இந்த இலைகளில் இவ்வளவு விஷயம் இருக்கா? 

லெமன் பால்ம் இலைகள் (கற்பூரவல்லி) தோல் பராமரிப்புக்கு மிகச் சிறப்பாக வேலை செய்யக் கூடியது. ஆனால், இது குறித்து பெரும்பாலான நபர்களுக்குத் தெரிவதில்லை. இந்தப் பதிவில், லெமன் பால்ம் இலைகளின் முக்கிய தோல் பராமரிப்பு நன்மைகள் மற்றும் அவை எவ்வாறு உங்கள் தோல் பிரச்சினைகளுக்கு தீர்வாக இருக்கும் என்பதைப் பார்க்கலாம்.

லெமன் பால்ம் இலைகளில் வைட்டமின் சி, வைட்டமின் ஏ, மற்றும் பல்வேறு வகையான ஆக்ஸிஜனேற்றிகள் நிறைந்துள்ளன. இந்த ஊட்டச்சத்துக்கள் தோல் செல்களை சேதப்படுத்தும் ஃப்ரீ ரேடிக்கல்களை எதிர்த்துப் போராடவும், கொலாஜன் உற்பத்தியை அதிகரிக்கவும் உதவுகின்றன. 

லெமன் பால்ம் இலைகளின் தோல் பராமரிப்பு நன்மைகள்:

1. லெமன் பால்ம் இலைகளில் உள்ள ஆக்ஸிஜனேற்றிகள் தீங்கு விளைவிக்கும் ஃப்ரீ ரேடிக்கல்களை எதிர்த்துப் போராடுவதன் மூலம் வயதாகும் செயல்முறையை மெதுவாக்குகிறது. இது முகப்பருக்கள் மற்றும் சுருக்கங்களை குறைக்கவும், தோல் நிறத்தை மேம்படுத்தவும் உதவுகிறது.

2. இந்த இலைகளில் உள்ள வைட்டமின் சி கொலாஜன் உற்பத்தியை அதிகரித்து, தோலை இறுக்கமாகவும், பொலிவாகவும் மாற்றுகிறது. மேலும், இது இறந்த தோல் செல்களை நீக்கி, புதிய செல்கள் வளர்ச்சியை ஊக்குவிக்கிறது.

3. தோலில் உள்ள அதிகப்படியான எண்ணெயை கட்டுப்படுத்தி, பாக்டீரியா வளர்ச்சியை தடுக்கிறது. இதனால் முகப்பரு மற்றும் பிளாக்ஹெட்ஸ் போன்ற பிரச்சினைகள் குறைக்கிறது.

4. லெமன் பால்ம் இலைகளில் உள்ள பாலிபீனால்கள் மற்றும் வைட்டமின் ஏ ஆகியவை தோல் அழற்சியின் அறிகுறிகளைப் போக்க உதவுகின்றன. இது தோல் சிவந்து போதல், வீக்கம், அரிப்பு ஆகியவற்றைக் குறைக்கிறது.

5. இது ஒரு சிறந்த ஆன்டிசெப்டிக் மற்றும் குணப்படுத்தும் பண்புகளை கொண்டுள்ளது. இது காயங்கள் மற்றும் தீக்காயங்களை விரைவாக குணப்படுத்த உதவுகிறது.

6. பாக்டீரியா எதிர்ப்பு பண்புகளை கொண்ட லெமன் பால்ம் இலைகள், பாக்டீரியா தொற்றுகளைத் தடுத்து, தோல் நோய்த்தொற்றை விரைவில் குணப்படுத்த உதவுகிறது.

எவ்வாறு பயன்படுத்துவது?

லெமன் பால்ம் இலைகளின் சாறு அல்லது கஷாயத்தை முகப்பரு உள்ள பகுதிகளில் தடவவும். அல்லது இந்த இலைகளின் கஷாயத்தை கொண்டு பாதிக்கப்பட்ட பகுதியை சுத்தம் செய்யவும். லெமன் பால்ம் இலைகளை அரைத்து, தேன் அல்லது தயிர் சேர்த்து முகப்பூச்சாக பயன்படுத்தலாம். இதன் சாறு இயற்கையான டோனராக செயல்படுகிறது. இதை முகத்தில் தடவி, சிறிது நேரம் கழித்து கழுவவும். இவ்வாறு, லெமன் பால்ம் இலைகள் தோல் பராமரிப்பில் பல நன்மைகளை வழங்குகிறது. இது தர்மத்திற்கு இயற்கையான தீர்வாகும்.