மல்லிகைப் பூ இனி வாசனைக்கு மட்டுமல்ல; உங்கள் அழகைக் கூட்டவும்தான்!

மல்லிகைப் பூ அதன் நறுமணத்திற்காக மட்டுமல்லாமல், சருமம் மற்றும் கூந்தல் பராமரிப்பிலும் முக்கியப் பங்கு வகிக்கிறது. மல்லிகைப் பூவைக்கொண்டு செய்யக்கூடிய ஏழு எளிமையான அழகு குறிப்புகள் இதோ:

சருமத்தைப் புதுப்பிக்க (Skin Hydration): மல்லிகைப் பூக்களைத் தண்ணீரில் போட்டு கொதிக்கவைத்து, அந்த நீரை ஆறவிட்டு முகத்தில் தெளித்து வரலாம். இது ஒரு சிறந்த நேச்சுரல் டோனராக (Natural Toner) செயல்படும். இது சருமத்தின் ஈரப்பதத்தைத் தக்கவைத்து, பொலிவைத் தரும்.

மென்மையான சருமத்திற்கு (Body Lotion):

சிறிது மல்லிகைப் பூக்களைத் தேங்காய் எண்ணெய் அல்லது ஆலிவ் எண்ணெயுடன் கலந்து சில நாட்கள் வெயிலில் வைக்கவும். இந்த நறுமண எண்ணெயைக் குளிப்பதற்கு முன் உடலில் தேய்த்து வந்தால், சருமம் மென்மையாகவும், நறுமணத்துடனும் இருக்கும்.

முகப்பருத் தழும்புகள் நீங்க:

மல்லிகைப் பூ இதழ்களை மை போல அரைத்து, அதனுடன் சில துளிகள் எலுமிச்சைச் சாறு கலந்து முகத்தில் தடவவும். 15 நிமிடங்கள் கழித்து முகத்தைக் கழுவினால், நாளடைவில் முகப்பருக்களால் ஏற்பட்ட தழும்புகள் மறையும்.

கருவளையங்கள் குறைய (Dark Circles):

மல்லிகைப் பூக்களைப் பசும்பாலில் ஊறவைத்து அரைத்து, கண்களைச் சுற்றிப் பற்றுப் போடவும். இது கண்களுக்குக் குளிர்ச்சியைத் தருவதோடு, கண்களைச் சுற்றியுள்ள கருமையைக் குறைக்க உதவும்.

கூந்தல் ஆரோக்கியத்திற்கு (Scalp Health):

மல்லிகைப் பூக்களைத் தண்ணீரில் ஊறவைத்து, அந்த நீரைக் கொண்டு தலைமுடியை அலசலாம். இது தலையில் உள்ள பொடுகைக் குறைப்பதோடு, கூந்தலுக்கு இயற்கையான நறுமணத்தையும் மென்மையையும் தரும்.

மன அழுத்தம் குறைய (Aromatherapy):

முகத்தில் மல்லிகைப் பூ சாறு கொண்டு மசாஜ் செய்வது, நரம்புகளைத் தளர்த்தி மன அழுத்தத்தைக் குறைக்கும். மனநிம்மதி அடைந்தாலே அதன் பிரதிபலிப்பு முகத்தில் அழகாகத் தெரியும்.

வயதான தோற்றத்தைத் தடுக்க (Anti-Aging):

மல்லிகைப் பூ இதழ்களுடன் தயிர் சேர்த்து அரைத்து முகத்தில் மாஸ்க் போலப் போடவும். இதில் உள்ள ஆன்டி-ஆக்ஸிடன்ட்கள் சருமத்தில் சுருக்கங்கள் ஏற்படுவதைத் தடுத்து, இளமையான தோற்றத்தைத் தக்கவைக்க உதவும்.

கவனத்திற்கு:

சருமப் பரிசோதனை: எந்தவொரு குறிப்பையும் முயற்சிக்கும் முன், உங்கள் சருமத்தில் ஒரு சிறிய பகுதியில் தடவிப் பார்த்து (Patch test), அலர்ஜி ஏதும் இல்லை என்பதை உறுதிசெய்து கொள்ளவும்.

தூய்மை: பூக்களைப் பயன்படுத்துவதற்கு முன் அவற்றை நன்றாகக் கழுவிச் சுத்தம் செய்வது அவசியம். மல்லிகைப் பூவின் மணம் மனதிற்கு எவ்வளவு இதமோ, அதே அளவு அதன் மருத்துவ குணங்கள் உங்கள் அழகைக் கூட்டவும் உதவும்.

இதில் எந்தக் குறிப்பை நீங்கள் முதலில் முயற்சி செய்து பார்த்தாலும், அதில் கிடைக்கும் அழகு அடுத்தடுத்த குறிப்புகளை தொடர்ந்து செய்யத்தூண்டும்.