Eye shadow palette: உடைந்து சிதறிய ஐ-ஷேடோ... நோ டென்ஷன்! கிரீம் பிளஷ் ரெடி!

பலருக்கும் கவலை தரும் விஷயம் என்னவென்றால், ஆசை ஆசையாக வாங்கும் ஐ -ஷேடோ பேலட் கீழே விழுந்து வீணாகும்போது, ஒன்றும் செய்யமுடியாமல் போவதுதான். ஆனால், இனி அதுகுறித்து கவலை வேண்டாம். அதை எப்படி மீண்டும் பயன்படுத்தலாம் என்று பார்ப்போமா?

கீழே விழுந்து உடைந்து சிதறிய ஐ-ஷேடோ தூளை, நம்மிடம் இருக்கும் சில எளிய பொருட்களைக் கொண்டு, விலையுயர்ந்த கடைகளில் விற்கப்படும் கிரீம் பிளஷ் (Cream Blush) ஆக மாற்றும் ஒரு சூப்பர் ரகசியத்தை பார்க்கலாமா?

கிரீம் பிளஷ் தயாரிக்கும் முறை:

இந்த முறையில் நமக்குத் தேவைப்படும் முக்கியப் பொருட்கள்: ஒரு சாதாரண வாஸ்லின் பெட்ரோலியம் ஜெல்லி மற்றும் உடைந்த ஐ-ஷேடோ தூள்.

முதலில், உடைந்த ஐ-ஷேடோ தூளை ( நீங்கள் விரும்பும் நிறம்) கவனமாக ஒரு சிறிய கிண்ணத்தில் அல்லது சுத்தமான தட்டு போன்ற ஒன்றில் வைக்கவும். உங்கள் முகம் மற்றும் கன்னங்களுக்குப் பொருத்தமான பிங்க் அல்லது பழுப்பு நிறத் தூளைத் தேர்ந்தெடுத்துக்கொள்ளலாம்.

நீங்கள் சேகரித்த ஐ-ஷேடோ தூளின் அளவிற்கு ஏற்றவாறு, சிறிதளவு வாஸ்லினை எடுத்துக் கொள்ளவும். பொதுவாக, 1 பங்கு ஐ-ஷேடோ தூளுக்கு, 2 அல்லது 3 பங்கு வாஸ்லின் என்ற விகிதத்தில் எடுத்துக்கொள்ளலாம்.

அந்த தூளையும், வாஸ்லினையும் ஒரு சிறிய ஸ்பூன் அல்லது பட்ஸ் பயன்படுத்தி நன்றாகக் கலக்கவும். எந்தக் கட்டிகளும் இல்லாதவாறு, மென்மையான கிரீம் பதத்திற்குக் கலப்பது அவசியம். இந்தக் கலவையை நன்றாக அழுத்தி கலக்கும்போது, ஐ-ஷேடோவின் நிறம் வாஸ்லினில் சமமாகப் பரவி, கிரீம் கலவையாக மாறும்.

இப்போது நீங்கள் தயாரித்த கிரீம் பிளஷை, காலி செய்யப்பட்ட லிப் பாம் டப்பாவில் பத்திரமாகச் சேமித்து வைக்கலாம்.

அடுத்த க்ளுவை கண்டுபிடிக்க கீழே உள்ள பட்டனை கிளிக் செய்யவும்.

நன்மைகள்:

வாஸ்லின் ஒரு சிறந்த மாய்ஸ்சரைசர் (Moisturizer). இது சருமத்தை மென்மையாகவும், ஈரப்பதத்துடனும் வைத்திருக்க உதவுகிறது. மேலும், இது மேக்கப் நிறத்தை நீண்ட நேரம் அழியாமல் வைத்துக்கொள்ளும் தன்மைக் கொண்டது.

நீங்கள் தயாரித்த இந்தக் கிரீம் பிளஷ், கன்னங்களில் பயன்படுத்தும்போது, விலையுயர்ந்த கடைகளில் வாங்கும் பிளஷ் போன்றே, இயல்பான பளபளப்பையும், இயற்கையான நிறத்தையும் நீண்ட நேரம் அளிக்கும். குறைந்த செலவில், உடைந்த பொருளை வீணாக்காமல், தரமான அழகு சாதனப் பொருளை நீங்களே இனி தயாரிக்கலாம்.

வாஸ்லின் மற்றும் ஐ-ஷேடோ தூள் இரண்டுமே பொதுவாக நீண்ட ஆயுள் கொண்டிருப்பதால், இந்தக் கலவையும் பல மாதங்கள் வரை கெடாமல் இருக்கும்.