Netflix-ல் பட்டையைக் கிளப்பிய படங்கள்: நம்பர் 1 இடத்தை பிடித்தது எது தெரியுமா?

சினிமா உலகின் போக்குகள் மாறிக்கொண்டே இருக்கின்றன. ஒரு காலத்தில் திரையரங்க வசூலே ஒரு படத்தின் வெற்றியைத் தீர்மானித்தது. ஆனால், டிஜிட்டல் யுகத்தில், ஓடிடி தளங்களின் வளர்ச்சி, ஒரு திரைப்படத்தின் பார்வையாளர்களை அளவிடும் புதிய அளவுகோலை உருவாக்கியுள்ளது. 

வசூலை அள்ளிக் குவித்த படங்கள் அனைத்தும் அதிக பார்வையாளர்களைச் சென்றடைவதில்லை என்பதும், அதேபோல், அதிக பார்வையாளர்களைக் கவர்ந்த படங்கள் அனைத்தும் திரையரங்கில் பெரிய வசூலை ஈட்டுவதில்லை என்பதும் கவனிக்கத்தக்கது. ஒரு நல்ல கதைக்களம் கொண்ட படங்களே பார்வையாளர்களின் மனதில் நீங்கா இடம் பிடித்து, மீண்டும் மீண்டும் பார்க்கத் தூண்டுகின்றன என்பதில் சந்தேகமில்லை.

அந்த வகையில், உலகப் புகழ்பெற்ற ஓடிடி தளமான நெட்ஃபிக்ஸ்-இல், தமிழ் ரசிகர்கள் மத்தியில் பெரும் வரவேற்பைப் பெற்று, அதிக பார்வையாளர்களைக் கவர்ந்த 8 படங்களைப் பற்றி இந்தப் பார்க்கலாம். 

நெட்ஃபிக்ஸ்-இல் அதிகம் பார்க்கப்பட்ட டாப் 8 படங்கள்:

1. மகாராஜா: விஜய் சேதுபதி நடிப்பில் வெளியான 'மகாராஜா' திரைப்படம், நெட்ஃபிக்ஸ் தளத்தில் 27.1 மில்லியன் பார்வையாளர்களை ஈர்த்து முதலிடத்தைப் பிடித்துள்ளது. இது கதைக்கு மக்கள் தரும் முக்கியத்துவத்தை உணர்த்துகிறது.

2. லியோ: தளபதி விஜய் நடித்த 'லியோ' திரைப்படம், 22.1 மில்லியன் பார்வையாளர்களுடன் இரண்டாவது இடத்தைப் பிடித்துள்ளது. திரையரங்கில் பெரும் வசூலைக் குவித்த இந்தப் படம், ஓடிடியிலும் தன் ஆதிக்கத்தைச் செலுத்தியுள்ளது.

3. துணிவு: அஜித்குமார் நடிப்பில் வெளியான 'துணிவு' திரைப்படம், 16.4 மில்லியன் பார்வையாளர்களைப் பெற்று மூன்றாவது இடத்தைப் பிடித்துள்ளது.

4. அமரன்: சிவகார்த்திகேயனின் 'அமரன்' திரைப்படம், 13.6 மில்லியன் பார்வையாளர்களுடன் நான்காவது இடத்தைப் பிடித்து, ஓடிடியிலும் தனது வெற்றியைப் பதிவு செய்துள்ளது.

5. தி கோட்: விஜய்யின் 'தி கோட்' திரைப்படம், 12.2 மில்லியன் பார்வையாளர்களைப் பெற்று ஐந்தாவது இடத்தைக் கைப்பற்றியுள்ளது.

6. வாத்தி: தனுஷ் நடித்த 'வாத்தி' திரைப்படம், 11.8 மில்லியன் பார்வையாளர்களுடன் ஆறாவது இடத்தில் உள்ளது.

7. மெய்யழகன்: 'மெய்யழகன்' திரைப்படம், 10 மில்லியன் பார்வையாளர்களைப் பெற்று ஏழாவது இடத்தைத் தக்கவைத்துள்ளது.

8. இந்தியன் 2: ஷங்கர் இயக்கத்தில் கமல்ஹாசன் நடித்த 'இந்தியன் 2' திரைப்படம், 9.3 மில்லியன் பார்வையாளர்களுடன் எட்டாவது இடத்தில் உள்ளது.

திரைப்படங்களின் வசூலை மட்டுமே முதன்மையாகக் கருதிய நமக்கு, ஒரு நல்ல கதைக்களம் கொண்ட படங்களை மக்கள் விரும்பிப் பார்க்கிறார்கள் என்பதை இந்தப் பட்டியல் உணர்த்துகிறது. நல்ல கதை, காலம் கடந்தும் ரசிகர்களால் ரசிக்கப்படும் என்பதில் எந்தச் சந்தேகமும் இல்லை. இது தமிழ் சினிமாவுக்கு ஒரு ஆரோக்கியமான போக்கைக் காட்டுகிறது.