பியூட்டி பிளெண்டர் ஆபத்தானதா? இந்த ரகசியங்களை தெரிஞ்சுக்கோங்க!

தற்போது அழகுக்கலை என்பது பெண்களிடத்தில் முக்கியமான இடம் பிடித்திருக்கிறது. அழகு நிலையங்களுக்கு செல்லும் பெண்கள் தவிர வீட்டிலேயே அழகு சாதனங்களை வைத்து தங்களை அழகுபடுத்திக் கொள்வதிலும் பெரும்பாலான பெண்கள் நாட்டம் கொள்கின்றனர்.

ஆனால் அழகு செய்வதற்கு பயன்படும் உபகரணங்களை அதன் பயன்பாடு முடிந்துவிட்டதும் சுத்தம் செய்து வைப்பது என்பது மிக முக்கியமானது. இல்லையெனில் அதில் படியும் வைரஸ் கிருமிகள் அழகுக்கு பதில் ஆபத்தே தரும் என்பதையும் பெண்கள் புரிந்து கொள்ள வேண்டும்.

ஃபவுண்டேஷன் மற்றும் கன்சீலர் போன்ற திரவ மற்றும் கிரீம் பொருட்களுடன் பயன்படுத்தப்படும். பியூட்டி பிளெண்டரை (beauty blender) ஒவ்வொரு பயன்பாட்டிற்கும் பிறகு ஈரமான துணியால் துடைப்பதன் மூலம் சுத்தம் செய்வது பொதுவானது. அது மட்டும் போதுமா? நிச்சயம் இல்லை. அனைத்து அழகு சாதன தயாரிப்புகளைப் போலவே, இந்த அழகு ஸ்பாஞ்சும் 100% தீங்கற்றது எனினும் வீட்டிலேயே பிளெண்டர் எனப்படும் ஸ்பான்ஞ்சை எப்படி சுத்தம் செய்யலாம் என்பதற்கான சில வழிமுறைகள் இங்கு...

படிப்படியான வழிகாட்டி இதோ:

படிந்துள்ள அதிகப்படியான மேக்கப்பை அகற்ற பிளெண்டரை சூடான ஓடும் நீரின் கீழ் முதலில் கழுவுவதன் மூலம் சுத்தம் செய்யத் தொடங்கவும். மென்மையான சோப்பு அல்லது பிரத்யேக கிளென்சரைப் பயன்படுத்தவும். சோப்பை பிளெண்டரில் மெதுவாக மசாஜ் செய்வதுபோல நுரையில் தேய்க்கவும். அதை வாஷ்பேசின் தண்ணீரின் கீழ் வைத்து மெதுவாக அனைத்து பகுதிகளிலும் அழுத்தம் தந்து அழுக்குகள் மற்றும் சோப்பு நுரைகள் முழுமையாக நீங்கி தண்ணீர் தெளிவாக ஓடும் வரை துவைக்கவும்.

நீர் மிதமான சூட்டில் இருந்தால் இன்னும் சிறப்பு. பிளெண்டரை அதிக அழுத்தத்தில் பிழிந்து எடுக்காமல் அதிகப்படியான தண்ணீரை மெதுவாக பிழிந்து எடுக்கவும். இப்போது பளிச்சென்று ஆகிவிட்ட பிளெண்டரை மீண்டும் பயன்படுத்துவதற்கு ஏற்ற வகையில் முழுமையாக காற்றில் உலர வைக்கவும்.

அடுத்த முறையில் கடற்பாசியில் கிளென்சரை மெதுவாக மசாஜ் செய்து, கறைபடிந்த பகுதிகளில் விரல்கள் கொண்டு தடவவும். இதற்கு ஒரு சுத்திகரிப்பு மிட் அல்லது ஒப்பனை கடற்பாசிகளுக்காக வடிவமைக்கப்பட்ட ஸ்க்ரப்பிங் பொருளை பயன்படுத்தலாம்.

அகற்ற சற்று கடினமான கறைகளுக்கு, ஒரு சிறிய அளவு சோப்பை தண்ணீரில் கலந்து பேஸ்ட்டாக உருவாக்கி அதை கறைபடிந்த இடத்தில் தடவி சில நிமிடங்கள் அப்படியே வைத்து பின் கழுவலாம். பிளெண்டர் மூழ்குமளவு தண்ணீர் மற்றும் வெள்ளை வினிகர் கலவையில் சுமார் 30 நிமிடங்கள் ஊறவைத்து பின்னர் துவைத்து காற்றில் உலரவைக்கலாம். சிலர் பிளெண்டரை ஈரப்படுத்தி, சோப்பைப் பயன்படுத்தி, 20-30 வினாடிகள் மைக்ரோவேவ் செய்வதன் மூலம் சுத்தம் செய்கின்றனர். இருப்பினும், இந்த முறையில் கவனமாக இருக்க வேண்டும். ஏனெனில் இது முறையாக இல்லை எனில் பொருளை சேதப்படுத்தும் வாய்ப்பு உண்டு.

பாக்டீரியாக்கள் குவிவதைத் தடுக்க ஒவ்வொரு பயன்பாட்டிற்கும் பிறகு உங்கள் பியூட்டி பிளெண்டரை சுத்தம் செய்வது மிக முக்கியமாக கவனத்தில் கொள்ள வேண்டிய விஷயம். அத்துடன் கழுவி அப்படியே விட்டு பாக்டீரியா வளர்ச்சியைத் தடுக்க அதை அவசியம் நன்கு காற்றோட்டமான பகுதியில் உலர வைத்து பின் எடுத்து வைப்பது மிக முக்கியமானது.

பலமுறை பயன்பாட்டுக்கு பிறகு உங்கள் பிளேண்டர் தேய்மானத்தின் அறிகுறிகளைக் காட்டினால், ஒவ்வொரு 3-6 மாதங்களுக்கும் அல்லது அதற்கு முன்னதாகவே அதை மாற்றுவதைக் கருத்தில்கொள்ளுங்கள்.

பொதுவாக எல்லாவித ஒப்பனை பொருள்களையும் தகுந்த பராமரிப்புடன் வைத்து பாதுகாத்தால்தான் அழகுக்கு உதவும். அதேபோல் இந்த பிளெண்டரையும் சுத்தமாகவும் நல்ல நிலையிலும் வைத்திருக்க வேண்டும். அப்போதுதான் ஒவ்வொரு முறையும் குறைபாடற்ற ஒப்பனைப் பயன்பாட்டை பெறலாம்.