தலைமுடிக்கு அடிக்கடி கலர் பண்றீங்களா? இந்த ஆபத்துகளைத் தெரிஞ்சுக்கங்க!

இப்போதைய ஃபேஷன் உலகத்துல தலைமுடிக்கு கலர் பண்றது ரொம்பவே சகஜமா ஆகிடுச்சு. கிரே ஹேரை மறைக்க, ஒரு புது லுக் கொடுக்க, இல்ல ட்ரெண்ட ஃபாலோ பண்ணனு ஒரு மாசத்துக்கு ஒரு தடவை கலர் பண்றாங்க. ஒரு சிலருக்கு இது பழக்கமாவே மாறிடும். ஆனா, இந்த ஹேர் கலரிங் செய்யுற கெமிக்கல்ஸ் உங்க முடிக்கு மட்டும் இல்லை, உங்க உடம்புக்குமே ரொம்ப ஆபத்தானது. அடிக்கடி ஹேர் கலரிங் செய்யுறதுனால என்னென்ன பக்கவிளைவுகள் வரும்னு இங்க பார்ப்போம்.

1. ஹேர் கலரிங் செய்யும்போது முடிக்குள்ள இருக்கிற மெலனின் நிறமிகளை மாத்துறதுக்காக அமோனியா மற்றும் பெராக்சைடு போன்ற கடுமையான கெமிக்கல்ஸ் பயன்படுத்துறாங்க. இது உங்க முடியோட வேர் பகுதியை பலவீனமாக்கி, முடி உடையறதுக்கும், அதிகமா கொட்டுறதுக்கும் வழிவகுக்கும். ஒரு கட்டத்துல முடி ரொம்ப மெலிசா மாறி, வழுக்கையும் வர வாய்ப்பு இருக்கு.

2. ஹேர் டைல PPD-னு ஒரு கெமிக்கல் இருக்கும். இந்த கெமிக்கல் சிலருக்கு ஒவ்வாமையை ஏற்படுத்தும். இதனால தலையில அரிப்பு, எரிச்சல், தடிப்புகள், அப்புறம் வீக்கம் கூட வரலாம். சில சமயம் தலை, முகம், கழுத்துல கூட இந்த அலர்ஜி பரவும்.

3. அடிக்கடி ஹேர் கலர் போடுறதுனால, முடியில இருக்கிற இயற்கையான ஈரப்பதம் எல்லாம் போயிடும். முடி ரொம்ப வறண்டு, மென்மையா இல்லாம, ஒரு மாதிரி சொரசொரப்பா ஆகிடும். இதனால முடியோட நுனிப் பகுதி பிளவுபட்டு சீக்கிரமா முடி உடைஞ்சிடும்.

4. ஹேர் டைல இருக்கிற கடுமையான வாடை, சுவாசிக்கும்போது உள்ள போனா, சிலருக்கு ஆஸ்துமா போன்ற சுவாச பிரச்சனைகள் வரலாம். குறிப்பா, அலர்ஜி உள்ளவங்களுக்கு மூச்சுத்திணறல் ஏற்படவும் வாய்ப்பு இருக்கு.

5. சில ஆய்வுகள், ஹேர் டைல இருக்கிற சில கெமிக்கல்ஸ், நீண்ட காலத்துல புற்றுநோயை ஏற்படுத்த வாய்ப்பு இருக்குன்னு சொல்லுது. குறிப்பா, மார்பகப் புற்றுநோய், கருப்பை புற்றுநோய் வர வாய்ப்பு இருக்கிறதா சில ஆய்வுகள் சொல்லுது. இன்னும் இதுக்கு உறுதியான ஆதாரம் இல்ல. ஆனா, முன்னெச்சரிக்கையா இருக்கிறது நல்லது.

6. அடிக்கடி ஹேர் கலர் செய்யும்போது, ஒரு கட்டத்துக்கு மேல முடியோட இயற்கை நிறம் மொத்தமா போயிடும். இதனால முடிக்குள்ள ஒரு நிறமும் இல்லாம, ரொம்ப பலவீனமா மாறிடும். அப்புறம், எந்த கலர் பண்ணாலும் அது நிக்காது.

தலைமுடிக்கு கலர் பண்ணனும்னு ஆசை இருந்தா, ரொம்ப அடிக்கடி செய்யாதீங்க. இயற்கை கலரிங் பொருட்கள், மருதாணி, இல்லனா ஹென்னா மாதிரியான பொருட்களை பயன்படுத்தலாம். உங்க முடியையும், உடம்பையும் பாதுகாப்பா வச்சுக்கறது ரொம்ப முக்கியம்.