மிரட்டலாக வெளியானது GOAT பட ட்ரைலர்... வைப் செய்யும் ரசிகர்கள்!

விஜய் ரசிகர்கள் ஆவலாக காத்து கொண்டிருக்கும் GOAT பட ட்ரைலர் வெளியாகி கவனம் பெற்றுள்ளது.

இயக்குநர் வெங்கட் பிரபு இயக்கத்தில் நடிகர் விஜய் நடித்து வரும் தளபதி 68 படத்திற்கு 'GOAT' என தலைப்பிடப்பட்டுள்ளது. வருடத்தின் தொடக்கத்தில் நியூ இயரை முன்னிட்டு ரசிகர்களுக்கு ட்ரீட்டாக ஃபர்ஸ்ட் லுக் மற்றும் செகண்ட் லுக் போஸ்டர் வெளியானது. இந்த போஸ்டர்கள் மூலம் விஜய் இரட்டை வேடத்தில் நடிப்பது உறுதியானது.

இந்த படத்தில், லைலா, மீனாட்சி சவுத்ரி, மைக் மோகன், பிரசாந்த், பிரபுதேவா, பிரேம்ஜி உள்ளிட்ட பலர் நடிப்பது தான் ஹைல்டைட். யுவன் சங்கர் ராஜா இசையில் உருவாகி வரும் இந்த படம் இந்த ஆண்டிற்குள் வெளிவரும் என எதிர்பார்க்கப்படுகிறது. இந்த இரட்டை விஜய்யின் ஒரு விஜய்க்கு ஜோடியாக நடிகை சினேகா நடித்துள்ளார். GOAT திரைப்படம் கோடை விடுமுறை நாட்களில் வெளியாகலாம் என்று எதிர்பார்க்கப்பட்டது. ஆனால் வருகிற செப்டம்பர் மாதம் 5ஆம் தேதி விநாயகர் சதுர்த்தி பண்டிகையையொட்டி திரைக்கு வர உள்ளது. அப்படத்தின் ரிலீஸ் நெருங்கி வருவதால் அதன் அப்டேட்டுகளும் ஒவ்வொன்றாக கசிந்த வண்ணம் உள்ளன.

விஜய் அரசியலுக்கு சென்று விட்டதால், விஜய் ரசிகர்கள் GOAT படத்தையும், அதற்கு அடுத்து வரும் படத்தையும் எதிர்பார்த்து காத்து கொண்டிருக்கின்றனர் ஏற்கனவே விஜய்யின் பிறந்தநாளன்று படத்தின் கிளிம்ப்ஸ் வீடியோ வெளியாகி கவனம் பெற்றது.

அதில் டபுள் கெட்டப்பில் விஜய் அசத்தலாக பைக்கில் வரும் காட்சிகள் இடம்பெற்றுள்ளது. தொடர்ந்து படத்தின் பாடல்கள் அடுத்தடுத்து வெளியாகியது. இந்த நிலையில் இன்று ஆகஸ்ட் 17ஆம் தேதி GOAT பட ட்ரைலர் வெளியாகவுள்ளதாக இயக்குனர் வெங்கட்பிரபு வெளியிட்டுள்ள போஸ்டர் இணையத்தில் வைரலானது. தொடர்ந்து தற்போது வெளியான ட்ரைலர் ரசிகர்களிடையே பெரும் வரவேற்பை பெற்றுள்ளது. விஜய்யின் சினிமா வாழ்க்கைக்கு எண்ட் கார்ட் வரபோவதால் இந்த படம் சிறப்பு கவனம் பெற்றுள்ளது என்றே சொல்லலாம்.

முன்னதாக இது டைம் டிராவல் கதை என்றெல்லாம் கூறப்பட்டு வந்த நிலையில், தற்போது அதன் கதை என்ன என்பது குறித்த தகவல் வெளியாகி இருக்கிறது. 2004ல் நடந்த ரஷ்யாவின் மாஸ்கோ நகர மெட்ரோவில் ஒரு தீவிரவாதி உடம்பில் வெடிகுண்டை கட்டிக்கொண்டு வந்து நடத்திய தற்கொலை தாக்குதலில் 41 பேர் உயிரிழந்தனர். இந்த தீவிரவாத தாக்குதல் நடத்தியவர்களை பிடிப்பது தான் விஜய்யின் GOAT பட கதை என தகவல்கள் தெரிவிக்கின்றன என்பது குறிப்பிடத்தக்கது.