முடி வறட்சியைப் போக்க உதவும் சூப்பர் டிப்ஸ்! 

முடி என்பது நம் அழகின் அடையாளம். ஆனால், பல்வேறு காரணங்களால் முடி வறண்டு போய் பளபளப்பு இழந்து உடையக்கூடியதாக மாறுவதுண்டு. இது நம்மை மனரீதியாக பாதிப்பதோடு நம் தோற்றத்தையும் கெடுத்துவிடும். முடி வறட்சிக்கு பல காரணங்கள் இருக்கலாம். சூரிய ஒளி, காற்று மாசுபாடு, தவறான முடி பராமரிப்பு முறைகள், ஊட்டச்சத்து குறைபாடு போன்றவை முக்கிய காரணங்கள். இந்தப் பதிவில் முடி வறட்சியை ஏற்படுத்தும் காரணங்கள் மற்றும் அதற்கான வீட்டு வைத்திய முறைகள் பற்றி விரிவாகப் பார்க்கலாம். 

முடி வறட்சியின் காரணங்கள்: 

நேரடி சூரிய ஒளி மற்றும் காற்று மாசுபாடு முடியில் உள்ள ஈரப்பதத்தை உறிஞ்சி, முடியை வறண்டுபோகச் செய்யும். மேலும், அடிக்கடி தலைக்கு குளித்தல் சூடான நீரைப் பயன்படுத்துதல், ஹேர் டிரையர், ஸ்ட்ரெயிட்னர் போன்றவற்றை அதிகமாக பயன்படுத்துதல் போன்றவை முடியை வறண்டு போகச் செய்து, அதன் தன்மையை மாற்றிவிடும். 

ஷாம்பு, கண்டிஷனர், ஹேர் ஸ்பிரே போன்ற ரசாயனப் பொருட்கள் முடியை பாதித்து வறட்சியை ஏற்படுத்தும். மேலும், இரும்பு வைட்டமின் பி, வைட்டமின் ஈ போன்ற ஊட்டச்சத்து குறைபாடுகள் இருப்பது முடி வறட்சிக்கு முக்கிய காரணமாகும். இது தவிர, சிலருக்கு மரபணு ரீதியாகவும் முடி வறட்சி இருக்கும். 

முடி வறட்சியை சரி செய்யும் வீட்டு வைத்தியங்கள்: 

தேங்காய் எண்ணெய் முடியில் உள்ள ஈரப்பதத்தைத் தக்க வைத்து முடியை மென்மையாகவும், பளபளப்பாகவும் மாற்றும். தலைமுடிக்கு ஆலிவ் எண்ணெய் பயன்படுத்துவது முடிக்கு ஆழமாக ஊட்டமளித்து முடி வளர்ச்சியை ஊக்குவிக்கும். வாரத்தில் ஒருமுறையாவது கற்றாழை ஜெல்லை தலைமுடிக்கு பயன்படுத்துவது, ஈரப்பதத்தை தக்க வைத்து தலையில் ஏற்படும் அரிப்பைப் போக்க உதவும். தலைமுடிக்கு தயிர் பயன்படுத்துவது முடியை வெண்மையாகவும், பளபளப்பாகவும் மாற்றும். தலைமுடிக்கு முட்டை பயன்படுத்தினால், அதில் உள்ள புரதம் முடியை வலுப்படுத்தி, முடி உதிர்வைத் தடுக்கும். 

உங்களுக்கு முடி வறட்சி அதிகமாக இருந்தால், சரும மருத்துவரை அணுகி சிகிச்சை பெறுவது நல்லது. தலைமுடிக்கு ஈரப்பதமூட்டும் ஷாம்பு, கண்டிஷனர் மற்றும் ஹேர் மாஸ்க் பயன்படுத்துங்கள். அடிக்கடி தலைக்கு குளிப்பதைத் தவிர்த்து, சூடான நீரைப் பயன்படுத்துவதைக் குறைத்து, ஹேர் டிரையர், ஸ்ட்ரெய்ட்னர் போன்றவற்றை குறைவாகவே பயன்படுத்துங்கள். இத்துடன் இரும்பு, வைட்டமின் பி, வைட்டமின் ஈ போன்ற ஊட்டச்சத்துக்கள் நிறைந்த உணவுகளை உண்ணுங்கள். குறிப்பாக, உடலில் ஈரப்பதத்தை தக்க வைத்துக்கொள்ள அடிக்கடி தண்ணீர் குடிப்பதை உறுதி செய்து கொள்ளுங்கள். 

முடி வறட்சியைப் போக்க பல்வேறு வழிமுறைகள் உள்ளன. வீட்டு வைத்தியங்கள் முதல் மருத்துவ சிகிச்சைகள் வரை பல வழிகள் இருப்பதால், எந்த முறையை தேர்வு செய்வதற்கு முன்பும் தோல் மருத்துவரை அணுகி ஆலோசனை பெறுவது நல்லது. முடி வறட்சியைத் தடுக்க ஆரோக்கியமான வாழ்க்கை முறையைப் பின்பற்ற வேண்டும். சரியான உணவு, போதுமான தூக்கம், மன அழுத்தத்தைக் குறைத்தல் போன்றவை முடியின் ஆரோக்கியத்திற்கு மிகவும் முக்கியம்.