந்துக்கும்.

2. பேஸ்ஹக்கர் (Facehugger): முட்டைக்குள்ள இருந்து சிலந்தி மாதிரி ஒன்னு வரும். அது எதிரியோட முகத்துல அப்படியே இறுக்கிப் பிடிச்சு, வாய்க்குள்ள ஒரு கருவை செலுத்திடும்.

3. செஸ்ட்பர்ஸ்டர் (Chestburster): அந்த கரு வளர்ந்து, அந்த ஆளோட நெஞ்சைப் பிளந்துகிட்டு வெளிய வரும். இதுதான் இருக்கறதிலேயே கொடூரமான சீன்.

4. அடல்ட் (Adult): வெளிய வந்த அந்த குட்டி, ரொம்ப வேகமா வளர்ந்து, முழு ஜீனோமார்பா மாறிடும்.

இவனுங்ககிட்ட இருக்கிற பெரிய ஆயுதமே இவங்களோட ரத்தம்தான். உடம்புல அடிபட்டு ரத்தம் வந்தா, அது தரையையே ஓட்டை போடுற அளவுக்கு வீரியமான ஆசிட்டா இருக்கும். அதனால இவங்களை பக்கத்துல நின்னு சுடவே முடியாது. அடுத்தது, இவங்க வாய்க்குள்ள இன்னொரு சின்ன வாய் இருக்கும். எதிரியைப் பிடிச்சு, அந்த சின்ன வாயை நீட்டி மண்டையிலயே போடுவாங்க ஒரு போடு. அப்புறம் இவங்களோட வால், ஈட்டி மாதிரி கூர்மையா இருக்கும். இருட்டுல மறைஞ்சிருந்து தாக்குறதுல இவங்க கில்லாடி.

இவ்வளவு பவர்ஃபுல்லா இருந்தாலும், இவங்களையும் அழிக்க முடியும். இவங்களுக்கு நெருப்புன்னா பயம். ஃபிளேம் த்ரோயர் (Flamethrower) வச்சு எரிச்சா இவங்களைக் கட்டுப்படுத்தலாம். அதே மாதிரி, அதிரடி வெப்பநிலை மாற்றம் இவங்களோட ஸ்ட்ராங்கான தோலை உடைச்சிடும். அப்புறம், தலைதான் இவங்களோட வீக் பாயிண்ட். நல்ல ஹெவி கன் வச்சுத் தலையிலயே சுட்டா காலி பண்ணிடலாம்.

ஜீனோமார்ப்ங்கிறது இரக்கம், பயம், வலி எதுவுமே இல்லாத ஒரு கொலை இயந்திரம். இது கூட சண்டை போடுறது தற்கொலைக்குச் சமம். இவனுங்ககிட்ட மாட்டிக்கிறத விட, ஓடி ஒளியுறதுதான் புத்திசாலித்தனம். ஆனா ஒன்னு, இவனுங்க நம்ம ஸ்கிரீன்ல வர்ற வரைக்கும் ரசிக்கலாம், நேர்ல வந்தா... கதை கந்தல்தான்!