அன்னை இல்லத்திலிருந்து அடுத்த நடிகர்!

-லதானந்த்.

நடிகர் திலகம் சிவாஜி கணேசன் குடும்பத்திலிருந்து மற்றொரு கலையுலக வாரிசு உருவாகியுள்ளார்.  நடிப்புப் பல்கலைக்கழகமான சிவாஜியின் அன்னை இல்லத்திலிருந்து அவரது மகன் பிரபு, பேரன்கள் விக்ரம் பிரபு, துஷ்யந்த் போன்றவர்கள் நடித்து கொண்டிருக்கிறார்கள்.

இப்போது சிவாஜியின் மகன் ராம்குமாரின் இரண்டாவது மகனான தர்ஷன் கணேசன் சினிமாவில் நடிக்க வருகிறார்.  இவர் புனே திரைப்படக் கல்லூரியில்  முறையான நடிப்பு  பயிற்சி பெற்றவர்.

இந்தி உட்பட பல்வேறு மொழிகள் அறிந்தவர். மேலும் தன் தாத்தாவை போலவே பல்வேறு தெருகூத்து நாடகங்களை அரங்கேற்றி நடித்துள்ளார். 

தற்போது தமிழ் சினிமாவில் காலடி எடுத்து வைக்கிறார் தர்சன். அவர் நடிக்கும் படத்தை பற்றிய அறிவிப்பு விரைவில் வெளியாகும் என்கிறார்கள்.