பார்லி ரகசியம்: உங்கள் சருமத்தை ஜொலிக்க வைக்கும் இயற்கை வழிகள்!

பார்லி (Barley) உடல் ஆரோக்கியத்திற்கு மட்டுமல்ல, நமது சரும அழகைக் கூட்டுவதிலும் ஒரு சூப்பர் மூலப்பொருள் (Superfood) ஆகும். இதில் உள்ள வைட்டமின்கள், தாதுக்கள் (Zinc, Selenium) மற்றும் ஆன்டி-ஆக்ஸிடன்ட்டுகள் சருமத்தைச் சுருக்கங்கள் இல்லாமல் இளமையாகவும் பொலிவாகவும் வைத்திருக்க உதவுகின்றன.

சருமப் பொலிவை மீட்டெடுக்கும் பார்லி அழகு குறிப்புகள்

சருமப் பொலிவிற்கான 'பார்லி-பால்' ஃபேஸ் பேக்:பார்லியை மிக்ஸியில் அரைத்த பொடி இரண்டு ஸ்பூன் எடுத்துக்கொண்டு, அதனுடன் காய்ச்சாத குளிர்ந்த பால் சேர்த்து பேஸ்ட் போலக் கலந்துகொள்ளவும். இதை முகம் மற்றும் கழுத்துப்பகுதியில் தடவி 15 முதல் 20 நிமிடங்கள் ஊறவைத்து, குளிர்ந்த நீரால் மென்மையாக மசாஜ் செய்து கழுவவேண்டும்.

இப்படி கழுவும்பொழுது பாலில் உள்ள லாக்டிக் அமிலமும், பார்லியில் உள்ள சத்துக்களும் இணைந்து முகத்தில் உள்ள கரும்புள்ளிகளை நீக்கி, உடனடி பிரகாசத்தைத் (Instant Glow) தரும்.

1. கஸ்தூரி மஞ்சள் மற்றும் பார்லி (முகப்பரு நீங்க):

ஒரு ஸ்பூன் பார்லி மாவுடன், அரை ஸ்பூன் கஸ்தூரி மஞ்சள் மற்றும் சில துளிகள் எலுமிச்சைச் சாறு அல்லது தயிர் சேர்த்துத் தடிமனான பேஸ்ட்டாக மாற்றவும். முகப்பருக்கள் உள்ள இடத்தில் இதைத் தடவி வரவேண்டும். இதனால் பார்லியில் உள்ள அசெலிக் அமிலம் (Azelaic acid) முகப்பருக்களைக் கட்டுப்படுத்துவதுடன், மீண்டும் பருக்கள் வராமல் தடுக்கிறது.

2. முதுமையைத் தடுக்கும் 'பார்லி-தேன்' மாஸ்க் (Anti-Aging):

வயதான தோற்றம் அல்லது முகச்சுருக்கங்கள் வரத் தொடங்குவதைத் தடுக்க பார்லி ஒரு சிறந்த மருந்து. இரண்டு ஸ்பூன் பார்லி மாவுடன் ஒரு ஸ்பூன் சுத்தமான தேன் மற்றும் சிறிதளவு ரோஸ் வாட்டர் சேர்த்து கலக்கவும். வாரம் இருமுறை இந்த மாஸ்க்கை முகத்தில் போட்டு வந்தால் சருமத்தின் நெகிழ்வுத்தன்மை (Elasticity) அதிகரிக்கும். பார்லியில் உள்ள 'செலினியம்' (Selenium) என்ற தாதுப் பொருள் சருமத்தின் சுருக்கங்களை நீக்கி, இளமையான தோற்றத்தைத் தக்கவைக்கும்.

3. இறந்த செல்களை நீக்கும் 'பார்லி ஸ்க்ரப்' (Exfoliation):

பார்லியை மிக்ஸியில் நைசாக அரைக்காமல், சற்றே கொரகொரப்பாக (ரவை பதத்திற்கு) அரைத்துக் கொள்ளவும். இதனுடன் சிறிதளவு ஆலிவ் ஆயில் அல்லது தேங்காய் எண்ணெய் சேர்த்து முகத்தில் வட்ட வடிவில் (Circular motion) மென்மையாகத் தேய்க்க வேண்டும். இது சருமத்தில் உள்ள இறந்த செல்களை (Dead cells) மற்றும் மூக்கின் மேல் உள்ள கரும்புள்ளிகளை (Blackheads) எளிதாக நீக்கி, சருமத்தை மிருதுவாக்கும்.

4. எண்ணெய் பசையைக் குறைக்கும் 'பார்லி டோனர்':

பார்லி அரிசியைத் தண்ணீரில் போட்டு நன்றாக வேகவைக்கவும். வெந்ததும் அந்தப் பார்லி கஞ்சியை வடிக்காமல், தண்ணீரை மட்டும் தனியாக வடிகட்டி ஆறவைக்கவும். இந்தத் தண்ணீரை ஒரு காட்டனில் நனைத்து முகம் முழுவதும் துடைத்து வரலாம். இது முகத்தில் உள்ள அதிகப்படியான எண்ணெய் பசையை (Oily skin) கட்டுப்படுத்தி, முகத் துவாரங்களைச் (Pores) சுருக்க உதவும்.

5. உலர் சருமத்திற்கான பார்லி பயன்பாடு (Dry Skin):

உலர் சருமம் உள்ளவர்களுக்குச் சருமம் வறண்டு, செதில் செதிலாகவோ அல்லது அரிப்புடனோ காணப்படும். இவர்களுக்குச் சருமத்தில் ஈரப்பதத்தை (Moisture) தக்கவைப்பதே முக்கிய நோக்கம். அதற்கு நாம் செய்ய வேண்டியது:

பார்லி - தயிர் - தேன் பேக் (மாய்ஸ்சரைசிங் பேக்) தேவையானவை: பார்லி மாவு - 2 ஸ்பூன், கெட்டித் தயிர் - 1 ஸ்பூன், சுத்தமான தேன் - 1 ஸ்பூன்.இம்மூன்றையும் நன்றாகக் கலந்து முகத்தில் தடவி 20 நிமிடங்கள் அப்படியே விட்டுவிடவும்.

பின்னர் குளிர்ந்த நீரால் முகத்தைக் கழுவவேண்டும் அப்படிச் செய்யும் பொழுது தயிரில் உள்ள கொழுப்புச் சத்தும், தேனின் ஈரப்பதமூட்டும் குணமும் பார்லியோடு இணையும் போது சருமத்தின் வறட்சியை நீக்கி, முகத்தை எப்போதும் மிருதுவாகவும் (Supple) பளபளப்பாகவும் வைத்திருக்கும்.

6. பார்லி - ஆலிவ் ஆயில் ஸ்க்ரப் (மிருதுவான சருமத்திற்கு):

கொரகொரப்பாக அரைத்த பார்லி பொடி - 1 ஸ்பூன், ஆலிவ் ஆயில் (அல்லது பாதாம் எண்ணெய்) - 1 ஸ்பூன் எடுத்துக்கொண்டு இதைக் கலந்து முகத்தில் 2 நிமிடங்கள் மென்மையாக மசாஜ் செய்து, வெதுவெதுப்பான நீரால் கழுவவும்.

உலர் சருமத்தில் உள்ள இறந்த செல்களை, தோலை மேலும் வறட்சியடையச் செய்யாமல் மென்மையாக நீக்க இந்த எண்ணெய் கலந்த ஸ்க்ரப் உதவும். வாரம் ஒருமுறை மட்டும் இந்த பேக்கைப் பயன்படுத்தினால் போதும்.

7. எண்ணெய் பசை சருமத்திற்கான பார்லி பயன்பாடு (Oily Skin):

எண்ணெய் பசை சருமம் உள்ளவர்களுக்குச் சீபம் (Sebum) சுரப்பு அதிகமாக இருக்கும். இதனால் முகம் எப்போதும் பிசுபிசுப்புடன், முகப்பருக்கள் மற்றும் கரும்புள்ளிகளோடு காணப்படும். இதற்கான தீர்வு.

பார்லி - எலுமிச்சை - ரோஸ் வாட்டர் பேக் (எண்ணெய் பசையைக் குறைக்க) தேவையானவை: பார்லி மாவு - 2 ஸ்பூன், எலுமிச்சைச் சாறு - 1/2 டீஸ்பூன், ரோஸ் வாட்டர் - தேவையான அளவு எடுத்து இவற்றை ஒரு பேஸ்ட் போலக் கலந்து முகத்தில் தடவவும். 15 நிமிடங்கள் கழித்து முகம் நன்றாகக் காய்ந்ததும், குளிர்ந்த நீரால் கழுவ வேண்டும்.

எலுமிச்சைச் சாறு இயற்கையான அஸ்ட்ரிஜென்ட் (Astringent) போலச் செயல்பட்டு அதிகப்படியான எண்ணெய் சுரப்பைக் கட்டுப்படுத்தும். பார்லி மாவு துவாரங்களில் உள்ள அழுக்குகளை உறிஞ்சி எடுத்து முகத்திற்குப் பொலிவைத் தரும். எண்ணெய் பசை சருமம் உடையவர்கள் வாரத்திற்கு இரண்டு அல்லது மூன்று முறை இந்த பேக்குகளைப் பயன்படுத்தலாம்.

இதுபோல் அவரவர் சருமத்திற்கு தேவையான அழகு குறிப்புகளை தேர்ந்தெடுத்து பயன்படுத்தி இயற்கை அழகை மேலும் மெருகூட்டி ஜொலிக்கலாம். குறிப்பாக, பார்லி மாவை வீட்டிலேயே தயாரிப்பது மிகவும் நல்லது. கடைகளில் வாங்கும் பார்லி அரிசியை லேசாக வறுத்து, மிக்ஸியில் அரைத்து சலித்து ஒரு டப்பாவில் சேமித்து வைத்துக் கொள்ளலாம்.

உங்களுக்கு உலர் சருமமா (Dry skin) அல்லது எண்ணெய் பசை சருமமா (Oily skin)? மிருதுவான சருமமா? என்று கண்டறிந்த அதற்கேற்ப இந்த பேக்குகளை நீங்கள் தேர்வு செய்து பயன்படுத்தலாம்!

இந்த முறைகளைப் பின்பற்றுவதன் மூலம், இரசாயனங்கள் இல்லாத இயற்கை பராமரிப்புடன், உங்கள் சருமத்தின் ஈரப்பதம் பாதுகாக்கப்பட்டு, பொலிவான, சுருக்கமற்ற மற்றும் இளமையான தோற்றத்தை நீங்கள் எளிதாகப் பெற முடியும்.